mánadagur 2. februar 2015síða 8

Mánadagur 2. februar 2015 · Nr. 13 8 Sosialurin Hugskot og viðmerkingar – send sms til 225000 nøvn Regini Nónstein til minnis Tað vóru sorgarboð hjá okk­ um í Føroya Skipara- og Navigatørfelag, tá okk­um var kunn­ugt at Regin Nónstein andaðist á Ríkis­sjúkra­hús­ inum 2. januar í ár ­– 71 ára gamal. Regin varð borin í heim í Hvalba 22. mars 1943. Stóran part av lívi sínum, var hann nevndarlimur og næst­formaður í Føroya Skip­ ara- og Navigatørfelag. Fyri felagið og okkum, sum unt var at samstarva við Regin hev­ur hann havt ómetaliga stóran týdning. Hann hevði inn­lit og evni sum valla nak­ ar annar, tá tað snýr seg um tær mongu avbjóðingar, sum settar eru einum felag, ið hevur til endamáls at vinna limum sínum so góðar um­ støður sum møguligt er. Við sínum nærlagni, lætta lyndi og frálíka góðu evnum var hann førur fyri – í góðum fe­lags­skapi – at lyfta felagið fram á leið. Hann hevði eisini tey evni, at hann megnaði at loysa fastlæstar støður, sum mang­ an koma fyri, tá sátt­mála­ sam­ráðingar eru. Og tað er und­ir sáttmálasamráðingum, at tað skal prógvast, at fe­ lagið er ført fyri at røkja sína skyldu. Regin vaks upp í einum heimi, sum hevði sítt støði í før­oyskari fiskivinnu. Pápin, Niels Pauli Nón­ stein, var trolaraskipari og ein av stigtakarunum, tá hval­bingar keyptu trolaran Drátt í 1946. Mamman, Natalia, var eisini fødd og upp­vaks­in í Hvalba. Í 1946 tóku tey navna­broyt­ing frá Ziska­sen til Nónstein. Regin fór í barnaskúla í Hvalba 7 ára gamal í 1950. Hugurin og evnini at nema sær kunnleika vóru góð, og 12 ára gamal sigur hann for­ eldrunum, at hann hevði hug at taka millum­skúla­prógv, hóast tað ikki var møguligt í Hvalba. Tí flytur hann í 1955 norður til Klaksvíkar at ganga í millumskúla, sum í dag er partur av fólka­skúl­ anum. Tá ein 12 ára gamal smá­ drongur velur at flyta úr trygga barnaumhvørvi sín­ um, til annan part av land­ in­um, kunnu vit ikki siga annað enn, at hanna hevur áræði, og áræði hevði Regin. Her eiga vit at hugsa um, at fimtiárini vóru merkt av álvarsamum rembingum í Føroyum. Hetta kom Regin eisini at uppliva í Klaksvík. Men tað skapti honum kortini ongar trupulleikar, hann tók millumskúlaprógv í Klaksvík í 1959. Hóast fimtiárini vóru trup­ul, so var kortini stór menn­ing í sjó- og fiski­vinn­ uni í Klaks­vík hesi árini. Hetta ávirk­aði Regin so mikið nógv, at hann á ungum árum fekk stóran áhuga og tokka til fiski­vinnu og sigling, og longu tá setti hann sær fyri, at tað var á hesum øki, at hann skuldi útbúgva seg. Hetta var so mikið greitt, at hann í takkaði nei, tá honum í 1959 stóð í boði eitt trygt læru­pláss á skrivstovuni hjá Skála Skipasmiðju. Sum viðurskiftini vóru tá høvdu helst tey flestu við gleði tikið ímóti slíkum tilboði. Men Regin hevði eina aðra ætlan. Í fyrstu atløgu valdi hann at flyta aftur til Hvalbiar. Ivalesyt hevði hetta sam­ band við, at pápin júst tá hevði fingið skiparatjans við Jó­annesi Paturs­syni. Tá hevði pápin verið uppi­lagst­ ur í nøkur ár, og hevði virkað sum handilsmaður í Hvalba. Tá pápin var farin aftur til sjós mátti onkur annar koma í hansara stað í handlinum. Tað uppgávuna átók Regin sær. Hetta má hava verið ein tung byrða hjá einum ung­ lingi at lyfta. Men seiggið hevur verið gott, tí umframt arbeiði í handl­inum, megnaði hann eitt tíðar­skeið eisini at royna seg í kolinum. Eins og hjá so mongum øðrum hval­bingum hevur myrkrið í nám­in­ um í Prestfjalli drigið. Tað vóru teir, sum betur dámdu spenningin í Prest­fjalli enn tað, sum er at upp­liva – ímillum aldubrot – á hav­ inum. Men