týsdagur 29. juni 2004síða 12

Nr. 121 - 29. juni 2004 23 23 22 Nr. 121 - 29. juni 2004 Tey fýra málini eru nokk munurin Í seinna InterToto Cup-dystinum hjá NSÍ móti Esbjerg fB megnaði NSÍ ikki tað sama sum í fyrra dystinum. Donsku bronsuvinnararnir vunnu ein tryggan 4-0 sigur, ið helst eisini er munurin á føroyskum og donskum fótbólti INTERTOTO CUP Terji Nielsen Lítið man vera at ivast í, at runavíkingar royndu sítt besta á Svangaskarði leyg- ardagin. Í øllum førum gjørdu teir ein vørr at byrja við í hvørjum hálvleiki móti Esbjerg fB, men tað rakk so ikki eins langt og tað gjørdi niðri í Esbjerg. Fyrra dystin tapti NSÍ eftir eitt gott avrik 3-1, men nú spælt varð á heimavølli, endaði tað við 4-0 tapi. Esbjerg fB syrgdi fyri tveimum málum í hvørjum hálvleiki, og so var atg- ongumerkið greitt til annað umfar í InterToto Cup- kappingini, har franska Nice er mótstøðuliðið. Sum sagt, so gjørdi NSÍ mest um seg fyrstu løtuna í fyrra hálvleiki og fyrstu løtuna í seinna hálvleiki. Men yvirmaktin var nokk ov stór, tí ikki megnaðu runavíkingar á heimavølli at umseta kjansirnar til mál. Serliga allarfyrst í dystin- um legði NSÍ væl út, og beinanvegin var ein møgu- leiki. Ian Højgaard fann Jónstein Petersen frammi í vinstru síðu, har hann setti tveir verjuleikarar av, áðr- enn hann sendi innfyri. Har stóð Súni Fríði Barbá, men skundaði sær so nógv at avslutta, at bólturin varð skotin væl við síðuna av málinum. Einar tvær ferðir aftrat var NSÍ framvið, men tað gjørdist ikki meira enn til hálvar kjansir hesa fyrstu løtuna, áðrenn Esbjerg fB hevði fingið fótin fyri seg í nógva vindinum á Svanga- skarði leygardagin. Í fyrra hálvleiki hevði Esbjerg fB vindin undan. Gjørdu skjótt av Tá so donsku bronsuvinn- ararnir raknaðu við, gjørdu teir eisini skjótt av. 25 min- uttir vóru farnir, tá tað eydnaðist liðformanninum, Jess Thorup, at finna Jan Kristiansen, ið fekk sent bóltin í málið, og bara hálv- anannan minutt seinni var tað Anders Egholm, ið eftir hornaspark fekk pláss og stundir at venda sær á og skjóta - so var 2-0. Undan hesum høvdu tek- in verið um, at gestirnir mundu fara at fáa okkurt mál, tí beint frammanundan hevði Hans H. Andreasen sent beint fram við afturu stong og Jess Thorup skotið á stongina. Nú málini so vóru komin, fekk Esbjerg fB sett spælið hjá sær upp í ferð, og ofta var trupult hjá NSÍ-arunum at fylgja við. Tó spurdust ikki so øgiliga nógvir mál- møguleikar burtur úr danska spælinum. Í seinna hálvleiki legði NSÍ aftur bragdliga fyri, og aftur var tað Súni Fríði Barbá, ið fekk størsta kjansin. Sjúrður Jacobsen sendi hornaspark innfyri úr høgru síðu, og við aftaru stong setti Súni Fríði høvd- ið á, men á stongina og út. Sum dystinum leið, setti Esbjerg fB seg meira og meira á hann, men kortini fekk Jens Martin Knudsen aftur hesa ferð pilkað svenska framherjan, Fredr- ik Berglund, niður. Heilar tríggjar ferðir slapp Berg- lund leysur, men hvørja ferð fekk Jens Martin blok- erað, so einki kom burturúr. Hinvegin fekk topp- húgvumaðurin einki gjørt, tá Esbjerg fB aftur innan fyri lítla løtu í seinna hálv- leiki sendi bóltin í málið tvær ferðir aftrat. Fyrst skoraði Jakob Poulsen til 3- 0 við einum fløtum skoti í 69. minutti, og bara fýra minuttir seinni varð Jan Kristiansen fríspældur av Fredrik Berglund og kundi økja til 4-0. Tankarnir aðrastaðni Sjálvt