mánadagur 2. februar 2015síða 34

10 nr. 1 I 2. februar 2015 Vinnublaðið hjá Miðlahúsinum Nú eru pengarnir játtaðir alan er um eina útbygging á 170.000 fermetrar til støddar. Verandi vinnuøkið hjá Tórs­ havnar havn er 80.000 fer­ metrar, so tá útbyggingin er lið­ ug, verður samlaða økið 250.000 fermetrar. Nýggja ætlan­in er at byggja eystaru havn víðari um Skansaboðarnar, fram við Sersjantarvíkini, framm­an fyri Eik Banka og heilt niðan móti Eystfals­skeri, sum liggur dygst framman fyri Kommandør­ hús­unum yvir við Strond. Bryggjan hevur í dag 600 metur av kaikanti, hetta verður 1.300 metrar, tá útbyggingin er liðug. Ein bátahylur verður lagdur inn ímóti Skansanum, og uttanfyri verða slakir 200.000 fer­metrar av pakkhúsum og bingjuplássi. Prísurin er mettur at gerast 450 milliónir krónur. Umhvørvisárinsmetingin varð løgd til al­ menna hoyring fyrst í juli mánaði. Tá freistin at gera viðmerkingar var úti seinast í august, var freistin longd við trimum vikum, til 19. septembur 2015. Tá freistin var úti, vóru, sam­bært Umhvørvisstovuni, eini fimm, seks við­merk­ingar til verkætlanina. Sambært Suna Petersen á Umhvørvisstovuni vóru viðmerkingar bæði um útsjónd, dálking og larm. Í við­merkingunum sæst, at serliga vóru atfinn­ingar móti, at ongar ljóðmálingar vóru gjørdar av verandi virksemi á havnini, og tískil var einki veruligt samanberingar­ grundarlag. Har­umframt tyktist tað ikki, sum at aðrir stað­setingar­møguleikar vóru kannaðir í nóg stóran mun. Kortini, á borgarafundi í skúlanum við Løgmannabreyt í novembur boðaði Heðin Mortensen, borgarstjóri, frá, at nú vóru øll neyðug loyvi fingin frá myndugleikunum, og klárt var at fara í gongd. Vilja kanna aðrar møguleikar Í kjalarvørrinum av eini grein í Sosialinum 11. novembur, tók nakað av kjaki seg upp aftur um útbyggingina, tó at mesta av kjak­ inum snúði seg um skepnu Skansans. Gunnar Hoydal var ein teirra, sum heitti á kommun­ una, um at hyggja nærri at møguleikanum at leggja bingjuhavnina á Sundi, á Oyrar­ eingjum, á Kollafirði ella á Glyvursnesi, heldur enn yviri við Strond. Til hetta svaraði Sjúrður Olsen, formaður í vinnunevndini í Tórshavnar býráð, í Rás 2, at aðrar staðsetingar hava verið kannaðar líka síðani 1980’ini, men at eingin ivi er um, at ætlaða loysnin er tann besta loysnin. Hann førdi millum annað fram, at stóra nøgdin av innflutningi, ið skal til heilsølur og virki í Havnini ger, at besta loysnin er at byggja havnina so nær býnum, sum gjørligt. At flyta havnina yvir á Argjalandi og Glyvursnes verður sera kostnaðarmikið, við tað at einki lík­inda vegakervið er út á Glyvursnes í dag. Hann vísti eisini á, sum borgarstjórin eisini fleiri ferðir hevur nevnt, at um 700 fólk starv­ ast í dag á, ella knýtt at, Tórshavnar Havn. Nýggja góðshavn inni á Sundi Í farnu viku gjørdist greitt, at Tjóðveldi, sum síðani í summar hevur sitið í andstøðu í Tórs­ havnar býráð, hevði evnað til eitt annað upp­ skot, nevniliga eina góðshavn inni á Sundi. Hetta uppskotið bleiv lagt fram beint áðrenn býráðið skuldi samtykkja at játta pening og byrja projektering upp á ætlaðu havnar­ útbyggingina. Í viðmerkingunum til uppskotið søgdu tey trý tjóðveldisumboðini, at tað var ov tíðliga at fara undir at projektera ætlaðu havnar­ útbyggingina ítøkiliga, tí ongar kanningar vóru gjørdar aðrastaðni í kommununi. Uppskotið hjá Tjóðveldi er at byggja eina havn við 15 metra dýpi inni á Sundi, skipað sum dokkstøðir. Tá verður djúpt nokk hjá øllum skipum at leggja at har inni. Vænt­ andi kunnu millum 900 og 1400 metrar av atløgu­plássi fáast afturat teimum verandi, í mun til teir 700 metrarnar, sum kunnu fáast við Eystaru bryggju. Prísurin verður væntandi millum 300 og 400 millónir krónur. Samstundis er ætlanin, at ferðavinnan skal varðveitast í miðbýnum, tað vil siga, at innan- og uttanlanda ferðafólkaskip skulu leggja at við verandi havnalag. Tjóðveldi hevur fyrst og fremst fýlst at, at ongar dagførdar kanningar eru gjørdar av øðrum staðsetingarmøguleikum, nú hendan útbygg­ingin er kannað. Samstundis vil Tjóð­ veldi vera við, at øll loyvi enn ikki eru fingin til vega av avvarðandi myndugleikum. Uppskotið hjá Tjóðveldi hevur tó fingið harða mótstøðu úr býráðnum. Heðin Mortensen, borgarstjóri, og Sjúrður Olsen, for­maður í vinnunevndini, hava báðir funnist harð­liga at uppskotinum, sum teir millum annað skýra eina fantasihavn. Møguleikin at byggja inni á Sundi er kannaður, upp til fleiri ferðir, og vrakaður hvørja ferð, siga teir. Har er ov djúpt, ov nógvur súgur og ov lítið uppland. Heðin Mortensen, ið var tann fyrri at svara teimum, trívur í aftur grundgevingina við, at innflutningurin skal kortini til Havnar. Tískil er einki spart við at flyta góðshavnina longur frá Havnini. Eisini vísir hann aftur til tey nógvu arbeiðsplássini, ið eisini mugu flyta. – At fyrigykla fólki, at hetta er ein bílig og heppin loysn er fullkomiliga burturvið. Og at fyrigykla fólki, at hetta fer at minka um ferðsluna oman til Havnar er rætt og slætt møsn, skrivaði Heðin Mortensen. T Útbyggingin av Tórshavnan Havn nærkast alsamt. Hóskvøldið samtykti Tórshavnar býráð at játta fyrsta peningin til verkætlanina Danjal av Rana Havnarútbygging