týsdagur 29. juni 2004síða 11

Nr. 121 - 29. juni 2004 21 Landsliðsleikarin Súni Olsen var stóri leikarin, tá ið GÍ heldur óvæntað vann 4-2 á VB í Vági á Jóansøku VB-GÍ Terji Nielsen terji@sosialurin.fo Vágbingar hava havt eitt gott kappingarár higartil í ár, og óivað høvdu teir sett nøsina upp eftir einum sigri á Jóansøku, tá ið gøtumenn komu suður á vitjan. GÍ byrjaði kappingarárið væl, men seinastu umførini hev- ur tað ikki gingið eftir vild. Avgjørdu í fyrra hálvleiki Dysturin var ikki gamal, so var hann avgjørdur. Einans seks minuttir vóru leiktir, tá ið gestirnir úr Gøtu løgdu seg á odda. Leikandi venj- arin, Krystof Popczynski. slapp leysur eftir skjótálop og staddur áraka brots- teigarmarkið, smekkaði hann til við vinstra beini, og so var 1-0 til GÍ. Góðar tíggju minuttir seinni vóru gøtumenn aftur upp á spæl. Ein bóltur bleiv sendur væl innfyri, og við handaru stong var Krystof hægstur og stútaði upp á tvørs, har Súni Olsen var klárur og høgdi bóltin í kassan til 2-0. Landsliðs- leikarin tykist trívast ógvu- liga væl í sínum leikluti sum hangandi áleypari beint aftan fyri Krystof Popczynski. Gøtumenn vóru væl betri enn vertirnir í fyrra hálv- leiki, og tað var lítið, sum VB hevði at bjóða teimum mongu stevnugestunum. Tá ið fyrri hálvleikur var um at verða liðugur fall avgerðin í dystinum, tá ið Súni Olsen enn einaferð var upp á spæl. Hann skeyt eitt av sínum vandamiklu frí- spørkum ímóti málinum hjá vágbingum og umvegis eitt VB-bein, smeyg bólt- urin sær í mál til 3-0. Sum skilst hevði bólturin allar- helst farið í mál, hóast VB- beinið ikki kom á bóltin, og dómarin í dystinum, Dag- finn Olsen, góðskrivaði landsliðsleikaran fyri mál- ið. At støðan var 3-0 í hálv- leikinum, var ikki so nógv at siga til, tí munurin á liðunum báðum hevði verið stórur. Gøtumenn høvdu tað flótandi álopsspælið frammi, meðan vágbingar tóktust merkiliga tungir. VB kom meiri við í dystin Í seinna hálvleiki var eitt sindur meiri av lív í spælin- um hjá heimaliðnum. Tó noyddust teir at bíða, heilt inntil eitt korter var eftir at leika av dystinum. Birgir Jørgensen, sum hesaferð byrjaði á beinkinum, var innskiftur fyri Mindaugas, og hann fekk minkað um munin fyri heimaliðið. VB royndi nú at senda nógv fólk fram í eini roynd at fáa nakað burtur úr dystinum. Ístaðin vóru tað gestirnir úr Gøtu, sum enn einferð skoraðu. Aftur hesaferð var tað landsliðsleikarin, Súni Olsen, ið var á blettinum. Hann slapp at standa í skotstøðu áraka brotsteigar- markið, og við sínum eyð- kenda vinstrabeini sendi hann bóltin framvið Bjarna í VB-málinum, og so var 4- 1 til GÍ. Vertirnir úr Vági fingu tó pyntað um úrslitið enn einaferð, tá ið Palli Augustinussen skoraði til 2-4 tveir minuttir fyri leik- lok. VB-GÍ 2-4(0-3) 0-1 Krystof Popczynski 6. 0-2 Súni Olsen 18. 0-3 Súni Olsen 45. 1-3 Birgir Jørgensen 75. 1-4 Súni Olsen 85. 2-4 Palli Augustinussen 89. VB: Bjarni Johansen - Jón Pauli Olsen, Eyðun Jacob- sen, Anders Sørensen, Ják- up Olsen (65. Michael í Lágabø)- Palli Augustinus- sen, Milan Kuljic, Daniel Kristensen, Símun Samuel- sen - Dan Djurhuus, Min- daugas (59. Birgir Jørgen- sen) Gult kort: Eyðun Jacobsen GÍ: Hallur Hansen - Leivur Hansen, Pól Ennigarð, Kaj Ennigarð, Hanus Jacobsen - Áslakkur Petersen (61. Magnus Skoralíð), Símun Louis Jacobsen, Pól Henn- ing Jacobsen, Hans Pauli Petersen - Súni Olsen, Krystof Popczynski Gult kort: Leivur Hansen og Pól Henning Jacobsen Dómari: