týsdagur 20. januar 2015síða 45

vika 4 l 19. januar 2015 13 Sunda kommuna 10 ár Vikutema – Eg haldi, at Sunda kommuna hevur eina ógvuliga bjarta framtíð. Vit hava eina vælvirkandi kommunu, sum bæði fíggjarliga og umsitingarliga er væl fyri, sigur Heðin Zachariasen fyri at leggja kommunurnar í øk­in­um saman, skuldi meirilutin fyri sam­an­ legg­ing verða yvir 70%. – Eg haldi, at tað var eitt rættiligt bragd, at seks komm­un­ur so­leiðis av sær sjálv­um løgdu sam­an í eina, og at meiri­lutin fyri sam­an­legg­ing var um­leið 80%, undantikið í Hós­vík, har meiri­lut­in á seinni fólka­at­kvøð­uni var tep­ur. Heðin Zachariasen sigur, at tá borg­ara­fundur var í Hvalvíkar komm­ unu gjørdi hann greitt, at tað bara bleiv tann eina fólkaatkvøðan í val­ skeið­num. Soleiðis fór ikki at bera til at koma aftur um aftur og hava eina nýggja fólkaatkvøðu – antin fólk fóru at at­kvøða ja ella nei. – Eg segði eisini, at um fólk fóru at atkvøða ja, sum eg mælti teimum til, fór heldur ikki at bera til at koma aftur um aftur og biðja um, at komm­un­ urnar vórðu loystar sundur aftur. Tað fór soleiðis ikki at nytta at angra eina avgerð. Mín boðskapur um sam­an­ legg­ing var púra greiður, og tá úrslitið av fólka­atkvøðuni í okkara kommunu fyrilá, høvdu umleið 80% atkvøtt fyri sam­an­legging. Ikki strævið Heðin Zachariasen sigur, at tíðin sum borgarstjóri í nýggju Sunda komm­ unu hevur ikki kenst strævin, tó at rættiliga nógv hevur verið at gera. Hetta hevur verið ein ógvuliga áhuga­ verd og spennandi tíð, har nógv er hent og nógv er gjørt. – Eg havi viljað hetta, og eg havi tím­að hetta. Tað, tú tímir, fellir ikki stræv­ið. Eg vildi eisini royna at prógva tað, eg yvir fyri fólkinum í gomlu Hval­ vík­ar kommunu hevði sagt meg trúgva uppá. Heðin varð valdur í Hvalvíkar komm­unu longu í 1992, og hann var eis­ini seinasti borgarstjóri í gomlu Hval­víkar kommunu. – Eg gjørdist fyrsti borgarstjóri í nýggju Sunda kommunu og sat tey fyrstu fýra árini. Næsta skeiðið stillaði eg ikki uppaftur, men tá farast skuldi und­ir triðja skeiðið, valdi eg at venda aft­ur og stilla uppaftur. Eg ætlaði mær faktiskt ikki at stilla uppaftur, men tá tú fyrst fært tað í blóðið, er trup­ult at gevast, og tí siti eg aftur sum borgarstjóri í Sunda kommunu nú á øðr­um skeiði. Hann sigur, at sum borgarstjóri hev­ur tú tað at gera, sum tú sjálvur ynsk­ir at hava at gera - alt eftir, hvat tú vilt og ert tendraður til. Vælvirkandi kommuna Heðin Zachariasen sigur, at Sunda komm­una er ein vælvirkandi komm­ una. – Vit hava eisini brúkt nógva tíð og orku upp á at fáa borgararnar kring um í bygdunum at føla, at tey eru ein part­ur av kommununi, og at tey eru ein partur av teimum avgerðum, sum verða tiknar. Vit, sum sita í býráðnum, eru her fyri at menna og styrkja økið og koma við nýggjum møguleikum. Neyð­ugt er alla tíðina at byggja víðari. Borgarstjórin vísir á, hvussu um­ ráð­andi tað er, at peningur er til íløg­ ur, tí tað eru íløgurnar sum skapa nýggj virði og nýggjar møguleikar, bæði á ein og annan hátt. – Pengarnir, sum vit arbeiða við, eru ikki okkara. Hetta eiga vit, sum sita í býráðnum, altíð at hava í huga og hava virðing fyri. Heðin Zachariasen vísir á, at sum borgarstjóri hevur hann ta grund­ leggjandi meining, at eitt komm­un­al­ pol­it­iskt starv altíð er upp á lænta tíð. – Tú verður valdur fyri fýra ár í senn og teir pengar, sum vit eru vald at disponera yvir, eru pengarnir hjá fólk­in­um. Tað, sum gjørt verður, skal gagna fólkinum og koma økinum til góð­ar. Hetta er í mínum hugaheimi ógvu­liga grundleggjandi. Savnandi persónur Eitt starv sum borgarstjóri eigur eftir Heð­in’sa tykki at vera leiðandi - og ikki minst savnandi. Tú skalt arbeiða fyri alt økið og fáa fólkið og aðrar bý­ráðslimir at føla, at tey eru við og gera mun. – Øll skulu føla, at tey eru við í teim­um avgerðum, sum tiknar verða, og øll skulu føla, at tey eru við til at mynda framtíðina. Sum borgarstjóri eigur tú at brúka títt mandat, men tað skal ikki mis­ brúk­ast. Heðin Zachariasen sigur, at allir borg­ar­ar, sum hava eitt hvørt upp á hjarta, skulu føla seg væl, tá teir koma til kommununa - antin ørindini eru eitt ella eitt annað. – Tað er ikki altíð, at onnur halda tað sama, sum tú heldur, og tú eigur at tola, at onnur eisini sleppa at seta síni fingramerki á avgerðirnar. Tá eitt mál er liðugt, verður farið til næsta mál, og tað er ein styrki at kunna til­ laga seg øðrum enn bara tær sjálvum. Heðin heldur, at tað ikki minst er um­ráðandi hjá einum borgarstjóra at vera opin og erligur. Hvør er framtíðin? – Eg haldi, at Sunda kommuna hevur eina ógvuliga bjarta framtíð. Vit hava eina vælvirkandi kommunu, sum bæði fíggjarliga og umsitingarliga er væl fyri. Eg havi ta kenslu, at fólkið í øk­in­ um er ógvuliga positivt, og at tey hava tik­ið samanløgdu kommununa til sín frá fyrsta degi. Heðin Zachariasen heldur, at tað ikki minst er fólkinum kring um í bygd­ un­um fyri at takka, at alt hevur gingið so væl. – Eg havi fólkinum og teimum, eg havi sitið í býráðnum saman við – eins og okkara góðu og dugnaligu um­sit­ ing og starvsfólkum annars - alt fyri at takka, sigur borgarstjórin í Sunda komm­unu.