hósdagur 29. januar 2015síða 20

Fríggjadagur 30. januar 2015 sosialurin 12 20 nøvn Tað vóru dáttlig boð ið bórust í farnu viku. Guðbjørg var deyð 67 ára gomul. Minnini reika. Vit komu at starvast á sama stað í 38 ár. Á Lærara­skúlanum og partvís eisini á Venj­ingar­ skúlanum á Frælsinum, Guðbjørg á skriv­stovuni, eg fyrst sum lærari á Venjingar­skúlanum og Lærara­ skúlanum og seinni sum rektari. Guðbjørg var nýsett í skrivara­ starvið, tá ið Læraraskúlin flutti út á Frælsið, og nýstovnaði Venjingar­ skúlin byrjaði undir somu lon. Nú eru teir báðir skúlarnir farnir í søguna, og í farnu viku fórt Guðbjørg sama veg. Hevði unt henni nógv góð ár aftrat, men deyðin er náðileysur. Eg kom at starvast meira saman við Guðbjørg í mínum arbeiðslívi, enn saman við nøkrum øðrum. Tað kendist trygt at taka rekt­ ara­starvið á meg, tá ið undan­gongu­ mað­urin, Andrias Højgaard, gjørdist sjúkur og doyði, tí eg visti, at Guðbjørg var har, og at hon hevði skil á øllum. Hon var sera nærløgd í sínum arbeiði, og alt varð væl og virðiliga avgreitt til tíðina, sum skuldi koma frá hennara hond. Uttan hana hevði eg ikki hætt­ að mær undir uppgávuna. Men Guðbjørg var ikki bara nær­ løgd, hon hevði eisini eina væl menta rættvísiskenslu, og var ikki bangin fyri at gera vart við seg, tá ið hon helt, at onkur var fyri órætti, og kundi tala hvassliga at, um onkur royndi at vinna sær órímiligar sersømdir. Guðbjørg nýtti nógva fríðtíð at arbeiða fyri Havnar Svimjifelag, og har legði hon stórt arbeiði eftir seg. Hon var altíð av heilum hugað við í tí felagslívi sum var millum starvs­ fólkini á skúlanum. Guðbjørg var á lívsleiðini fyri bak­ køstum sum merktu lív hennara. Helt seg stundum fyri seg sjálva. Leitaði ikki so ofta onnur upp, men var altíð fegin um at síggja sínar vinir. Hjartað bankaði fyri dóttrini og øllum hennara, sum búðu niðri. Sein­astu tíðina umhugsaði hon sjálv at flyta niður fyri at vera í nánd av teim­um, sum hon var so góð við, og sum vóru so góð við hana. Men nú er hon farin. Saknurin er stórur hjá tykkum, sum stóðu henni allar næst, hjá systkj­unum og góðu vinunum. Eg syrgi saman við tykkum og minn­ist góðar løtur, men eg minnist eisini við takksemi tær ferðirnar, tá ið skúlin var í andgletti, og tú stóðst stinn og vardi borg. Hvíl í friði, góða Guðbjørg. Takk fyri samstarvið og stuðulin tey nógvu árini vit starvaðust saman. Pauli Nielsen Guðbjørg Hammershaimb Christiansen farin 70 ár Tað kennist løgið – men ikki illa - at eg í næstum man sjúti fylla. Aftur við borði slíkt ei kann fara, tí vænti eg frænda-, vina- og kenningaskara í VB-húsið við mær og mínum at minnast hin dagin – seint undir krígnum. Veitslan verður í VB-húsinum tann 21. februar klokkan 19. Tey, ið vilja gleðast við mær hendan dag, biðjast siga frá á tlf. 213415 ella 373415 í seinasta lagi tann 11. februar. Bestu nýggjársynskir. Niels Petur Nolsøe (NePtuN) 100 ára føðingardagur Týsdagin  3. februar 2015 verður Malla Olsen, sum nú býr á Vesturskin á Toftum, 100 ár. Sama dag, skipa familjan og Nes kommuna fyri móttøku í Missiónshúsium Tabor á Toftum, frá kl. 15.00 til 18.00, har øll eru hjartaliga vælkomin. Heilsanir til føðingardagsbarnið verða bornar fram millum kl. 15.00 og 16.00. Familjan og Nes kommuna Konfirmatión 3. mai verður henda fitta gentan kon­ firmerað í Stokke kirkju í Noregi. Dagurin verður hildin heima hjá henni. Adressan er Kanonersvingen 17, 3159 Melsomvik. Tey ið vilja halda dagin saman við henni, mugu ringja á tlf: +004733338570 ella +004799129891 innan 3. mars. Gullbrúdleyp Leygardagin 14. februar kunnu hjúnini Hansina og Magnus Pauli Johannesen Kollafjørð halda gullbrúdleyp, dagurin verður hildin í missiónshúsinum í Kollafirði frá kl. 17, øll er hjartaliga vælkomin 80 ára føðingardagur 3. februar fyllur Viljam Bech, Lopra, 80 ár. Dagurin verður hildin leygar­dagin 31. januar í bygdarhúsinum í Lopra frá kl 15. Øll eru hjartaliga væl komin 70 ára føðingardagur 2. februar fyllir Brynjolf Dahl, Vágur, 70 ár. Dagurin verður hildin heima leygardagin 31. januar fra kl. 11–16. Øll eru hjartaliga vælkomin.