mánadagur 19. januar 2015síða 9

9 Mánadagur 19. januar 2015 · Nr. 7 Sosialurin Hugskot og viðmerkingar – send sms til 225000 tolsemi Moskeir og sharialógir, nei annars takk. Haldi heldur at tey sum hava hug at gjalda fyri innvandrarar kunnu tilmelda seg ein eyka skatt (líka sum kirkjuskatturin) og so kunnu teir pengarnir fara oyramerktir til hasi londini... eingin orsøk at taka trupuleikarnir hendanvegin :) Ja eg veit ikki um manne vil abbabørnini hjá honum skulla vaksa upp vid SHARIA-lóg. Og fólk blíva hálshøgd á vaglinum hvønn dag. Allir muslimar eru ikki terroristar, MEN allir terroristar eru muslimar, so boðskapurin er sólaklárur, Vit skullu ongan flótta úr hesum londum hava til Føroyar. Hjálpi okkara egnu fyrst !!! Viðmerkingar á facebook: Klassiskt dømi um fremmandaræðslu Í einsháttaðum fólkasamansetingum trívist ræðslan fyri tí ókenda best, og skapar ofta gróðrarlíkindi fyri ógrundaðum páhaldum, sigur Rógvi Olavson, mentanarsosiologur Mortan Østerø Gamlaárskvøld setti løg­ maður hol á eina bløðru, sum tykist hava verið full av fremm­andaræddari evju. Í nýggjárs­røðuni hjá sær, vildi løgmaður seta føroyingar inn í eitt altjóða høpi frá 2014, ið vitnaði ógvusligan ágang kring heimin. Fyri 2015, vildi løgmaður kanna møguleikan fyri, hvørt føroyingar ikki kunnu veita flóttafólki polit­ iskt friðskjól. Við hesum ætl­anunum, tók drúgt kjak seg upp, sum spjaddi fólki í tvær legur – tey sum gjarna vildu veita hjálp og tey, sum ikki vildu hoyra taluna um at fáa fremmand fólk hendan vegin. Januar, sum er ein av spak­astu mánaðunum í tíðinda­høpi, gjørdist brád­ liga á tremur við tilfari um flótta­fólk. Undir talgildu tíðind­unum á føroysku fjøl­ miðlunum, gjørdu fólk dúg­ liga vart við hvørjar avleið­ ing­ar tað kundi fáa fyri før­oyska samfelagið at fáa fólk við øðrvísi mentanum enn tí føroysku til landið. Verður hugt gjøgnum listan við viðmerkingunum, gerst skjótt greitt, at stórsti óttin stendst av yvirgangi og víð­ gongdum hugsanum. Hóast einans 23 muslimar búgva í Føroyum sambært Hag­ stovuni, og Føroyar tískil ikki hava stórvegis royndir av mus­limum, so er tað júst hes­ um trúarbólkinum, ið helm­ ingurin av viðmerkjarunum stúra fyri at fáa til Føroya. Vanligt at ræðast tað fremmanda Rógvi Olavson, mentanar­ sosiologur heldur tað tó ikki vera serliga løgi, at føroyingar bera ótta fyri muslimum. – Verða vit konfronterað við eitthvørt ella einhvønn, sum vit ikki skilja ella hava stórvegis vitan um, so hava vit menniskju lyndi til, at fylla hetta tómrúmið við ym­iskum uppfatanum og í grundini, fordómum. So eg eri als ikki bilsin um, at nógvir føroyingar kjakast upp á handan mátan, sigur Rógvi. Hann ásannar, at tað eru ávísar víðgongdar sann­før­ ingar og hugsanir, sum kunnu vera vandamiklar, sum eitt nú víðgongdir islamistar, men tað rættvísger ikki, at allir muslimar verða flokkaðir saman við hesum. – Vit skulu ikki avvísa, at tað finnast ideologiir og áskoðanir, og summi vildu sagt; átrúnaðir, ið hava vanda­mikil hugskot, sum eisini verða fylgd av vanda­ mikl­um fólki. Men tá ið tað er sagt, so er tað eisini skelk­andi, at nógvar av við­ merkingunum í føroyska kjakinum, eru so ógvusligar og generaliserandi, sum tær eru, sigur Rógvi og tekur fram álopið á Charlie Hebdo sum dømi. – Tað kann hugsast, at hes­ir yvirgangsmenninir somu­leiðis líða undir einari líkn­andi fávitsku og tískil taka undir við ógvusligum páhaldum, sum verða rættað móti vesturlendingum. Tað er kanska motiverað av einari yvirnátúrligari trúgv – men tað ber sjálvandi bert til at gita um, sigur Rógvi, og vísir á, at við víðgongdum hugsanum, verður ein noydd­ ur at minna seg á, at tað snýr seg