týsdagur 20. januar 2015síða 46

vika 4 l 19. januar 2015 14 Sunda kommuna 10 ár Vikutema Sæð í bakspegilinum var tað rætt at leggja saman Vilmund Jacobsen – Nei, eg var ikki fyri samanlegging, men vit tosaðu ikki nógv í kommununi um tann spurningin, og eg haldi heldur ikki, at so nógv varð tosað um spurningin millum fólk. Málið gekk bara sína gongd. Vit høvdu ein kunningarfund í Avhaldshúsinum í Haldarsvík, har væl av fólki møtti. Tá fólkaatkvøðan kom, vísti tað seg, at stórur meiriluti av fólkinum í komm­ ununi var fyri at leggja saman. Men, tað tók eg mær slett ikki nær. Tað sigur Poul Grunnveit, sum í fleiri ár var bygdaráðslimur og seinasti borgarstjóri í gomlu Haldarsvíkar kommunu, sum fevndi um Haldarsvík, Tjørnuvík og Langasand. Visti hvat var Spurdur, hví hann ikki var fyri saman­ legging, svarar Poul nakað soleiðis: – Eg trúgvi, at tað hevði nakað við aldurin at gera. Eg var komin nakað til árs, og kanska liggur tað til aldurin at gerast meira varin og at vilja halda upp á tað sum er. Ivaleyst hugsaði eg, at eg visti, hvat vit høvdu, men eg visti ikki, hvat vit fóru at fáa í einari samanlegging. Tá vit skifta orð við Poul Grunn­ veit er hann hin sami, blídligi og fyri­ komandi maðurin, sum hann altíð var, tá tú sum fjølmiðlamaður í sínari tíð hevði við hann at gera sum borgar­ stjóri ella virkisleiðari á fiska­virkinum í Haldarsvík. Stille og roligt – Eg haldi ikki, at spurningurin um samanlegging fylti so ógvuliga nógv hjá mær, og eg minnist einki til, at eg tók mær tað nær, tá ein stórur meiriluti av fólkinum í kommununi tók undir við at leggja saman. Hann sigur, at sjálvur gekk hann heldur ikki og agiteraði ímóti saman­ legging. – Hetta gekk bara sína gongd, og eg haldi, at flestu av okkum í bygda­ ráðnum tóku tað bara stille og roligt, og tað mundi meginparturin av fólk­ in­um í kommununi eisini gera. Poul Grunnveit sigur, at hann tó hevði ein varhuga av, at fólkið í kommununi fór at atkvøða komm­ ununa upp í Sunda kommunu, men tað hevði hann tað heldur ikki serliga ringt við. Tað var rætt Fyrrverandi borgarstjórin í Haldars­ víkar kommunu heldur, at tá hugt verð­ ur í bakspegilin, var tað rætt at leggja kommunurnar í økinum saman. – Vit høvdu felagskommununa, sum vit eisini vóru partur av, og vit høvdu umhvørvisnevndina, sum ser­ liga tók sær av tekniskum málum og umhvørvismálum í økinum. So, her var nógv samstarv Hann dylir tó ikki fyri, at hann tald­ ist millum teirra, ið vóru ivingarsom um samanlegging av kommununum í eina kommunu. Poul Grunnveit heldur, at soleiðis, sum viðurskiftini í kommununum eru í dag og havandi í huga tey krøv og ábyrgdir, sum verða lagdar á kommunurnar, hava smáu kommun­ ur­nar ongan kjans. – Mín niðurstøða er, nú Sunda komm­una hevur 10 ár á baki, at tað var rætt at leggja hesar kommunurnar, sum frammanundan samstarvaðu á fleiri økjum, sama í eina, sigur seinasti borgarstjórin í gomlu Haldarsvíkar komm­unu. – Eg var ikki fyri samanlegging, men eg tók mær tað heldur ikki nær, tá stórur meiriluti av fólkinum í Haldarsvíkar kommunu atkvøddi fyri. Eftirtíðin hevur víst, at samanlegging var tað rætta, sigur Poul Grunnveit, sum var borgarstjóri í Haldarsvíkar kommunu fyri samanleggingina í Sunda kommunu fyri tíggju árum síðan Poul Grunnveit var í bygdaráðnum í Haldarsvíkar kommunu í fleiri ár, og hann var eisini seinasti borgarstjórin í kommununi Tað var ein stórur meiriluti av fólkinum í Haldarsvíkar kommunu, sum atkvøddi fyri at leggja saman við Sunda kommunu Myndir: Sigmar Mørkøre