hósdagur 29. januar 2015síða 18

Fríggjadagur 30. januar 2015 sosialurin 12 18 kjak klumman Simona Weihe Bara tað ikki var satt Óli Breckmann ger tað, sum Al-Qaeda vil hava hann at gera O nkrar leygarmorgnar hoyri eg »Also« í Út­ varpinum. Bæði áhugavert og stutt­ligt at hoyra skila­góð fólk koma við sínum ráð­ um og hugsan­um um ymsar trupulleikar, ið tey, sum skriva inn, hava at stríðast við. Onkuntíð havi eg hugsað, um summir spurningar munnu vera uppfunnir til sendingina, so skelkandi, sum teir ljóða. Men tað eru teir ikki, havi eg hoyrt Also-vertirnar sagt. Tíverri kanst tú siga. Seinasta leygardag fekk eg veruliga ein hvøkk. Komin í bilin eftir innkeyp, lesur Also-verturin upp bræv frá lurtara á bygd, sum fortelur og spyr, hvat hon/hann skal gera, tí lærarar – tó ikki allir – happa barn hennara ella hansara í skúlanum, tí familjan hoyrir til brøðra­sam­komuna. Eg fekk ein rættiligan hvøkk! Fyrsti tankin var: Tað kann ikki passa, for hundan, eru vit ikki komin víðari! Harra mín Gud! Fekk hug at ringja til »Also« og rópa, ja, eg veit ikki hvat! Ringar upplivingar fyri nógv­um árum síðan í barnaskúlanum í miðalstórari bygd stóðu brádliga klárar fyri mær. Alt bara tí for­ eldr­ini hoyrdu til brøðrasamkomuna. Tað var rætti­ liga løgið, tí í lítlu bygdini, eg búði í, var slík happing eitt ókent fyri­brigdi. At tað í dagsins Føroyum enn finnast somu trong­ skygdu høvd, sum fyri meira enn 40 árum síðan, tað vardi meg ikki. Lærarar hava hóast alt gingið nøkur ár í skúla, áttu havt hoyrt um pedagogikk, etikk, empati og hvat veit eg. Men lærararnir í hasum skúl­ un­um hava í hvussu so er skulkað rættiliga illa, tá undir­vísing í tolsemi var á tímatalvuni. Tá støðan í einum skúla er soleiðis, so eru tað heilt vist eisini onnur børn, sum kenna sviðan. Tað veri seg orsakað av útsjónd og uppruna, persónleika, politikki ella av onkrum, sum brýtur frá fjøldini. Pu ha, pu ha! Tá tú happar ella frystir úti eitt sakleyst barn, tekur tú gleðina við at læra og spæla frá tí. Í ringasta føri kanst tú stjala barndómin. Aftur til »Also«. Tey trý í panelinum komu so við sínum boðum. Eina loysnin var at stinga av úr bygdini. Har gerst onki og ikki vert at brúka orku uppá. Tíverri er tað helst frægasta loysnin. Ongin orsøk at brúka barn sítt sum amboð at royna at broyta hugburð í einum skúla. Í hesum førinum vóru foreldrini greið yvir støðuna. Men tað kann eisini vera, at foreldur ikki vita, hvussu skilið er. Tað kunnu vera fleiri orsøkir. Kanska er happingin ikki so ítøkilig, ring at seta orð á, ella barnið vil kanska verja foreldrini, tí tað kennir tað sum niðurgerðing ella álop á heimið. Og tað, at barnið hevur virðing fyri læraranum, um ikki annað so orsakað av aldursmuni og valdi hansara. Eg trúgvi tó og vóni, at myndug­leikatrúgvin er minkað eins væl innan fólkaskúlan sum aðrastaðni í sam­ felagnum. Í sendingini leygarmorgunin kom tó tað positiva fram, at hetta keðiliga fyribrigdið helst er eitt bygda­ fyribrigdi. So ivaleyst er vón fyri framman, hóast vit ikki kunnu bjóða børnum slíkt, meðan hesir – helst fáu – lærarar búnast. Sjúrður Skaale »Allahu ak­ bar«. Allah er stórur. So­ leið­is róptu terror­ist­ar­nir, sum skutu tekn­arar­nar í París 7. januar. Í farnu viku hevði Óli Breck­mann sína sending í Rás2, har hann, dulklæddur sum »journalistur«, fær kroyst sínar meiningar úr sær. Hann tosaði um, hvussu nógvir muslimar eru í Europa og segði, at teir eru sum ein krabbasvullur. Einki minni. Hann tosaði ikki um terroristar, men um mus­limar. Tað er tað, teir eru: Ein krabba­ svullur. Tá Óli Breckmann soleiðis samanbar allar muslimar í Europa við ein krabbasvull, reageraði hann júst so, sum terroristarnir vildu hava okkum øll at reagera. Tí at drepa teknararnar var tann minsti parturin av teirra atsókn. Yvirskipaða endamálið hjá islamistunum er at skapa eina polarisering í Europa, har muslimar standa øðrumegin og øll onnur hinumegin. Eitt religiónsstríð. Eitt rasustríð. »A clash of civilizations«. Strategiin hjá hesum ør­ vitis­skøltum er líka einføld, sum hon er ræðandi: Við at ákalla gudin hjá øllum mus­ limum, royna teir seta seg fram sum umboð fyri allar muslimar – og fyri islam sum heild. Soleiðis vilja teir fáa fleiri í sín part. Tað er neyð­ ugt, tí islamistarnir eru bert ein lítil brotpartur av heim­ sins muslimum. Teir vilja radikalisera