Dagfinn Olsen Súni gjørdi bart í Vági Heldur óvæntað noyddust vágbingar at lúta fyri GÍ í jóansøkudystinum í Vági leygarkvøldið. Gøtumenn fór norður aftur við einum 4-2 sigri, og landsliðsleikarin, Súni Olsen, var á blettinum heilar tríggjar ferðir. Mynd: Áki Bertholdsen 21 Nr. 121 • týsdagur • 29. juni 2004 • 78. árgangur • www.sosialurin.fo Nú fer ÍF av landinum Hóast tað sunnudag- in gekk av skriðuni, so hava fuglfirðingar ikki givið skarvin yv- ir. Eftir seinnu hálv- finaluna, sum verður leygarkvøldið, fara teir til Jyllands at fyrireika seg til seinnapartin av kappingarárinum ÍF Á FERÐ Jóannes Hansen Støðutalvan boðar frá, at tað ikki stendur nakað serligt til við fótbóltinum í Fuglafirði. Eftir 6-1 lúsingin á heima- vølli í síðsta umfarinum un- dan summarsteðginum hev- ur ÍF ikki vunnið síðani í 2. leikumfari, tá ið teir á heimavølli koppaðu NSÍ við 4-2. Síðani tá hevur ÍF bara fingið stig í heimadystinum ímóti B68. Úrslitið ta ferð- ina var 1-1. ÍF og B68 eru á tveimum teimum niðastu plássunum, og tað er greitt at hesi bæði feløgini fara at halda summarfrí á hesum plássunum. ÍF hevur fýra stig og er sjey stig aftanfyri GÍ og átta stig aftanfyri KÍ. Um B68 fer at hava eitt ella fleiri stig varð greitt í gjár- kvøldið, tá ið toftamenn spældu á heimavølli ímóti B36. Flestu fótbóltsfeløgini eru nú farin í summarfrí. Hjá teimum flestu verður talan um steðg í umleið tvær vikur. Í annaðkvøld fer HB at taka ímóti NSÍ í Gunda- dali. Talan verður um síðsta dystin í níggjunda leikum- farinum. Talan verður um rættuligt oddastríð. NSÍ, sum leygardagin tapti 4-0 á Svangaskarði í Intertoto Cup ímóti Esbjerg, sum harvið samantalt vann 7-1, fer við sigri í annaðkvøld at hava møguleika at leggja seg á odda í landskapping- ini. Tað hava teir, tí Skála leygardagin einki fekk burt- urúr heimadystinum ímóti EB/Streymi. Um NSÍ fer at vinna á HB, so verður talan um rættuliga lítlan mun á fremstu feløgunum. Um tað harafturímóti fer at eydnast hjá HB at vinna á NSÍ, so fara meistararnir tvey tey seinastu árini rættuliga at leggja sjógv millum seg og allar hinar. Finalistarnir Leygardagin verður gjørt av, hvørji feløg skulu hittast í steypafinaluni á Ólav- søku. Seinnu hálvfinalur- nar fara at verða spældar í Havnini og í Fuglafirði. Í Havnini fara HB, sum tað ikki enn hevur eydnast hjá at fáa lut í Løgmanssteyp- inum, sum tað hevur verið spælt um síðani í 1999, og VB at stríðast. Fyrra hálv- finalan, sum varð spæld í Vági 23. mai, endaði 1-1. ÍF og NSÍ fara at spæla á Varmakeldu. Dysturin er ásettur at vera leygarkvøld- ið klokkan 19. Tá ið hesi bæði feløgini hittust í Runavík í fyrru hálvfinal- uni, endaði tað málleyst. Síðani tá hevur tað gingið støðugt framá hjá NSÍ, meðan tað hevur gingið skeiva vegin hjá ÍF. Síðstu dystirnir undan summarsteðginum verða spældir fyrra partin av næstu viku. FCK og Todi Jónsson koma til Føroya at vitja. Teir skulu spæla í Klaksvík mánakvøldið og á Tórsvølli ímóti HB annað mikukvøld. Atgongumerki til teir báðar dystirnar eru at fáa í forsølu á Statoil- støðunum í Klaksvík, í Runavík og í Gundadali. Fyrstu fótbóltsdystirnir eftir summarsteðgin verða spældir longu mitt í juli. Tá skulu B36 og B68 spæla í UEFA Cup. Báðir dystirnir verða ímóti letlendskum feløgum. Teir eru ásettir at vera 15. og 29. juli. Í báð- um førum fall luturin fríggjadagin, at føroysku feløgini fyrst skulu spæla á útivølli. Tað verður í løtuni kanna, um