mánadagur 12. januar 2015síða 28

Mánadagur 12. januar 2015 · Nr. 4 28 Sosialurin Hugskot og viðmerkingar – send sms til 225000 ítróttur fótbóltur André Olsen Saman við fakfólki hava vit valt hesar 10 leikararnar, ið vit meta, at vit í Føroyum koma at síggja uppaftur meira til í framtíðini. Vit hava valt, at leikararnir í minsta lagi skulu vera fyltir 16 ár, og tí veru­liga banka á dyrnar til vaksna­manna­fót­ bólt. Tískil hava vit tikið 5 leik­arar frá árgangi 1997 og 5 leik­arar frá árgangi 1998. Nakrir av leikarunum hava longu fingið dystir í bestu deildini fyri liðini, ið teir um­boða. Men nakrir eru óskrivað bløð í føroyskum fót­bólti. Harafturat skulu vit boða frá, at tað vóru fleiri onnur nøvn, ið eisini vóru nær við at koma á listan. Vit meta at ein slíkur listi er áhugaverdur at fylgja. Bæði nú, og eisini um nøkur ár, tá hesir leikararnir eru nøk­ur ár eldri. Harafturat er eis­ini ein møguleiki fyri at aðrir leikarar í árgangi 1997 og 1998, koma at gera seg meira galdandi enn hesir, tá teir koma við í vaksna­ manna­fótbólt. Nevnast skal at rað­ fylgjan er býtt upp eftir nær leik­arar­nir eru føddir, og ikki er nakað yvirlit eftir styrki. andre@sosialurin.fo Vit vita, at á hvørjum ári, eru tað ungir leikarar, ið fáa sítt gjøgnumbrot í føroyskum fótbólti. Ungir leikarar, ið ikki øll eru vitandi um, men sum man síðani hoyrir eina rúgvu um tey næstu árini, og sum inni­ halda eina rúgvu av dygdum. Vit hava her gjørt ein lista við 10 leikarum, ið meta at hava eina stóra framtíð í føroyskum fótbólti 10 leikarar at Teit Jacobsen HB Upprunafelag: HB Føðidato: 16-03-1998 Positión á vøllinum: Áleypari / Kantur Ein ungur og evnaríkur framrættaður leikari, sum á sumri í 2014 longu fekk sínar fyrstu minuttir á besta liðnum hjá HB, tá HB á útivølli vann 2-1 móti NSÍ. Inniheldur dygdir sum eyðkennir góðar framrættaðar profilar. Teit hevur ein góðan bóltførleika, og er ógvuliga skjótur. Við góða bóltførleikanum og høgu ferðini, er hann tí dugnaligur til at seta menn av, tá hann dribblar ein ímóti einum. Teit Jacobsen er harafturat eisini ein málfarligur harri. Óivað ein leikari, ið man kemur at frætta meira um í framtíðini. Høgni Egilstoft Nielsen 07 Vestur Upprunafelag: 07 Vestur Føðidato: 29-04-1997: Positión á vøllinum: Miðverji, sentralur miðvallarleikari Høgni Egilstoft Nielsen er sonur til landsliðshetjuna frá landskrona, Torkil Nielsen. Umframt at spæla fótbólt, so er Høgni eisini frálíka góður telvari, og gjørdist millum annað føroyameistari í talvi í 2014. Hóast sín unga aldur, so hevur Høgni Egilstoft Nielsen longu leikt 2 ár á besta liðnum hjá 07 Vestur. Fyrsta árið var í 2013, tá 07 Vestur var í bestu deildini, og eisini farna kappingarár, tá 07 Vestur spældi í næstbestu deildini. Høgni Egilstoft Nielsen er ein skilagóður leikari, sum dugir væl at verja. Harafturat er hann eisini ein dugna­ligur fótbóltsspælari, ið er góður í tí upp­byggj­ andi spælinum. Betuel Hansen Silkeborg IF Upprunafelag: NSÍ Føðidato: 14-03-1997 Positión á vøllinum: Sentralur miðvallarleikari Betuel Hansen er ein sentralur miðvallarleikari, sum longu í 2013 fekk sínar fyrstu minuttir á besta NSÍ liðnum. Á sumri í 2013 flutti Betuel Hansen niður fyri at spæla fótbólt við Silkeborg. Byrjanin var tó óheppin í danska felagnum, tí tíðliga meislaði Betuel sær knæðið. Hann er nú komin fyri seg, og spælir við fullari ferð aftur. Um Betuel Hansen sum leikara er at siga, at hann er ein skilagóður miðvallari, ið hevur ein góðan bóltførleika. Harafturat hevur hann avgerandi dygdir, so sum at hann er sterkur í duellum, hevur eitt gott spark og hevur eitt gott fótskifti til at seta menn av við. Ein leikari við einari bjartari framtíð í føroyskum fót­ bólti, um hann heldur seg skaðafrían. Bartal Wardum HB Upprunafelag: HB Føðidato: 03-05-1997 Positión á vøllinum: Høgri bakk, miðverji og sentralur miðvallarleikari Hóast Bartal Wardum bert er 17 ára gamal, so hevur Bartal Wardum verið partur av besta liðnum hjá HB í bæði 2013 og 2014. Í 2013 var ungi leikarin skrásettur fyri 2 dystir í Effo-deildini, meðan hann farna kappingarár spældi 9 dystir, har 5 av teimum vóru frá byrjan. Merkisvert var, at hann ongantíð bleiv útskiftur tá hann byrjaði inni á HB liðnum. Bartal Wardum er ein leikari sum HB væntar sær nógv av í framtíðini. Hann kann røkja pláss í verjuni, umframt mitt á miðvøllinum. Um Bartal Wardum sum leikara er at siga, at hann krops­ liga er væl fyri, og at hann er góður á bóltinum. Har­afturat er hann ein leikari, ið altíð gevur ein heilhjartaðan innsats, sum eisini sæst aftur við tað, at hann er sera sterkur í duellum við mótstøðuleikarum. Meinhard Egilsson Olsen NSÍ Upprunafelag: NSÍ Føðidato: 10-04-1997 Positión á vøllinum: Áleypari Meinhard Egilsson Olsen er ein ungur og evnaríkur áleypari, sum longu hevur gjørt seg galdandi í næstbestu føroysku deildini. Farna kappingarár skeyt hann ikki færri enn 16 mál í 23 dystum í næstbestu føroysku deildini, og endaði nummar trý á toppskjúttaralistanum. Meinhard er ein skjótur, sterkur og ágangandi áleypari, ið er góður til at renna djúpt. Í NSÍ verður væntað nógv av Meinhardi í framtíðini, og er hann helst eitt gott boð uppá ein ungan leikara, ið kann sláa ígjøgnum í Effo-deildini í 2015.