hósdagur 22. januar 2015síða 25

Fríggjadagur 23. januar 2015 sosialurin 9 25 Zinedine Zidane (Høvuðsmyndin) HM-finalan 2006, millum Frankaríki og Italia. Vanliga leiktíðin endar 1 – 1, Zinedine Zidane og Marco Materazzi skorað hvør sítt mál. Teir báðir stjala eisini yvirskriftirnar í longdu leiktíðini. Tá tíggju minuttir vóru eftir av dystinum gjørdist áfast teirra millum. Eftir eitt hornaspark enda teir í orða­drátti, og tó at Zidane er á veg burtur, snarar hann sær brádliga á og skallar Marco Materazzi í bringuna, sum fellur til jarðar. Zinedine Zidane fekk reytt kort. Italia vann at enda brots­sparks­kappingina 5 – 3, men Zinedine Zidane vann heiðurin sum besti spælarin í HM 2006. Luis Suárez Fyrst beit hann ein spælara í Niður­londum. Síðani var hann dømdur fyri rasismu móti einum øðrum. So beit hann aftur, hesuferð í Onglandi. Luis Suárez var ein tann mest umtalaði spælarin, áðrenn HM í 2014 byrjaði, bæði fyri gott og ónt. Hann hevði júst havt eitt av­bera gott kappingarár fyri Liverpool, har hann hevði skorað 31 mál og skapt 21 onnur. Nú skuldi hann vísa seg á størsta pall­inum. Og so hendi tað aftur. Í dystinum móti Italia í bólka­spælinum setti hann tenninar í økslina á Giorgio Chiellini. Hesu­ferð fekk hann leikbann frá øllum fót­bólti í fýra mánaðir. Andre Bikey (Myndin til vinstru) Í semifinaluni kappingini um afrikanska meistara­heitið í 2008 hendi ein heldur løgin støða. Rigobert Song úr Kamerun lá skaddur á vøllinum, tá fyrstu­hjálparar komu inn at hjálpa honum. Andre Bikey, eisini úr Kamerun, gjørdist frá sær sjálvum. Brádliga rann hann yvir og skumpaði ein av fyrstu­hjálparunum um koll. Úrslitið var, at dómarin vísti honum reyða kortið. Kamerun vann dystin 1-0 og vann sær pláss í finaluni, tó uttan Andre Bikey. Eric Cantona (Myndin ovast) 25. januar 1995. Manchester United spælir á útivølli móti Crystal Palace. Eric Cantona hevur júst fingið reytt kort og er á veg av vøllinum. Eitt viðhalds­fólk hjá Crystal Palace rópar nøkur væl vald orð eftir honum, og Eric Cantona missir tamarhaldið. Hann rennur móti viðhaldsfólkunum og sparkar eftir hesum eina. Enska fótbóltssambandið gevur honum leikbann í seks mánaðir, meðan dómsvaldið dømir hann til 120 tímar samfelagstænastu. Pépe móti Casquero Í apríl 2009 spældi Real Madrid móti Getafe. Getafe legði seg á odda seint í dystinum og leingi sá út til, at hetta fór at kosta Real Madrid spanska meistara­ heitið. Seinast í dystinum kemur Getafe í eitt snar­ álop og Francisco Casquero rennur undan Pepe. Pepe fær tó skumpað hann í ryggin og dómarin dømir brotsspark. Meðan Fernando Casquero liggur á vøllinum, sparkar Pepe hann ikki færri enn tvær ferðir, umframt at hann seinni klípir og roytir Francisco Casquero, sum liggur niðri. Pepe fær leik­ bann í 10 dystir. Stríðið í Santiago Í HM í 1962 spældu Italia og Kili í bólkaspælinum. Enskt sjónvarp kallaði seinni dystin fyri tað býtt­ astu, mest skelkandi, andstyggiligu og vanæris­ligu sýning av fótbólti, møguliga í søgu spælsins. Eftir 12 minuttir varð Giorgio Ferrini vístur av vølli. Hann noktaði tó at fara av vøllinum og løgreglan mátti á vøllin eftir honum. Honorino Landa, ið var maðurin, sum fekk hann útvístan, royndi at geva honum nevan í klandrinum, men var ikki útvístur fyri hetta. Leonel Sánchez úr Kili slóg italska Mario David, uttan at dómarin legði tað til merkis. Tá Mario David seinni sparkaði Leonel Sánchez í høvdið, varð hann vístur av vølli. Leonel Sánchez breyt eisini nøsina á italska Humberto Maschio, men varð ikki vístur av vølli. Løgreglan mátti leggja upp í dystin tríggjar ferðir afturat, áðrenn dómarin blásti dystin av. Chile vann dystin 2-0. Rijkaard móti Völler Aftur ein søga úr HM, hesuferð í Italia í 1990. Týskland og Niðurlond spældu í øðrum umfari. Dysturin var harður frá byrjan. Tá 20 minuttir vóru spældir, fekk Frank Rijkaard eitt gult kort eftir eitt fríspark móti Rudi Völler. Í øði síni gjørdi Frank Rijkaard ikki mætari enn at spýta í krúllurnar á Rudi Völler, sum eisini fekk gult kort. Frísparkið var sent høgt inn fyri í brotsteigin, men niðurlendski mál­ maðurin fekk fatur á bóltinum. Rudi Völler kom tó nakað nær málmanninum í tvídystinum, og hetta fekk øði í Frank Rijkaard aftur. Hann gjørdi ikki mætari enn at geva týskaranum eina oyrafiku og traðka á fót hansara. Dómarin valdi at geva báðum spælarunum reyða kortið. Sum teir gingu av vøllinum, spýtti Frank Rijkaard enn einaferð í krúllurnar á Rudi Völler. hita Franksi liðskiparin, Zinedine Zidane, skallar italska Marco Materazzi í bringuna, sum fellur til jarðar, í HM finaluni 2006.