um fá fólk, ið fylgja hesum hugsanunum. – Talan er sjálvandi um ein minniluta, ið tekur undir við somu áskoðan sum hes­ir menninir, og tískil er meira hóskandi at rópa teirra jihadismu fyri eina ideo­ log­iska grein innan islam, heldur enn at bólka allan yvirgang undir diffusa fe­ lags heiti 'Islam', sum bara er eitt paraply heiti fyri túsundtals átrúnaðarligar hugsjónir. Men, hóast talan er um ein minniluta, so varpa fjølmiðlarnir nógv meira út um hvat júst hesin muslimski minoriteturin fremur av yvirgangi, enn hvat muslimar annars takast við. Stórt tekki fyri fjølmiðlarnir – Tað er jú ikki bert jihad­ isman, sum er ein vandamikil ideologi, men hon hevur onkursvegna eina ótrúliga attraktión fyri miðlar í heimshøpi, og tað er eisini tað, sum er meiningin við jihad­ ismuni – altso at rúnarbinda vestur­lendskar miðlar við alskyns ræðusøgum. Gjøg­ num fjølmiðlarnar verður sagt okkum nógv um hvat jihadistar fremja av yvirgangi, heldur enn yvirgang, ið er motiverað av onkrari aðrari ideologi. Vit kenna til dømis hinduistiskar terroristar í India, buddistiskir terroristar í Myanmar, ella 'white supremacy' bólkar í USA, sum øgiliga ofta siga seg hava kristna gudin á sínari síðu, men sum øll moderat kristin ivaleyst høvdu kallað eina víðgongda ideologiska grein av kristindómi, sigur Rógvi. 23 muslimar í Føroyum – Sjálvandi spælir átrún­ aðurin Islam ein leiklut, og tað kann vera, at meira harð­skapur er framdur í navni Islams enn í øðrum átrúnaðum, tað veit eg ikki. Eins og aðrar mýtugrundaðar dogmur er Islam á tremur við hugskotum, sum als ikki hóska saman við modern­ aðari vesturlendskari og demo­kratiskari ideologi. Tað er tó langt frá teksti til handling, og tí skal øgi­liga nógv til, áðrenn eitt menn­ iskja fremur so ógvusligan harðskap. – Tað er ikki bara teksturin í koranini og yvirnatúrligu sannføringarnar, men eisini ørandi íløgur í madrassa- skúlar í muslimsku lond­ un­um og nakrir politiskt motiveraðir lærumeistarar, sum eru atvoldin til, at vána­ ligu hugskotini í koranini hava vunnið so stóra hevd í dag, og at harðskapurin í tekstinum verður umsett til harðskap í verki. Og, tá ið vit reagera so hysteriskt, sum nógvir føroyingar gera á Face­book, so hjálpa vit polariseringini, sum jihad­ isman roynir at fremja í vest­ urheiminum, sigur Rógvi. Hóast tað eru ógvuliga lítil sannlíkindi hjá før­oy­ ingum, at koma í samband við muslimar í egn­um landi, so tykjast flestu at­finn­ ingarsomu við­merk­ingarnar móti fremm­andafólki taka støði í fundamentalistiskari islam. Sambært Rógvi Olav­ son, er hetta er nakað, sum eyðkennir samfeløg, ið hava eina heldur einsháttaða fólka­samanseting. – Eg eri ikki serliga bilsin av, at fremmandaræðslan hjá føroyingum verður rætt­ að mótvegis einari ókend­ari mentan, sum hevur verið grovt uppteknað í fjøl­ miðl­unum. Føroyar er eitt ógvu­liga klassiskt dømi um ein útijaðara, við ein­ ari homogenari mentan og fáum útlendingum. Í tílík­ um samfeløgum er fremm­ andaræðslan ræðuliga nógv størri enn í støðum, har man hevur nógvar ym­isk­ar mentanir. Hetta er nakað, sum ger seg galdandi alla­ staðni, sigur Rógvi og vísir á Danmark og USA sum dømi. – Samanbera vit størru, fjølbroyttu býirnir í Danmark við homogena útijaðaran, ella 'den jyske hede', so síggja vit sama tendens. Fremm­ anda­ræðslan trívist betri í homogenu býunum. Og loyva vit okkum at taka eitt ekstremt dømi, sum Nazi Týskland, so hevði fremm­ andahaturin hjá nasistunum eisini nógv størri undirtøku í útijaðaranum enn hann hevði í teimum størru býunum. Í so máta, er fremmandahaturin í homogena føroyska sam­ fe­lagnum als ikki nakað ein­ dømi, sigur Rógvi. Rógvi Olavson » » » »