týsdagur 29. juni 2004síða 13

Nr. 121 - 29. juni 2004 25 24 Nr. 121 - 29. juni 2004 Balling aftur á kendar leiðir Fyrrverandi NSÍ spælarin er nú aftur í Vejle, har hann verður liðfelagi og kappingarneyti hjá Christian Høgna Jacobsen ÚTISETAFELAG Jóannes Hansen Ulrik Balling er kent navn í føroyskum fótbólti. Upprunaliga spældi hann í Vejle, og nú hevur hann skrivað nýggjan sáttmála við Vejle. Har verður hann liðfelagi við Christi- an Høgna Jacobsen. Christian Høgni er fram- vegis skaddur í knænum. Tá ið hann fer at verða komin fyri seg aftur eina ferð í vár, fara teir báðir at kappast um pláss í Vejle álopinum. Teir hava áður verið liðfelagar í NSÍ. Fyri tveimum árum síð- ani var Ulrik Balling í NSÍ. Hóast hann var skaddur stóran part av tíð- ini, so skoraði hann fýra mál, og tey vóru hvørt týdningarmikið enn annað og millum orsøkirnar til, at NSÍ rakk silvurkrónunum, ið er tað hægsta, sum teir higartil hava rokkið í landskappingini. Hóast áhugi var í Runavík at halda fram við samstarvinum við danska álopsspælaran, so spurd- ist einki burturúr. Balling hevði hug at royna, hvussu langt hann kundi røkka í Danmark, men tað hevur ikki gingið nakað serligt. Møguleikarnir fyri stórum inntøkum í donskum fótbólti hava verið smáir. Útboðið av brúkiligum spælarum hevur verið størri enn eftirspurningurin. Síðsta árið hevur Ulrik Balling spælt í FC Aarhus. Felagið hevur verið um- boðað í næstbestu deildini. Tað eydnaðist ikki at varð- veita plássið. Teir taptu stríðið at sleppa undan niðurflyting eitt nú við Vejle. Nú hava Ulrik Ball- ing og tveir liðfelagar hjá honum skrivað sáttmála við Vejle Boldklub, ið fyri- reikar seg í vónini um, at tað skal hilnast betri næsta ár, enn tað hevur gjørt síðsta árið. Nýggjur venj- ari í Vejle er Frank Ander- sen, sum áður hevur verið venjari í eitt nú Sønd- erjydskE, ið hann flutti upp í superliguna við. Ulrik Balling, sum er 29 ára gamalur, er ættaður av Sælandi. Hann spældi fyrst í Slagelse og síðani í Næstved, áðrenn hann royndi fótbóltsevnini í Tromsø í Noregi. So spældi hann í Aarhus Fremad, sum FC Aarhus tá nevndist, og síðani fór hann til Vejle, har hann spældi 80 dystir og skor- aði 24 mál, áðrenn hann flutti til Føroya. ÍF fór orduliga í spønir ímóti KÍ, sum við stórsigri eisini fekk málmunin at venda rætta vegin, áðrenn teir fóru at hvíla seg ÍF-KÍ Jóannes Hansen Tað var ikki lukkuligt, sum klaksvíkingar tóku fyri sær, tá ið teir vitjaðu í Fuglafirði fyri fyrstu ferð, síðani teir eftir fjórðingsfinaluna í steypakappingini stóðu vónbrotnir eftir tepra tapið. Fuglfirðingar hingu toluliga uppií fyrra partin av fyrra umfarinum. Tá ið unglingaspælarin Julian Samuelsen við fínum stút- ara - akkurát sum grikska málið í fjórðingsfinaluni - hevði lagt KÍ framum, vóru greiðar ábendingar um, hvønn veg tað bar, og tá ið Jacob Bymar dygst undan steðginum hevði økt til 3-1, var tað meiri ein spurningur um, hvussu stórur sigurin hjá KÍ fór at verða, heldur enn um tað skuldi eydnast hjá ÍF at koma afturíaftur. Jacob Bymar skoraði til 3-1, tá ið hann úr heilt stutt- ari fjarstøðu snittaði bóltin upp um Karstin Joensen. Hesa ferð var