hósdagur 22. januar 2015síða 39

Fríggjadagur 23. januar 2015 sosialurin 9 39 góðtikin Heðin Askham, venjari hjá HB – Eg havi ikki upplivað nakað líknandi á einum fótbóltsvølli fyrr. Hans Jørgen gjørdi eina heldur harðliga takling móti Poul Ingason, hetta var møguliga tann næsta í dystinum. Poul gjørdist illur og fór móti Hans Jørgen, sum ikki ger mætari enn at geva honum nevan á nøsina. Har má hava verið okkurt teirra millum. Øðrvísi kann støðan ikki fatast. Eg skilji ikki hvussu slíkt kann henda. Eg eri snøgt sagt skelkaður. (Portal.fo) Finnbogi Arge, formaður í HB – FSF, limafeløgini, UEFA og FIFA leggja stóran dent á, at fótbólturin skal byggja vinarskap og sameina fólk, so hendingarnar mikukvøldið vóru als ikki í tráð við fótbóltsandan. Fyrst og fremst má tað vera upp til avvarðandi felag at taka sær av slíkum hendinum, og tað vænti eg, at Víkingur ger í hesum føri. Út frá tí eg sá, so er ikki grundarlag hjá okkum ella nøkrum øðrum at revsa Poul Ingason fyri nakað. Eg vænti ikki, at vit í HB fara víðari við málinum, hvørki til FSF ella løgregluna. Nevndin í Víkingi – Vísandi til venjingardystin millum HB og Víking, har tað kom til ilnar millum leikarar hjá feløgunum báðum, vil Víkingur hervið boða frá, at felagið staðiliga tekur frástøðu frá harðskapi í ítrótti og í síni heild. Nevnd felagsins hevur viðgjørt ítøkiliga málið. Niðurstøður og avleiðingar verða ikki kunngjørdar í fjølmiðlunum, og felagið hevur ikki aðrar almennar viðmerkingar til málið. Hans Jørgen Djurhuus er keddur av støðuni, sum íkom millum hann og Poul Ingason. – Eg eri keddur av støðuni. Tað var als ikki meiningin at bróta nøsina á honum, og eg havi biðið um umbering, sigur Hans Jørgen Djurhuus Tróndur Arge H ans Jørgen Djurhuus hev­ur biðið Poul Ingason um um­bering fyri hend­ing­ina í venj­ ingar­dystinum miku­kvøldið. – Eg ringdi til Poul Ingason dagin eftir og havi biðið um umbering. Eg eri ótrúliga keddur av, at hann hevur brotið nøsina. Tað var als ikki meiningin, sigur Hans Jørgen, sum síðani hendingina hevur verið fyri nógvum atfinningum. Miðvallarin, sum í 2015 kom á landsliðið á fyrta sinni sum 35 ára gamal, hevur mangan verið skírd­ur at verða ein harður spælari, ið ikki er bangin fyri at gera eina ord­ans takling. Soleiðis var eisini í venj­ingar­ dystinum millum HB og Víking miku­ kvøldið. – Vit spældu yvirfyri hvørjum øðrum og høvdu havt nakrar nær­ dystir. Vit spæla báðir hart og so geri eg eina takling, sum eg fái gult kort fyri, sigur Hans Jørgen og heldur fram; – Tað hendir so skjótt, men eg fái ein undir vangan og slái frá mær. Tað var ikki við knýttum neva, og eg havi aldrin sligið nakran fyrr. Tað var bara ótrúliga óheppið, at eg skuldi raka Poul, so hann breyt nøsina. Rakti eg lítið sindur øðr­ visi, so tosaðu vit ikki um hetta í dag, sigur Hans Jørgen, sum leggur dent á, at talan ikki var um eitt satt boksislag, men heldur um at hann slær frá sær. Hans Jørgen greiðir eisini frá, at hann eftir hendingina verður spark­ aður, men tá koma spælararnir ímillum. – Alt hendi upp á eini trý sekund, og so var tað yvirstaðið, sigur mið­ vallarin hjá Víkingi. Hans Jørgen Djurhuus og Poul Ingason vóru millum annað í fleiri hornatøkum í steypafinaluni, tá Víkingur vann 1-0 á HB. – Eg veit, at hetta sum hendi ikki er rætt. Hvørki frá mær ella Poul. Vit spæla báðir hart. Fyri meg er tað avgerandi, at eg og Poul eru komnir víðari, sigur Hans Jørgen Djurhuus. Rennur ikki undan umdøminum Hans Jørgen Djurhuus hevur í fleiri ár verið ein umtalaður fótbóltsspælari við sínum harða stíli, har hann mang­ an tveitir seg í taklingar og fær reyð og gul kort. Hans Jørgen hevur mill­ um annað fingið 120 gul kort og 22 reyð kort sambært Faroesoccer. Bara í fjør fekk hann trý reyð kort. – Eg eri ikki bangin fyri at fara í eina takling. Kemur tú ein lítið sind­ ur forseint, so sær tað ógvusligt út. Eg renni ikki undan um­ døminum, tí tað havi eg nokk uppi­ borið, men eg havi ongantíð fingið reytt kort fyri at sláa ella líkn­andi, greiðir Hans Jørgen frá. – Eg spæli hart, og eg toli eisini, at onnur spæla hart, sigur Hans Jørgen, sum heldur, at við tíðni er hann blivin pilkaður út av dómarunum. – Hetta er nokk ikki løtan, eg skal taka synd í mær sjálvum, men tað eru fleiri dømir um, at aðrir spælarar sleppa at gera fleiri fríspørk, men so skjótt eg geri eitt, so fái eg kort, sigur Hans Jørgen. Miðvallarin hjá Víkingi endur­ tekur, at hann er harmur um støðuna. At tað als ikki var meiningin, at Poul Ingason skuldi fáa skaða av støðuni. – Eg havi biðið Poul um umbering, og hana góðtók hann. Fyri meg er tað týdningarmiklasta, at eg og Poul eru komnir víðari frá hendingini, sigur Hans Jørgen at enda. trondur@sosialurin.fo Keddur av støðuni Miðvallar stíðsmaðurin hjá Víkingi, Hans Jørgen Djurhuus, bað Poul um umbering longu dagin eftir hendingina. Mynd: Sigmar Mørkøre