hósdagur 22. januar 2015síða 24

Fríggjadagur 23. januar 2015 sosialurin 9 Hugskot og viðmerkingar – send sms til 225000 24 Danja av Rana V it eru í Berlin. Tignarliga Olympiastadion er full­ sett til dystin. Vanliga leik­tíðin er av – dysturin end­aði javnt – men í kvøld skal ein vinnari vera. Tí eru vit nú í 110. minutti. Støðan er enn 1-1 og brots­ sparks­kappingin nærkast í hvørjum. Liðskiparin. Hetta er síðsti dystur meistarans. Hann hevur boðað frá, at hann gevst at spæla eftir HM. Enn er ein møguleiki fyri, at hann fær møguleikan at gevast á toppinum. Hann hevur longu skorað í kvøld. Tá 5 minuttir vóru farnir av dystinum, setti hann eitt brotsspark í mál til 1-0. Eins og vit eru von at síggja, stýrir hann dystinum frá sínum plássi á mið­vøllinum. Nógv munnu tey vera, ið unna honum sigurin, í hesum síðsta dysti hansara. Brádliga, í einum brøk­parti av einum sekundi, hevur hann tveitt alt burtur. Nú eru vit í Natal í Brasilia. Árið er 2014. Trætumál hava fylgt evnaríka suðuramerikanska spælaranum í eina tíð nú, men evni hansara kann eingin seta spurnartekin við. Nú spælir hann á størsta pallinum higartil, øll eygu eru vend móti honum. Øll vita, at hann er førur fyri at gera tað mest ótrúliga, bæði gott og ringt. Brádliga hevur hann gjørt tað aftur, og øll, eis­ini hann sjálvur, vita, at hesaferð verður leiðin til endurreisn longri enn nakrantíð áður. Í Gundadali, eitt kalt kvøld í januar. Nú skulu lunnirnar leggjast undir enn einum skoti eftir FM- heitinum. Friðarligur og spakur uttan fyri vøllin, á vøllinum leggur hann ikki fingrarnar ímillum. Sum so ofta fyrr seinastu árini, setur hann sín dám á spælið. Eingin ivi skal vera um, hvør stýrir miðvøllinum í Gundadali í kvøld. Hann gevur alt, sum altíð, og taklingarnar eru harðar. Gaman í, kanska onkur teirra gerst ið so hørð til tíðir, men tílíkt kann henda, tá menn spæla fótbólt. Brádliga, nú dryppar blóð. Zinedine Zidane, Luis Suárez, Hans Jørgin Djurhuus. Og nógvir aðrir. Feskasta dømi er so blóðigi dyst­urin í Gundadali, sum bleiv avblástur, eftir at Hans Jørgin Djurhuus gav Pouli Ingason ein á nevið. Flestu munnu vera samd um, at slíkt hoyrir ikki heima á einum fót­bólts­vølli. Tó so, tíðum hendir, at spælarar, í dystarins hita, fara út um mark og taka til harðskap. Temperament er neyðugt Jógvan Martin Olsen er hægst út­ búni venjari í Føroyum, hevur verið landsliðsvenjari og venjari hjá NSÍ og seinast Víkingi. Hann heldur, at í slíkum førum handla spælarar ósjálv­ ráddir. – Í eini tílíkari dystarstøðu kókar adrenalinið í kroppinum. Fært tú tá eina harða takling, ella eitt skump, so er skjótt at undirvitskan tekur yvir og tú svarar aftur, uttan at hugsa um avleiðingarnar, sigur Jógvan Martin Olsen. Hann metir tó, at hetta er ein vandi í øllum ítrótti, av tí, at ítróttarfólki tørvar ein ávísan neista fyri at avrika á hægsta stigið. – Temperament er ein tann besti og týdningarmesti eginleikin hjá einum fótbóltsspælara. Sum venjari, so ynskir tú altíð, at spælarin er tendr­aður til ein dyst og á tann hátt megnar at geva sítt allarbesta. Tað er tó týdningarmikið, at hann ikki fer ov langt og so gerst ein mótleikari í staðin, við at verða vístur av vølli, sigur Jógvan Martin Olsen. Jógvan Martin Olsen sigur, at sum venjari arbeiddi hann nógv við at hjálpa spælarunum at kenna seg sjálvar og sítt egna lyndi. – Avbjóðingin er at vita, nær tú kemur upp í reyða feltið, og so skapa tíni egnu amboð fyri at hjálpa tær at kølna eitt sindur aftur. Í einum liðítrótti sum fótbólti arbeiða vit sjálvandi eisini í toymum, har spælarar skulu hjálpa hvørjum øðrum, sigur Jógvan Martin Olsen. – Liðskiparin spælir ein stóran leiklut í so máta, sum leiðari á vøllinum. Tað er hansara uppgáva at halda spælarunum í teymum undir dystinum, sigur venjarin. Er ikki løgreglumál Í flestu tílíkum førum av harðskapi, er talan um at spælarar øsa hvønn annan upp, inntil ein teirra fer um mark. – Tí er týdningarmikið, at venjarin hjálpir spælarum at gerast meiri til­ vitaðir um sítt egna sinni, og hvussu teir kunnu megna at stýra tí og nýta tað á gagnligan hátt, heldur enn at leypa framm av og oyðileggja fyri bæði seg sjálvan og liðið, sigur Jógvan Martin Olsen. Jógvan Martin Olsen tekur sjálv­ andi frástøðu frá slíkum harðskapi á vøllinum, men skilir tó ikki, at sløg­ ini í Gundadali nú skal gerast eitt løg­reglumál. – Tað er so mangt, ið hendir á ein­um fótbóltsvølli, ið fær nógv álvar­samari avleiðingar enn eina brotna nøs. Mangt verður gjørt í dystarins hita, sumt av tí fær tó ikki líka nógv upp­merksemi, av tí at tað verður gjørt, meðan bólturin enn er í spæl, sigur Jógvan Martin Olsen, og sipar til harðar taklingar, ið elva til beinbrot, ella tá málmenn verða sparkaðir í høvdið. – Sjálvandi taki eg frástøðu frá harðskapi á vøllinum, men í ávísan mun má hetta skiljast sum ein partur av spælinum. Tað eru eisini nógvar aðrar hendingar, bæði í dysti, men sann­iliga eisini undir venjing, har spæl­arar eru farnir til hendurs, uttan at løgreglan hevur gjørt eitt mál burtur úr tí, sigur hann at enda. danjal@sosialurin.fo Í dystarins Temperament er ein tann besti og týdningarmesti eginleikin hjá einum fótbóltsspælara. Sum venjari, so ynskir tú altíð, at spælarin er tendraður til ein dyst og á tann hátt megnar at geva sítt allarbesta. Tað er tó týdningarmikið, at hann ikki fer ov langt og so gerst ein mótleikari í staðin, við at verða vístur av vølli, sigur Jógvan Martin Olsen – Týdningarmikið, at venjarin hjálpir spælarum at gerast meiri til­vitaðir um sítt egna sinni, og hvussu teir kunnu megna at stýra tí, sigur Jógvan Martin Olsen, fyrrverandi landsliðsvenjari