Jacob Bymar á framrættaða miðvallar- plássinum, sum Atli Dani- elsen annars plagar at vera á. Atli var á verjukenda miðvallarplássinum, sum Jan Joensen hevur havt. Saman við teimum báðum vóru Leon Bjartalíð og Símun Joensen á KÍ mið- vøllinum. Klaksvíkingar høvdu nógv pláss at dusa sær á, og ÍF verjan hevði torført at ansa Erlingi Fles og Juliani Samuelsen. Tá ið Jacob Bymar í fjør kom til Klaksvíkar, segðist hann vera maðurin, sum skuldi skjóta málini. Tí gekk tað illa við. Nú tykist Jacob Bymar rættuliga at hava fingið høvdið fyri seg í Klaksvík. Hann er skjótur, altíð klárur at taka lut í samanspælinum, og so vísti hann sunnudagin á álops- kenda miðvallarplássinum máltevið, sum tað í fjør ongantíð sást nakað til. Tá ið hann setti hol á, varð hann spældur úr høgru og inn um verjuna, og hann var púra kaldur og fullur í sjálvsáliti, tá ið hann setti framvið málverjanum. Tá ið KÍ tíggju minuttir eftir steðgin skoraði til 4-1, var talan um fínt uppspæl í høgru og flatt innlegg, og soleiðis var tað eisini, tá ið teir skoraðu til 5-1. Í øðrum av hesum førinum hevði KÍ marginalirnar rættuliga við sær. Eftir ÍF horna úr høgru stútaði Hanus Eliasen í stólpan. Fuglfirðingarnir høvdu armarnar omanfyri høvd, men linjuverjin og dómarin søgdu einki. Jákup Mikkelsen fekk fatur á bóltinum, tveitti í høgra borð, har Harley Berthold- sen, sum nú hevur vunnið sær pláss aftur á liðnum, spældi skjótt, bólturin fór heilt fram í hornið, og tað var púra sóttreinsað fyri reyðar troyggjur, tá ið bólt- urin kom inn undir málið. Lítið sjálvsálit Heimaliðið tóktist ikki hava serliga stórt sjálvsálit. Teir royndu viðhvørt at spæla fótbólt, men tað miseydn- aðist ofta. Í fleiri av pláss- unum vóru ikki teir spælar- arnir, sum hava verið roknaðir at vera stuðuls- spælarar, og tað kostaði. Verjan var ógvuliga lítið avgjørd, og álopsparturin var rættuliga tunnur. ÍF fekk mál við brots- sparkið, tá ið eitt stórt korter var farið. Teir sekt- aðu stórt verjumistak hjá KÍ. Ove Nysted royndi sum aftasti maður og í høgra borði at fara framvið tveim- um spælarum. Tað eydn- aðist í fyrra førinum, men so fingu fuglfirðingar fatur á, Hanus Eliasen kom í brotsteigin í vinstru, takl- ingin hjá Niclasi Niclasen kom ov seint, og Høgni Zachariasen setti úr ellivu metrum bóltin flatt og umvegis stólparótina og í málið. Sum tíðin leið, var tað eyðsýnt, at ÍF ikki hevði nógvar streingir at spæla uppá. Nógvir kvalifiseraðu seg til útskifting. Fleiri spælarar vóru á beinkinum, og onkrir hitaðu upp, men tað var bara ein nýggjur maður settur á vøllin. Tað mundi ikki kennast sum herðaklapp til ómóðu menninir, sum neyvan vóru serliga uppsettir, tá ið teir fóru at spæla í 3. deild og ímóti sørvingum. ÍF sleppur ikki í summar- frí fyrrenn leygarkvøldið, tá ið teir á Varmakeldu- stevnu hava spælt seinnu hálvfinaluna í steypakapp- ingini ímóti NSÍ. Avrikið sunnudagin bendi ikki á, at ÍF skal vera annar parturin í finaluni ólavsøkudag. Men tað kann við einum góðum vilja eisini vendast tann vegin, at ÍF longu hevði hugsanirnar snaraðar ímóti hálvfinaluni. Tað er einki at siga til, at klaksvíkingar vóru væl nøgdir. Julian Samuelsen vísti seg at vera ágrýtnan og skilagóðan álopsspæl- ara, Harley Bertholdsen, Jacob Bymar og Erling Fles vóru eisini sannførandi, og hinir høvdu heldur ikki trupulleikar. Men tað skal framvegis havast í huga, at mótstøðuliðið hevði so lítið at bjóða uppá, sum neyvan nakað annað lið í bestu deildini hevur í løtuni. ÍF-KÍ 1-6 (1-3) 0-1: Jacob Bymar 13. 