mánadagur 19. januar 2015síða 11

Altjóða Skrivastovan hevur upplýsandi fund um Nordplus umsóknirnar í Norðurlandahúsinum mikudagin 28. januar 2015 kl.19.00-21.00 við serligum denti á Nordplus Junior og Nordplus Vaksin. Fyrrverandi luttakarar luttaka. Umsóknarfreistin til allar partar av Nordplus-programmunum er 2. mars 2015 Spurnarsíðan Umsóknarrunda til Nordplus 2015 spurningar og svar Ofta hava føroyingar, sum hava fingið bræv um upptøku til víðari útbúgving í Danmark, ongan bústað fingið, hóast tey hava søkt um kollegiíbúð í góðari tíð. Hvat kann ein komandi lesandi gera fyri at bøta um henda trupulleika? Tað kann vera sera trupult at finna bústað í Danmark og serliga í teimum størstu býunum. Alfa og omega: Tað ræður um at vera í góðari tíð! Okkara ráð: – Skriva teg upp til íbúð so nógvastaðni sum gjørligt, so tíðliga sum gjørligt. Tað kann vera upp til eitt ár áðrenn lestrarbyrjan. Tá tú søkir, skalt tú skriva, nær tú ætlandi byrjar útbúgvingina. Fært tú tilboð um eina íbúð í einum býi, har tað seinni vísir seg, at tú ikki sleppur at lesa tað, sum tú hevur ynskt, takkar tú nei til tilboðið um íbúð (onkur annar verður glaður). – Hugsa eisini um aðrar íbúðarmøguleikar, t.d. privata leigu, búfelagsskap, lutaíbúð. Tú kanst til dømis lesa um hesar møgu­ leik­ar í bløðunum bæði í Føroyum og í Danmark. Í Danmark m.a. í “Den blå avis”. Góð leinki til kollegiir í Danmark eru at finna á ug.dk undir “Om at finde bolig”. Her eru nakrar av heimasíðunum, ið víst verður til: • ungdomsboliger.dk • kollegierneskontor.dk • boliger.dk/kollegier.phpwww.lejebolig.dk Her eru nakrar góðar heimasíður, um tú kundi hugsað tær at leiga privat: • findbolig.nu • boligbutikken-for-ht.dk Annars: • Skriva teg upp til íbúð so nógvastaðni sum gjørligt, skjótast gjørligt. • Sig øllum, tú kennir, at tú leitar eftir bústaði • Fylg við bústaðarmarknaðinum í bløðunum; bæði donskum og føroyskum • Kanna uppslagstalvur í supermarknaðum, á útbúgvingar­ stovnum og á kollegium. Á kollegium og útbúgvingarstovnum hugsa vit serliga um framleigu í eitt styttri ella longri tíðarskeið, tí sera nógv lesandi eru burtur í lestrarørindum í eitt ávíst tíðarskeið og ynskja tí at framleiga teirra íbúð, meðan tey eru burtur • Lýs og les í føroyskum bløðum Spurningur Eg havi nú funnið útav, hvat eg ætli mær at lesa víðari, og tí veit eg, at eg má supplera í tveimum fakum. Eg ætli at gera hetta sum sjálvlesandi í Føroyum. Hvussu skal eg bera meg at? Svar Øll tilmelding sum sjálvlesandi fer fram hjá Mentamálaráðnum. Far inn á innskriving.fo. Har stendur millum annað: Treytir fyri innskriving í miðnámsskúla: 1. Tú skalt sjálv/ur í seinasta lagi 1. februar 2015 hava tosað við lestrarvegleiðara á skúlanum, tú hevur innskrivað teg til sum sjálvlesandi. 2. Hevur tú ikki í seinasta lagi 1. februar 2015 tosað við lestarvegleiðara og faklærara/r og avtalað fyribils pensum, ert tú ikki innskrivað/ur til próvtøku, og inngoldna upphæddin verður ikki goldin tær aftur. 