mánadagur 19. januar 2015síða 12

Mánadagur 19. januar 2015 · Nr. 7 12 Sosialurin Hugskot og viðmerkingar – send sms til 225000 global leadership summit Danjal av Rana Global Leadership Summit, GLS, er ein tveir dagar long leiðsluráðstevnu. Ráðstevnan verður hildin hvørt ár í Willow Creek samkomuni uttanfyri Chicago, Illinois, í USA. Fyrsta ráðstevnan varð hildin í 1995. Tá vóru 2.200 leiðarar frá 300 ymiskum samkomum til staðar. GLS 2014 er varpað út til nærum 200.000 luttakarar í 650 bý­ um í 108 londum. Grundhugsanin handan GLS er hendan: At hjálpa kris­ tnum leiðarum at mennast í leiðslu og førleika til tess at hava størri ávirkan í teirra nærumhvørvi. Umvegis fyrilestrar er endamálið at geva luttak­ arunum nýggjan íblástur og at menna teir sum leið­ar­ ar á ymiskum økjum. Fyri­ lestrarhaldararnir koma úr ymiskum samfelagsløgum og størvum. Onkrir eru sam­komuleiðarar, aðrir eru vinnulívsleiðarar. Hóast ráð­ stevnan er skilliga kristilig, so eru fyrilestrarhaldararnir ikki neyðturviliga knýttir at samkomum ella sam­komu­ lívi. Fyrilestrarnir av ráð­ stevn­uni í Chicago verða síðani vístir á stórskíggja á øðrum GLS tiltøkum um allan heim og vóru tað hesar fyrilestrarnar, teir 400 luttakararnir í Norður­landa­ húsinum samlaðust um um vikuskifti. Á skránni í ár vóru fyri­ lestrarhaldarar sum Bill Hybles, ið stovnaði GLS av fyrstan tíð, Carly Fiorina, fyrrverandi evsti leið­ari í Hewlett-Packard og nú leiðari av Good 360, ið er heimsins størsti væl­ger­andi felagsskapur og Tyler Perry, sjónleikari, ið her­fyri var at síggja í Gone Girl, sum varð vístur í Hav­nar Bio í novembur. Undan­farin ár hava millum onnur Bono, forsangari í bólk­in­um U2, Colin Powell og Condo­leezza Rice, sum bæði vóru uttan­ ríkis­ráðharrar í stjórnunum hjá George W. Bush, og fyrr­verandi forsetin í USA, Jimmy Carter, verið mill­um talar­arnar. Kom til Føroya í 2008 Fyrsta GLS-ráðstevnan í Føroyum varð hildin í 2008. Leiðarar frá ymsum kirkjum og samkomum høvdu ferð­ ast til GLS-ráðstevnur aðra­ staðni, men tóku tá stig til at skipa fyri stevnuni í Føroyum. Teir ynsktu at geva fleiri føroyingum møgu­ leikan at fáa hesa leiðslu­ undirvísingina. Tiltakið fekk sera góða undirtøku, og longu fyrsta árið var Norður­ landahúsið fullsett til ráð­ stevnuna. GLS Føroyar hevur hesi árini savnað leiðarar innan kirkjur, samkomur, vinnulív, sjálvbodnar felagsskapir, eins og politiskar leiðarar til leiðslumenning og felags­ skap við støði í kristna boð­ skapinum. Aftur í ár sást týðiliga, at luttakaraskarin á GLS fevndi breitt. Har vóru samkomuleiðarar, vinnu­lívs­ leiðarar, leiðarar á almennum stovnum, løgtingslimir, borg­arstjórar, fyrrverandi løgtings- og landsstýrismenn, fulltrúar og millumleiðarar, eins og sjúkrasystrar, náms­ frøðingar, lærarar, sunnu­ dagsskúlalærarar og mið­ náms­skúlanæmingar. Tørvur á góðum og ídnum leiðarum Rúni Rasmussen er formaður í nevndini fyri GLS Føroyar. – Endamálið við GLS Før­ oyar er at kveikja og menna leiðarar á øllum økj­um. Undirvísingin hvílir á krist­ nari grund, men er nýtilig í øllum leiðslustøðum, sigur hann. – Okkara samfelag hevur tørv á góðum og ídnum leið­ arum, sum tora at seta mál, at møta avbjóðingum og megna at motivera fólk at røkka stórum málum í felagsskapi, sigur Rúni Rasmussen, og er hetta orsøkin til, at skipað verður fyri GLS eisini í Føroyum. At kveikja og leiða onnur Um vikuskifti varð skipað fyri leiðsluráðstevnuni Global Leadership Summit í Norðurlandahúsinum. 400 luttakarar samlaðust í tveir dagar til undirvísing um leiðslu. Tummas Lauritsen, Miðvágur Tummas Lauritsen luttekur aftur í ár á GLS. Áður hevur hann verið virkin í at skipa fyri tiltakinum, men so er ikki í ár. Kortini hevur hann valt at koma sum luttakari aftur í ár. – Eg haldi tað vera sera stuttligt, at ein kirkjuleiðari í Chicago, sum heldur seg hava nakað at geva, skipar fyri einum tiltaki, sum breiðir seg um allan heimin, og nú eisini er komið til Føroya, sigur Tummar Lauritsen. Sjálvur er hann lærari á Tekniska Skúla og kirkjuráðslimur og sigur, at hann fær nógvan íblástur á ráðstevnuni, sum hann sigur hevur verið sera væl fyrireikað. – Mær dámar væl innihaldið í fyri­ lestrunum, bæði til mítt starv sum lærari og mítt embæti sum kirkjuráðslimur. Eg fái fakligan íblástur, eins og at undirvísingin er sera viðkomandi fyri mítt samfelag við onnur menniskju, sigur hann. Marius í Geilini, Svínoy Hóast sín lutfalsliga unga aldur, so er Marius í Geilini eisini luttakari á GLS í ár. Hetta er aðru ferð, at hann er við á GLS. – Hóast eg ikki havi nakað leiðarastarv ella nakra leiðaraábyrgd nakrastaðni, so haldi eg, at eg fái nógva viðkomandi undir­ vísing á GLS-ráðstevnuni. Tað er ógvuliga skjótt, at ein kann brúka okkurt av undir­ vísingini í sínum egna lívi, sigur hann. Marius á Geilini vísir á, at so skjótt ein er saman við øðrum, so má onkur vera leiðari á ein ella annan hátt, og tá kann tílík undirvísing koma væl við. – Í ár havi eg lært, at okkurt gott kann koma burtur úr øllum umstøðum. Eg haldi, at GLS kann gera stóran mun á øllum samfelagsøkjum, og ikki einans innan sam­ komurnar, sigur Marius í Geilini.