1-1: Høgni Zachariasen 17. 1-2: Julian Samuelsen 25. 1-3: Jacob Bymar 45. 1-4: Erling Fles 56. 1-5: Jacob Bymar 76. 1-6: Erling Fles 89. Dómari: Eiler Rasmussen ÍF: Karstin Joensen - Árni Petersen, Áki Petersen (John Thomsen, 63.), Viggo Johannesen, Tostein Joensen - Eyðolvur R. Petersen, Eyðun Rygs- hamar, Høgni Zachariasen, Frileif í Lambanum - Atli Petersen, Hanus Eliasen Gult kort: eingin KÍ: Jákup Mikkelsen - Harley Bertholdsen, Ove Nysted, Niclas Niclasen, Marek Wierzbicki (Jákup Hansen, 74.) - Leon Bjarta- líð, Atli Danielsen, Jacob Bymar (Arnhold Joensen, 77.), Símun Joensen (Frank Joensen, 81.) - Erling Fles, Julian Samuelsen Gult kort: eingin Føroyski landsliðs- spælarin verður í verjuni hjá Horsens í hvussu so er í tvey ár afturat ÚTISETI Jóannes Hansen Hann verður nevndur úti- seti, tí hann býr í Dan- mark, og tí hann er ein av teimum, sum kappast um plássini á føroyska fót- bóltslandsliðnum. Hann hevur ongantíð búð aðra staðni enn í Danmark, og harvið er hann ikki útiseti. Men hann er føroyskur landsliðsspælari, tí bæði foreldrini eru ættað úr Føroyum, og tí hann hevur valt at umboða Føroyar. Tað er Johan Byrial Hansen, sum er á skránni. Hann hevur verið í Hor- sens verjuni seinsatu ár- ini, og nú er greitt, at har fer han at vera í hvussu so er tvey ár afturat. Í vikuni hava Johan og Horsens skrivað nýggjan sáttmála. Í vár gekk ikki væl hjá Horsens. Eftir framúr væl eydnað heyst við stórari úrtøku og oddasessi, sum legði upp til superligu fótbólt eftir summarfrí- tíðina, varð nógv mist í vár, og Horsens endaði á triðja plássinum. Men leiðslan í felagn- um tykist hava verið væl nøgd við avrikið hjá Joh- an. Hann hevur viðhvørt verið vongverji í vinstru, og ofta hevur hann verið í miðverjuni saman við Mads Rieper, sum áður hevur spælt við AGF. Joh- an royndi seg eitt skifti í OB. Har eydnaðist honum ikki at vinna pláss á besta liðnum, og nú hevur hann eitt skifti verið aftur í Horsens, har hann altso fer at halda fram tvey tey næstu árini. Johan heldur fram Tað stendur ikki væl til í Fuglafirði Eingin teirra, sum undan hesum kapp- ingarárinum kom til Fuglafirðar at hjálpa til, var á liðnum sunnudagin - burtur- sæð frá málverjanum ÍF Í KREPPU Jóannes Hansen Tá ið ÍF fór undir fyrireik- ingarnar til royndina at standa seg í bestu deildini, ásannaðu teir, at tað var neyðugt at styrkja liðið, sum í fjør vann 2. deild, við nøkrum spælarum. Ein teirra var málverjin. Tá ið Jákup Mikkelsen var komin aftur til Klaksvíkar, flutti Karstin Joensen til ÍF. Har hevur hann roynst væl, og hóast seks mál fóru ígjøgn- um sunnudagin, so var einki at siga til avrikið hjá málverjanum. Tilgongdin úti á vøll- inum var Magni á Lakjuni, Bárður á Lakjuni, Rúni Elt- tør og Bartal Eliasen. Eing- in teirra var á