um Esbjerg fB hevði fult tamarhald á síðsta hálva tímanum av dystin- um, royndi NSÍ av og á at sleppa longur fram á vøllin, og í triðsíðsta minutti mundi tað eisini givið úr- slit. Ein misskiljing í verj- uni hjá Esbjerg fB gjørdi, at Jónstein Petersen við sínum skjótleika vann kapprenn- ing við málverjan, Lars Winde, men mátti síggja bóltin bresta í yvirliggj- aran… Donsku gestirnir tóktust yvirhøvur væl nøgdir við úrtøkuna, men hinvegin gjørdi NSÍ síðstu 15-20 minuttirnar nakrar útskift- ingar, ið kundu bent á tað borðið, at onkrir av leikar- unum vórðu spardir til oddadystin móti HB í annaðkvøld, ið man hava heldur størri týdning fyri felagið enn at renna eftir einum ógvuliga lítlum møguleika fyri víðari InterToto Cup-luttøku. Jústinus R. Hansen av- loysti Gert Langgaard á miðvøllinum og Andy Ol- sen fór í álopið fyri Helga L. Petersen. Hinvegin var eitt nú Aleksandar Jovevic als ikki brúktur leygar- dagin. Europeisku royndirnar hjá NSÍ eru nú tvífaldaðar, og samlaða úrslitið var eitt vet betri enn í fjør. Í dyst- inum leygardagin fekk NSÍ í løtum givið donsku bronsuvinnarunum góða mótstøðu, men megnaði kortini ikki at verja seg ímóti at tapa. Hinvegin eru fýra mál óivað eisini á leið tað, ið kann væntast at vera munurin á føroyskum og donskum fótbólti. InterToto Cup Leygardagin 26. juni 2004 á Svangaskarði NSÍ-Esbjerg fB 0-4 (0- 2) 0-1: Jan Kristiansen, 25. 0-2: Anders Egholm, 27. 0-3: Jakob Poulsen, 69. 0-4: Jan Kristiansen, 73. NSÍ: Jens Martin Knudsen - Brynjolvur Nielsen, Óli Hansen, Dánial Hansen, Sjúrður Jacobsen (Áki L. Hansen, 71.) - Gert Lang- gaard (Jústinus R. Hansen, 68.), Ian Højgaard, Kári Hansen - Helgi L. Petersen (Andy Olsen, 71.), Súni Fríði Barbá, Jónstein Peter- sen Gul kort: Ian Højgaard, 14. og Óli Hansen, 56. Esbjerg: Lars Winde - Jerry Lucena, Kjetil Peder- sen, Anders Egholm, Mart- in Jensen (Tommy Løven- krands, 66.) - Søren Bars- lund (Lasse Kryger, 68.), Hans Henrik Andreasen, Jakob Poulsen - Jan Kristi- ansen, Fredrik Berglund (Jesper Jørgensen, 83.), Jess Thorup Gult kort: Kjetil Pedersen, 32. Áskoðarar: 500 Helgi L. Petersen úr NSÍ sær út til at vinna henda nærdystin, men annars vóru tað Martin Jensen, Hans H. Andreasen og hinir í Esbjerg fB, ið vunnu sjálvan dystin Tryggur sigur til B71 Sandoyingar endaðu fyrru hálvu við ein- um trivaligum 5-0 sigri á B36 heima á Sandi 2 DEILD Terji Nielsen terji@sosialurin.fo B71 vann ein tryggan 5-0 sigur á B36, tá ið liðini hittust á Sandi leygar- dagin. Hálvleiksstøðan var 2-0 til heimaliðið. Eingin ivi Tað var Jónsvein Thom- sen, ið legði heimaliðið á odda 1-0, tá ið okkurt um ein hálvur tími var leiktur av dystinum. Stutt fyri hálvleik økti veteranurin Eli Hentze til 2-0 eftir gott uppspæl úr vinstru síðu. Eingin ivi var um, hvat var betra liðið, og serliga eftir steðgin var B71 eina- ráðandi. Hanus Clement- sen økti til 3-0 við einum góðum langskoti, og Eir- ikur Poulsen gjørdi tað til 4-0, tá ið hann fangaði ein leysan bólt inni í brots- teiginum hjá B36. Síðsta málið í dystinum gjørdi brasiliumaðurin, Clayton Soares, tá ið hann sendi eitt beinleiðis fríspark í málið til 5-0, sum sostatt gjørdist endaliga úrslitið av dystinum heima á Sandi. Nú farið verður í summarfrí, liggur B71 nummar trý í næstbestu deildini, meðan árstalsfel- agið úr Havn liggur nummar átta. C M Y K 22