3. Tú skalt í seinasta lagi 25. februar 2015 hava avtalað endaligt pensum við faklærara/r í tí/teimum lærugrein/ um, tú hevur innskrivað teg til próvtøku í. Skúlin vísir á faklærara. Bæði tann sjálvlesandi og faklærari skulu í seinasta lagi 25. februar 2015 hava undirskrivað pensumuppgevingarnar. 4. Tá ið tú innskrivar teg til próvtøku í lærugrein á A- ella B-stigi, skalt tú í nógvum lærugreinum hava lokið stigið beint undir. Uttan at hava lokið stigið beint undir, kanst tú ikki fara til próvtøku. Tú skalt sjálv/ur skjalprógva, at tú hevur lokið tey kravdu lægru stigini. Hetta ger seg tó ikki altíð galdandi, og tí er tað sera neyðugt, at tú tosar við vegleiðara um krøvini í teimum einstøku lærugreinunum. 5. Innskrivingin kostar 300 kr. fyri hvørja lærugrein. Meira útgreinað vegleiðing er eisini á: innskriving.fo Á studentaskúlanum í Hoydølum eru eisini hesar treytir: Tá tú hevur innskrivað teg á innskriving.fo, skalt tú umframt prógv (nevnd omanfyri) eisini senda navnabræv/ dópsváttan til skúlan, og tá skúlin hevur móttikið hesi skjøl, fært tú navn á lærarum, sum skulu føra teg til próvtøka, og tú fært pensumlista. Vinarliga, Holger og Bjørg Spurningur um víðari lesnað Eg havi nakrar spurningar viðvíkjandi umsókn til víðari lesnað í 2015.  Um eg vil søkja onkra útbúgving gjøgnum kvotu 2 og eina aðra útbúgvning gjøgnum kvotu 1, hvussu geri eg so?   Eg veit, at eg kann velja at raðfesta 8 ymiskar útbúgvingar. Um eg t.d. vil søkja inn á RUC á míni 1. og 2. raðfesting gjøgnum kvotu 2, men vil søkja gjøgnum kvotu 1 á míni 3. raðfesting á CBS, hvussu geri eg tað? Svar Tað eru fleiri mátar at gera tað, sum tú spyrt um. Tú søkir á optagelse.dk. Heimasíðan letur upp fyri umsóknum 1. februar. Um tú ikki hevur danskt cpr.nr. og NemID, tá tú søkir, mást tú minnast til at senda eitt skjal, sum tú prentar út til seinast í umsóknartilgongdini, tá tú søkir inni á optagelse. dk. Eitt skjal skal sendast til hvørja útbúgving, sum tú søkir inn á. Skjølini skulu undirskrivast og dagfesting og staður skulu skrivast á. Skjalið skal vera frammi á útbúgvingarstaðnum í seinasta lagi 15. mars fyri kvotu 2 og 5. juli fyri kvotu 1 kl. 12:00. Fyrsti møguleiki Tú kanst skriva øll tíni ynski á kvotu 2 umsóknina. Tí í sambandi við allar umsóknir, verður mett, um tær kunnu roknast sum kvotu 1 umsóknir. Tú missir einki við at søkja inn á allar útbúgvingarnar, sum tú kundi hugsað tær at søkt inn á, nú áðrenn 15. mars, ið er freistin fyri kvotu 2. Næsti møguleiki Tú kanst eisini bíða við at søkja inn á ta útbúgvingina, sum tú ynskir á søkja inn á eftir kvotu 1. til aftaná 15. mars. Hetta gert tú á “Ændringsprioriteringsskema”. Á tí kanst tú broyta tínar raðfestingar og leggja fleiri útbúgvingarynski afturat, um tú ikki hevur 8 frammanundan. Hetta skal gerast áðrenn 5. juli á middegi. Soleiðis hevur tað eisini verið onnur ár. Av góðum orsøkum hava vit ikki sæð umsóknarbløðini og mannagongdirnar fyri 2015, so vit vita ikki enn, um tað er broytt, men tað ber til at síggja eftir 1. februar á optagelse.dk. Vinarliga, Bjørg og Holger Hvussu, nær og hvar kann ein komandi lesandi leita eftir íbúð í Danmark?