hósdagur 22. januar 2015síða 10

Fríggjadagur 23. januar 2015 sosialurin 9 10 ein lýsing av eldra­ økinum januar 2015 Barbara Holm E ftir bert 23 døgum er eyðsæð trupult at krevja úrslit frá kommunalu eindunum, tí eldraøkið krevur drúgva umstillingartíð, áðrenn úrslit kunnu síggjast. Tó er greitt, at støðan á eldraøkinum í Føroyum í dag ikki er nøktandi. Samstundis letur tó til, at kommunurnar kenna til hesa støðu og hava í hyggju at broyta innihaldið á eldraøkinum. Sum heild er boðskapurin frá avvarðandi, starvsfólkum á eldraøkinum, kommunalum politikarum og øðrum, at støðan á ellisøkinum í landinum hevur verið ov vánalig seinastu mongu árini. Á temasíðunum í dag kanst tú lesa um støðuna á ellis og røktarheimum í Føroyum júst nú. Tú kanst lesa um ætlanirnar hjá kommunalu eindunum framyvir. Um játtanina til eldraøkið seinastu árini og um umsitingarligu kollveltingina, sum føroyska samfelagið er farið undir, uttan stórvegis varsemi frá landsins hægstu. Samstundis frætta vit frá áhugafelagnum hjá teimum avvarðandi, sum als ikki hava kent seg trygg seinastu mongu árini. Spurningurin, sum tó enn ikki er svaraður, er, hvussu innihaldið á eldraøkinum ítøkiliga skal skipast framyvir. barbara@sosialurin.fo Tað eru nú 23 dagar síðani, at nýggju kommunalu eindirnar yvirtóku ábyrgdina av eldraøkinum í Føroyum. Givið er, at hetta helst merkir kollveltandi broytingar bæði í umsitingarliga landslagnum í Føroyum og í innihaldinum í hesum týðandi parti av okkara samfelag Í 2013 var felagið hjá teimum avvarð­ andi, Tign, sett á stovn. Felagið er fyri avvarðandi at øllum teimum, sum í dag eru knýtt at eldra og heilsu­ økinum so ella so. Í Tign hava tey góðar vónir, nú eldraøkið er yvirtikið av kommun­ unum. Og orsøkin er, at tey ikki hava verið nøgd við tænastustøðið, sum hevur verið í eldratænastuni sein­astu árini. – Fólk eru ikki eins, og tørvurin er líka indi­vidu­ ell­ur, sum okkara fingra­merki eru, sigur Rúna Sivertsen, forkvinna í Tign. Hon vísir á, at tað eru dømi um fólk, sum hava sett seg í samband við Tign, tí tey kenna seg ørkymlað av tí tilboði, sum teimum verður bjóðað. Seinasta dømi, sum Rúna Sivert­ sen nevnir, vóru eini hjún, sum vóru heldur einsamøll, tí børnini búðu uttanlands, og í grannalagnum vóru bert eldri fólk. Tey høvdu tørv á hjálp í gerandisdegnum, og settu seg tí í sam­band við Heimatænastuna um at fáa heimahjálp. Men tað einasta, tey kundu fáa, var døgurða frá heima­ hjálpini. Men júst døgverðin var nakað, sum tey bæði hugnaðu sær við at gera saman hvønn dag. – Um tey til dømis kundu fingið hjálp til at vaska ella líknandi, so høvdu tey kunnað livað longri heima hjá sær sjálvum, vísir Rúna á. Enn hevur felagið Tign ikki fingið nakað at vita um, hvussu eldraøkið verður skipað framyvir, men tey fylgja væl við, og royna at gera sína ávirkan galdandi. Tað týdningarmesta fyri Tign er, at hvør einstakur fær sín serliga tørv nøktaðan, og at eldraøkið framyvir tekur hædd fyri, at fólk eru so sera ymisk og somuleiðis er teirra tørvur á hjálp. Vónandi verður tænastan lagað til hvønn einstakan Eldraøkið tema – Vit vóna, at atlit verður tikið til tørvin hjá einstaka brúk­ar­anum. Og at man ikki bara ger pakkaloysnir, sum skulu kroystast omanyvir øll búfólkini, sigur Rúna Sivertsen, forkvinna í felagnum Tign Visti tú? Í 2013 kostaði eldrarøktin landinum 346 milliónir krónur