so nógv sum gjørlig, tí jú fleiri fanatiskir islamistar kunnu skapast í Europa, jú størri er møguleikin fyri, at teirra garrvilla, apoka­ lyptiska mál um at knúsa vesturheimin kann eydnast. Matematiskt sæð er hetta ikki ómøguligt. Tað eru nú so nógvir muslimar í Europa, at høvdu allir endað sum heilavaskaðir islamistar, kundu teir veruliga broytt tað Europa, vit kenna. Spæla teirra spæl Ein máti at náa málinum er at royna at gera allar muslimar óbeinleiðis samsekar í brots­ verkunum. Tað skal gera, at europearar fara at síggja allar muslimar – ella allar arabarar – sum ”krabbasvullir”. Tí tann, sum verður sæddur sum ein krabbasvullur, verður útstoyttur. Útstoytt fólk missa loyalitetin móti sínum samfelag. Tey vera beisk og ill - og tá eru tey løtt at heilavaska við islamistiskum óndskapi. Hetta er ikki at spæla við. Eydnast tað terroristunum at skapa slíka polarisering millum muslimar og øll onnur, kann tað summastaðni enda við nøkrum, sum minnir um borgarakríggj í Europa. Øll tey, sum yvir ein kamb skíra muslimar »krabba­ svull­ir«, spæla spælið hjá islamist­unum. Tey eru við til at skapa útstoytingina og polari­seringina – og harvið seta Europa á vandakós. Tey, sum vilja forða hesum, royna at fyribyrgja, at tann stóri meirilutin av muslimum, sum passar sítt og livir eitt vanligt, friðarligt lív, endar í klørnum á islamistunum. Kampurin stendur altso um hóvligu muslimarnar. Tað er orsøkin til at euro­ peiskar leiðarar, frá Merkel til Cameron, upp í saman endurtaka, at stríðið móti islamistiskum terror IKKI er eitt stríð móti øllum muslimum ella øllum arabarum. Tey siga tað ikki bara fyri at verja ósek fólk móti ágangi. Tey siga tað líka nógv fyri at verja europeisku samfeløgini móti avleiðingunum av teirri polarisering og tí fremm­anda­ hatri, ið retorikkur sum tann hjá Óla Breckmann skapar. Fær tann vaksandi rasisman fastatøkur á europe­ arum, hava ISIS og Al-Qaeda vunnið. So fáa vit ta stóru kon­ fronta­tiónina, og so verða øll taparar – uttan islamistarnir. Hetta er eisini grundin til, at ábyrgdarfullir, leiðandi muslimar í Europa standa fram og siga, at terroristarnir misnýta og dálka teirra átrúna. Kristin eru ósek Tað er í hesum døgum lætt at lata seg tøla av einføldum, svørt-hvítum hugsanarhátti sum tí hjá Óla Breckmann. Men tað ber altso væl til at skilja millum terroristar og tey hampafólk, ið hava sama húðalit sum terroristar. Vit, sum eru hvít, eru jú heldur ikki »krabbasvullir« fyri tað, um nógv hvít fólk fremja óndskap. Á sama hátt mugu vit skilja millum tað, sum verður gjørt í navninum á eini religión og religiónina sjálva. Inkvisitiónin varð t.d. gjørd í krisindómsins navni. Heksabrenningarnar eisini. Hitler segði »Gott Mit Uns«, tá hann fór undir sítt devulska verk. Og tá Bush, grundað á lygnir, byrjaði Irak kríggið, sum hevur kostað ótald ósek mannalív, kallaði hann tað eina ”krossferð” – altso eitt ”kristil­igt kríggj”. Var kristindómurin orsøk til alt hetta. Nei, hann var ei. Eru øll kristin fólk krabba­ svullir orsakað av hesum? Nei tey eru ei! Eru teir umleið 30 mus­ lim­arnir í Føroyum ”krabba­ svullir”? Nei teir eru ei! Eru teir muslimsku ar­ beiðsmenn í Turkalandi, sum m.a. smíða skip hjá Thor og nýggja stóra brunnbátin hjá Bakkafrost »krabbasvullir«? Nei teir eru ei. Men tá hampafólk nóg ofta og nóg leingi verða umrødd sum krabbasvullir, so er ikki vist, at tey verða verandi hampa­fólk. Tá kunnu tey verða rikin inn í tær óndu klørn­ar á Al-Qaeda og ISIS. Ódámlig religión Fyri at eingin misskiljing skal vera: Mær dámar ikki islam sum religión. Av nógvum grund­um. Men nærum fjórða hvørt menniskja á jørðini er mus­ limur. Millum tey eru nakrir barbarar, sum mugu og skulu týnast. Tí havi eg sjálvur stuðl­ að álopinum á ISIS. Men líka so lítið sum Brei­ vik umboðar øll okkum, líka so lítið umboða ISIS og Al Qaeda allar muslimar. Bólka vit allar muslimar sum barbarar, hava barbarar­ nir vunnið. Ver við í kjakinum! Send teldupost til post@sosialurin.fo Meiningar og kjak Al-Qaeda og ISIS vilja hava polarisering millum muslimar og øll onnur. Soleiðis fáa teir fólk til sítt apokalyptiska stríð fyri at knúsa Europa. Nógv spæla teirra spæl. Eisini í Føroyum »Tá Óli Breckmann soleiðis samanbar allar muslimar í Europa við ein krabbasvull, reageraði hann júst so, sum terroristarnir vildu hava okkum øll at reagera«