hósdagur 22. januar 2015síða 22

Fríggjadagur 23. januar 2015 sosialurin 9 Hugskot og viðmerkingar – send sms til 225000 22 varpar ljós á føroyska útjaðaran Undir heitinum »Burðardygg økismenning í Arktis« varpar ein bólkur undir norður­lendska ráðharraráðnum, Nordregio, nú ljós á avbjóðingar og møguleikar í norðurlendsku útjaðarunum. Eisini í føroyska útjaðaranum. Í Føroyum er tos um økismenning ikki ókent, og tvær verkstovur, ið eru partur av stóru norður­lendsku verkætlanini, hava í hesum døgum verið í Føroyum Dagfinn Olsen Í norðurlendskum samstarvi verða mangar kanningar gjørdar millum ár í dag, og Føroy­ar eru í hesum døgum partur av eini størri verkætlan, har kannað verður, hvørjir møguleikar og hvørjar avbjóðingar, fólk í útjað­ aranum sjálvi meta, eru viðkomandi at varpa ljós á. Fyri Nordregio er tað Birita í Dali, ið samskipar tvær verkstovur í Føroyum. Eini 15 borgarar í lokaløk­ inum vera sett saman at geva boð uppá tað, ið tey meta hevur týdning, um teirra økið skal menna seg. Tey skulu meta um avbjóðingar og møgu­ leikar innan ymisk øki, t.d. til­feingi, demografi, útbúgving, fólka­tal og størv. Burðardygt – Tá sagt verður burðardygt, so verð­ ur dentur lagdur á at koma inn á og menna tað, ið fólk í økinum eru við í, ella hava møguleika at vera við til, sigur Birita í Dali, sum hesa vikuna hevur skipað verkstovur í Suður­ oynni og í Runavík. – Verkætlanin skal vera við til at menna ta vitan, sum er um norður­ lendsku arktisku londini og geva íkast til politiskt kjak. Arbeiðsbólkurin skal m.a. kanna, hvørji náttúru- og menn­ iskja­lig viðurskifti kunnu væntast at ávirka gongdina í Arktis tey komandi 10, 20 og 30 árini? Hvussu kann handfaringin av hesum viður­ skiftum ávirka liviumstøður og fram­ tíðarútlitini fyri økini og hvørji krøv kunnu hesar avbjóðingar seta økis­ politikkinum, sigur Birita í Dali. Norðurlendsk verkætlan Eg eri stak væl nøgd, tí eg siti eftir við kenslu av, at her var onki ‘grenj’, men heldur jalig fólk, kon­struktivt kjak, hugflog og visjónir« Birita í Dali Birita í Dali samskipar verk­ stovurnar í Føroyum um burðar­ dygga økismenning, ið Nordregio, ein bólkur undir norðurlendska ráðharraráðnum, skipar fyri.