mánadagur 2. februar 2015síða 3

3 Mánadagur 2. februar 2015 · Nr. 13 Sosialurin Hugskot og viðmerkingar – send sms til 225000 Danjal av Rana Myndir: Marni Abrahamsen Í seinastu viku kom ein lesari okkara fram á hendan sjúkrabilin í Saltangará. Bilurin er komin koyrandi inn eftir Skálafjørðinum og er so komin illa fyri. Komin til Elim, hevur bilførarin mist tamarhaldið á sjúkrabilinum og rent á grótgarðin omanfyri vegin. Sjálvur grótgarðurin hevur ikki fingið stórvegis skaða, men ein brandpostur framvið vegnum er trumlaður niður av sjúkrabilinum. Líkt er til, at bilurin hevur havt nógva ferð, tí langt er frá, har fyrstu vrakpettini liggja, til har bil­ urin er steðgaður. Sum sæst á myndunum, hevur sjúkrabilurin fingið stór­an skaða og bilur frá Tórshavnar sløkkilið mátti koma eftir bilinum. Jákup Nolsøe, leiðari á sjúkraflutningstænastuni á Landssjúkrahúsinum sigur, at óhappið hendi orsaka av at nógv av vætu var á vegnum, so bilførarin upplivdi tað, ið ofta verður rópt aquaplaning. Hetta er, at eitt lag av vætu legst millum vegin og dekkið, ið ger, at bilførarin missir tamarhaldið á bilinum. Jákup Nolsøe greiðir frá, at eingin sjúklingur var í bilinum og annars kom eingin til skaða. Tó er sjúkra­ bil­urin illa farin. – Vit gera 6.400 túrar ár­ liga, og hesaferð hendi eitt óhapp. Tað er sjáldsamt at ein av okkara bilum er í slíkum óhappi, og vit gleðast um, at eingin kom til skaða. Jákup Nolsøe sigur, at hetta fær væntandi ikki at darva sjúkraflutningstænastuna annars. – Vit hava níggju bilar til økið, ið vit varða av, sum eru Eysturoy, Sandoy, Vágarnar og Streymoy. At vit hava ein bil minni eina tíð, er sjálvandi ein avbjóðing, men eg vænti ikki, sjúklingarnir fara at merkja nnakað til tess, sigur Jákup Nolsøe, leiðari á sjúkraflutningstænastuni á Landssjúkrahúsinum. Tá Miðlahúsið ringdi á løgreglustøðina, høvdu tey onga fráboðan fingið um óhappið. – Tað passar, at vit ikki hava boðað løgregluni frá. Í hesum førinum var einans talan um skaða á bilin, og tí mettu vit ikki, at tað var neyðugt at boða løgregluni frá, sigur Jákup Nolsøe. Vakthavandi á løgreglu­ støð­ini vil ikki gera við­merk­ ingar til júst hetta mál­ið, tað kennir hon sum vera man einki til, men sigur, at ein einans hevur fráboðanar­ skyldu, um onkur er komin til skaða, ella ein hevur volt skaða á ogn annara. So er spurningurin, um ikki skaðin á handan brandpostin átti at verið fráboðaður. Sjúkrabilur í ógvu­s­ligum óhappi Flotin hjá sjúkraflutningstænastuni skerdur, eftir at ein sjúkrabilur hevur verið í ógvusligum óhappi í Søldarfirði.