tað fæst fíggjar- ligur fyrimunur burturúr, um annað liðið fyrst skal spæla á heimavølli. Um tað vísir seg, at hetta verður fyrimunur, so verður roynt at fáa letlendsku feløgini at býta um. Tað verður eisini arbeitt við at flyta dystardagin í UEFA Cup frá Ólavsøkuni. Ætlanin er at fáa dystirnar avgreiddar fyri Ólavsøku. Í innleiðandi umfarinum í kappingini fyri meistara- lið var HB so óheppið í lutakastinum, sum tað næstan bar til at ímynda sær. HB skal spæla ímóti georgiska meistaraliðnum. Luturin fall soleiðis, at HB skal spæla á utivølli miku- dagin 14. juli og á heima- vølli eina viku seinni. ÍF til Jyllands Summarsteðgurin er rættu- liga stuttur hjá flestu feløg- unum. Sunnudagin fór EB/- Streymur av landinum. Teir fóru til Italia, har teir í tvær vikur skulu fyrireika seg til seinnapartin av landskapp- ingini. EB/Streymur hevur staðið seg betri higartil í ár, enn teir hava gjørt undan- farnu árini, tá ið teir hava verið í bestu deildini. Í Fuglafirði hava teir ikki heilt mist mótið, hóast gongdin ikki hevur verið serliga hugalig nógvu tær seinastu vikurnar. Leygar- dagin 17. juli fer ÍF til Dan- markar á venjingarlegu. Tað eru óføru ÍF stuðlarnir, sum hava syrgt fyri, at ferðin er fingin í lag. Í ferðalagnum vera umleið 50 fólk. Umframt spælarar- nar vera eisini konur og børn við í ferðalagnum. Sambært snotuligi leik- skránni, sum ÍF gav út í sambandi við landskapp- ingardystin ímóti KÍ sunnu- dagin, so verður ferðalagið aftur í Føroyum 24. juli. Venjingarlegan verður í Aalborg, sum er vinarbýur hjá Fuglafirði. Venjingar- nar verða á vallunum hjá KFUM. Hvussu venjingar- legan fer at verða skipað valdast um, hvussu úrslitið verður ímóti NSÍ á Varma- keldustevnuni. Um ÍF fer at megna at vinna sær finalu- pláss, so fer tað nógva av venjingini at ganga fyri seg á grasi, tí finalan verður spæld á grasi á Ólavsøku. Umframt at venja nógv so er ætlanin hjá ÍF at spæla fleiri venjingardystir á ferð- ini í Danmark. Enn er ikki greitt, hvørjum hesir dystir- nir fara at verða spældir ímóti. Sást ikki aftur Sambært ÍF leikskránni so vóru ÍF spælararnir undan heimadystinum ímóti KÍ í onkrum slagi av viðger fyri at fáa sjálvsálitið upp á pláss, eftir at tað hevði gingið minni gott nógvu tær seinastu ferðirnar. Talan var um kvøldsetu á Muntra. ÍF stuðlarnir stíl- aðu fyri. Ætlanin hjá teim- um var partvís at vísa spæl- arunum, at teir stuðlaðu teimum hundrað prosent, hóast tað ikki hevði gingið so væl. Hin parturin av ætl- anini var, at dentur skuldi leggjast á, hvussu spælarar- nir sálarliga kundu seta seg upp og harvið hava størri møguleika at venda ikki serliga hepnu gongdini. ÍF tapti 6-1 ímóti KÍ, og avrikið var einki at reypa av. Spurningurin er so, um tað hevði havt verið uppaftur lakari, um eingin kvøldseta hevði havt verið. Men ÍF spælararnir tykjast hava góðar karmar. Í heyst fer at bera til at staðfesta, um venjingarlegan í Aalborg fer at vera amboð at røkka mál- inum fyri hetta kappingarár- ið. Málið er at varðveita plássið í bestu deildini. Tíggjunda umfarið í landskappingini verður á skránni sunnudagin 1. aug- ust. Tá sær skráin soleiðis út: EB/Streymur-B36, B68- KÍ, ÍF-GÍ, HB-Skála og VB-NSÍ. Fuglfirðingar fara í næstum av landinum á venjingarlegu í Danmark við tí fyri eyga, at teir fáa vent skeivu gongdini í landskappingini, soleiðis at teir ikki noyðist at stríðast fyri at sleppa undan niðurflyting Mynd: Álvur Haraldsen C M Y K 20