so var ikki hjá Reg­ini. Í 1962 var tolið uppi; 17. apríl mynstraði hann við trol­aranum Brandi Sig­mund­ ar­syni. Har fekk hann sínar fyrstu royndir á sjónum ímillum trolaramenn - tað, sum hann í mong ár hevði tráa eftir og sæð fram til. Og tað vísti seg eisini skjótt, at hann ikki hevði gjørt nakra roknivillu; dreymurin og veruleikin sampakkaðu væl. Men skjótt kom hann eftir, at á brúnnið var útsýni betur enn á dekkinum, tí var næsti leikur í talvinum lættur at taka støðu til. 15. september 1967 mynstraði hann av Brandi Sigmundarsyni, og søkti um upptøku á Føroya Sjó­mansskúla, sum tók væl ímóti umsóknini. Tá tók stýrimans­út­búgv­ ingin 1½ ár, og í apríl 1970 fekk hann skipsføraraprógv í hondina, og takkaði fyri seg á Føroya Sjómansskúla. So nú skuldi lærdómurin standa sína roynd. Um hetta mundi høvdu vágbingar keypt ídnaðartrolarin Bjarn­ oy. Har fekk Regin sína fyrsta “tjans” sum naviatørur. Teir fóru beinleiðis til fiskiskap í Norðsjógvin á ídn­ aðarveiðu. Við hesum skipið var Regin stýrimaður til komið var inn í februar 1972. Hjá teimum sum balast á havinum leita tankarnir javnan heim til konu og børn; har er altíð ein saknur. So var eisini hjá Regini. Eitt stutt tíðarskeið var hann heima, til hann í mai 1973 mynstraði við ídnaðartrolaranum Gud­ mundi. Hetta vóru góð ár hjá ídnaðartrolarunum; Regin sigldi við Gudmundi sum stýrimaður árini 1973-1979. Á sumri 1980 søkti Vaktar- og Bjargingartænastan eftir navigatøri. Hóast bert talan var um avloysarastarv so søkti Regin og mynstraði sum 1. stýrimaður við Tjaldrinum, og fekk soleiðis eisini innlit og royndir við einum skipi við stórari ábyrgd og stórum myndugleika. Tann 1. mai 1981 legði hann leiðina niður til Fredericia. Har mynsraði hann við olju­ skipinum Magn, sum Shell júst tá hevði ognað sær. Magn kom at lasta í Mong­ stad í Norra, og sigldi hað­ani til Føroya við olju. Við Magn kom Regin at sigla sum yvir­ stýri­maður og skipara­av­ loysari til á sumri 1983. Sama ár gjørdist hann virk­in í Føroya Skipara- og Naviga­tørfelag. Í 1984 varð hann valdur í nevnd felag­sins, har hann hevði sæti sum nevndarlimur og næst­for­maður til aðalfund felagsins í 2013, tá hann ikki ynskti afturval. Men hann hevur eisini røkt aðrar uppgávur fyri fe­ lag­ið. Í 1986 var tørvur á einum roknskaparkønum manni á skrivstovu felagsin. Umframt kunnleika til bókhald og roknskap var eisini neyð­ ugt at hava kunnleika til sátt­mála­viður­skiftini hjá fe­lag­num. Hetta starv tók Regin uppá seg, og hevur við nærlagni og dugnaskapi, røkt hetta starv til seinasti roknskapur hansara var lok­in stutt fyri, at hann and­ aðist. Okkara tankar leita til tykkum sum hava mist mann, pápa og abba, má Harrin styrkja tykkum í stóru sorg tykk­ara Føroya Skipara- og Navigatørfelag 100 ára føðingardagur Týsdagin  3. februar 2015 verður Malla Olsen, sum nú býr á Vesturskin á Toftum, 100 ár. Sama dag, skipa familjan og Nes kommuna fyri móttøku í Missiónshúsium Tabor á Toftum, frá kl. 15.00 til 18.00, har øll eru hjartaliga vælkomin. Heilsanir til føðingardagsbarnið verða bornar fram millum kl. 15.00 og 16.00. Familjan og Nes kommuna Konfirmatión 3. mai verður henda fitta gentan konfirmerað í Stokke kirkju í Noregi. Dagurin verður hildin heima hjá henni. Adressan er Kanonersvingen 17, 3159 Melsomvik. Tey. ið vilja halda dagin saman við henni, mugu ringja á tlf: +004733338570 ella +004799129891 innan 3 mars. 80 ára føðingardagur 3. februar fyllur Viljam Bech, Lopra, 80 ár. Dagurin verður hildin leygar­dagin 31. januar í bygdarhúsinum í Lopra frá kl 15. Øll eru hjartaliga væl­komin.