liðnum sunnudagin. Bárður á Lakj- uni hevur altíð havt ógvu- liga góð fótbóltsevni. Hann hevur altíð verið plágaður av skaðum. Tað hevur hann eisini verið í ár. Nú hevur hann verið í Danmark fyri at vita, um nakað kann ger- ast fyri at fyribyrgja knæskaðarnar. Tað ber ikki til, og nú hevur Bárður gjørt av at gevast at spæla fótbólt. Tað er væl skilj- andi, at teir í ÍF harmast um støðuna, men teir siga seg eisini skilja avgerðina. Magni á Lakjuni hevur verið skaðaplágaður. Hann var á beinkinum sunnudag- in, men hann hevur ikki vant, og hann varð ikki sett- ur inn. Bartal Eliasen var um vikuskiftið við flog- bóltslandliðnum uttanfyri landoddarnar. Tá ið ÍF spældi ímóti B68, var fyrrverandi B36 spælarin, Jan Guttesen, á miðvøllinum. Hann hevur verið niðri aftur, men sunnudagin var hann aftur í Fuglafirði. Hann slapp kortini ikki framat. Spæli- loyvið var ikki komið úr ÍF Føroyum og umvegis DBU og FSF og til ÍF. Fyri ÍF var tap sera óheppið, at teir ikki høvdu syrgt fyri hesum. Bárður er givin at spæla KÍ venjarin segði seg vera ovurfegnan, men ikki skakkan av, at tað hesa ferð eydnaðist hansara at vinna stórsigur í Fuglafirði FYRSTU FERÐ Í 62 DAGAR Jóannes Hansen Ove Flindt-Bjerg fer í vik- uni av landinum í stutta summarfrí og til Vejle, har hann á DBU skeiði fer at leita eftir íblástri til venj- ingina. Hann verður tískil ikki á beinkinum, tá ið KÍ mánakvøldið í næstu viku fer at spæla í Klaksvík ímóti FCK og Toda Jóns- son. Tað er einki at siga til, at KÍ venjarin sunnudagin var fegin. Í fyrsta umfarinum, sum var Flaggdagin, vann KÍ 1-0 á heimavølli ímóti ÍF. Síðani tá hevur KÍ ikki vunnið aftur fyrrenn nú í Fuglafirði ella tveir mán- aðir og tveir dagar eftir fyrsta sigurin. – Tað gongur rætta vegin, men tað gongur ikki so skjótt, og úrslitini eru ikki so góð, sum fótbóltsáhug- aðu norðoyingarnir vilja hava tað at gera, staðfesti Ove Flindt-Bjerg, sum segði seg vera serliga fegn- an um, at tað hevði gingið væl hjá ungu monnunum. – Hesa ferð var Julian Samuelsen við frá byrjan, og Jákup Hansen og Frank Joensen komu inn. Hetta eru alt spælarar, sum iva- leyst fara at gera seg gald- andi, men tað eru teir fægstu, sum gerast 1. deild- arspælarar soleiðis beinan- vegin. Fyri felagið hevur tað týdning, at tað er tilgongd alla tíðina, og tað haldi eg meg síggja, at tað nú fer at vera. Vit hava havt trupulleikar at fáa mál. Hesa ferð glapp tað ordu- liga hjá Jacob Bymar og Erlingi Fles, og Julian Sam- uelsen skoraði eitt fínt mál. Men tað er langt á mál, og vit fara at halda fram við arbeiðnum, tá ið spælarar- nir hava hvílt seg í eina góða viku, segði KÍ venj- arin. Higartil hevur tað ikki verið frítt, at klaksvíkingar hava kent niðurflytingar- vandan hótta. Hóast teir vunnu á ÍF, so eru teir framvegis niðarlaga á talvuni. Men tað eru so mikið nógv stig aftur til ÍF og B68, at sannlíkið fyri fyrstu KÍ niðurflytingini á hundrað ára føðingardags árinum má metast at vera lítið og einki. Tað gongur rætta vegin Jacob Bymar hjá KÍ gjørdi ikki mætari enn at skora tríggjar ferðir, tá ið klaksvíkingar vóru á vitjan í Fuglafirði sunnudagin. Mynd: Álvur Haraldsen C M Y K 24