mánadagur 12. januar 2015síða 29

29 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 12. januar 2015 · Nr. 4 ítróttur fótbóltur halda eyga við Adrian Justinussen HB Upprunafelag: Víkingur Føðidato: 21-07-1998 Positión á vøllinum: Offensivur miðvallari / Kantur Adrian Justinussen er ein ungur og evnaríkur leikari, ið hevur sína fótbóltsuppaling í Gøtu í bæði GÍ og Víkingi. Adrian er sonur til fyrrverandi GÍ leikaran, Rúna Justinussen, sum í 90’unum var fastur partur av góða GÍ liðnum, sum í tíðarskeiðnum frá 1993 til 1996 vann 4 meistaraheitir á rað. Adrian Justinussen skifti til HB í 2013, har tað verður væntað nógv av evnaríka gøtumanninum. Hóast Adrian bert er 16 ára gamal, fekk hann longu farna kappingarár sínar fyrstu minuttir í Effo-deildini fyri HB, tá HB á heimavølli vann 3-0 móti B68. Adrian Justinussen er ein leikari við sera góðum bóltførleika, og sum hevur gott eyga fyri spælinum. Harafturat er hann ein driblisterkur og málfarligur leikari, við einum sera góðum sparki. Bjarni Petersen B36 Upprunafelag: TB Føðidato: 12-08-1998 Position á vøllinum: Miðverji Føddur og uppvaksin á Tvøroyri, og spælir nú sítt triðja ár við B36. Spældi fyri fáum árum síðani sum álopsleikari, men varð fluttur aftur á miðverjuna um 13-14 ára aldur, har hann nú spælir. Bjarni Petersen er ein miðverjuleikari, ið er høgur á vøkstri. Umframt tað, er hann eisini sera sterkur í nær­dyst­um, og hevur neyðuga hugburðin til at áhaldandi at læra. Bjarni Petersen er ein leikari, ið hevur fyritreytir til bæði at gerast miðverji og defensivur miðvallari í framtíðini, og er ein framtíðar leikari í føroyskum fótbólti. Janus Svabo Samuelsen Brøndby Upprunafelag: 07 Vestur Føðidato: 27-09-1998 Positión á vøllinum: Sentralur miðvallarleikari Janus Svabo Samuelsen er ein ungur og evnaríkur vága­drongur, sum nú roynir eydnuna í danska stór­felag­ num Brøndby IF. Janus er sonur til núverandi 07 Vestur venjaran, Hegga Samuelsen, og hevur sín uppruna í 07 Vestur. Sum leikari er Janus ein arbeiðssamur og ágrýtin mið­vallarleikari, ið er sterkur í nærdystum. Harafturat hevur Janus Svabo Samuelsen gott spælskil til at spæla á sentrala miðvøllinum, og hevur eitt gott drive í framrættaða spælinum, umframt eitt gott og hart skot við høgra beininum. Í løtuni spælir Janus á U-17 liðnum hjá Brøndby IF. Petur Knudsen NSÍ Upprunafelag: NSÍ Føðidato: 24-04-1998 Positión á vøllinum: Offensivur miðvallari / Áleypari Petur Knudsen er sonur til málmanslegenduna, Jens Martin Knudsen, sum í fleiri ár vardi málið á føroyska landsliðnum. Petur Knudsen hevur tó ikki valt at ganga í fótasporunum hjá pápanum sum málverji, men er harafturímóti ein sera dugnaligur og evnaríkur framrættaður leikari. Hevur sína stóru styrki í góða bóltførleikanum, og kann bæði skjóta við høgra og vinstra beinið. Harafturat er hann ein skjótur leikari og dribblisterkur leikari. Fekk longu farna kappingarár sínar fyrstu minuttir á besta NSÍ liðnum, og er helst ein leikari, sum vit í Føroyum koma at síggja uppaftur meira til, um fá ár. Jákup Thomsen FC Midtjylland Upprunafelag: HB Føðidato: 23-11-1997 Positión á vøllinum: Áleypari Ein ungur og evnaríkur áleypari, sum hevur sín upp­runa í føroyska felagnum HB. Skifti fyri fáum árum síðani niður til danska felagið FC Midtjylland, har hann nú hevur sína dagligu gongd. Jákup Thomsen er ein ágangandi og hartarbeiðandi áleyp­ari, ið hevur gott máltev. Harafturat er tað avgjørt til hansara fyrimuns, at hann hevur ein góðan kvikleika. Vit vænta, at hetta er ein leikari, sum vit í framtíðini koma at síggja uppaftur meira til, hóast hann til dagligt spælir í Danmark.