mánadagur 2. februar 2015síða 44

20 nr. 1 I 2. februar 2015 Vinnublaðið hjá Miðlahúsinum Keypa møblar sum ongan tíð áður einnu árini hevur søla av møblum og øðrum innbúgvi verið ein góður vinnuvegur. Í øllum førum, um hugt verður eftir rokn­skapunum hjá stóru møbla­sølunum í landinum. Í greiningini á hesum síðum hava vit hugt at roknskapunum hjá Eikini, Skemmuni og Føroya Møbla­sølu, sum helst er betri kend undir navninum, Ide Møblar. Tað finnast eis­ini aðrir handlar í landinum, sum selja møblar og innbúgv, men felags fyri hesar er, at virk­semið eisini fevnir um so nógv annað enn sølu av møblum, og tí eru roknskapirnir í sjálvum sær ikki umboðandi fyri júst hendan partin av virkseminum. Sølan økist Úr almennu roknskapartølunum ber ikki til at lesa sjálva nettosøluna. Hinvegin er brutto­ vinn­ingurin ein greið ábending um aktivitetin í fyri­tøk­uni, og her er talan um stóran vøkstur. Frá 2011 til 2013 hevur vøksturin verið hálva­sættu millión, sum svara til ein vøkstur á 30% í tvey ár. Enn eru roknskapirnir fyri 2014 ikki tøkir, men ógvu­sligi vøksturin bendir á, at fólk hava okkurt at brúka flatskattalættan til. Eins týdningarmikil sum vøksturin í søluni er tað, so er talan so avgjørt eisini um stóra fram­gongd á niðastu linjunum hjá fyritøkunum. Við øðrum orðum hevur økta virksemið ikki borið eins stóran útreiðsluvøkstur við sær, og ser­liga eru tað Skemman og Ide Møblar, sum hava havt heilt góð úrslit at vísa á. Eikin er kanka undantakið í so máta, tí talan er her um eina fyritøku, sum er væl nýggjari enn hinar báðar. Tí er talan her um lutfalsliga nógv størri vøkstur í virkseminum, og tí er rakst­urin kanska heldur ikki í eins fastari legu, sum hann er tað hjá hinum báðum. Sterkar fyritøkur Tá hugt verður at fíggjarstøðuni, so er eingin ivi um, at talan er um serstakliga sterkar fyri­ tøkur. Tað er avgjørt ein individuellur munur á fyri­tøkunum, og ikki minst er tað Ide Møblar, sum er meira enn vanliga solvent. Eginognin hjá fyritøkuni er omanfyri tær 70 milliónirnar, og langfreistaða skuldin er mest sum eingin. Hinvegin tykist fyritøkan kanska heldur yvir­konsoliderað. Í mun til virksemið er egin­ognin somikið stór, at tað er trupult at hava eina høga rentan av eginpeninginum. Nú er talan um fyritøku, sum hevr ein sera avmarkaðan eigaraskarða, og tí leggja eigarar­nir kanska ikki so nógv í, at so er. Var talan hin­ vegin um fyritøku, sum hevði nógvar íleggjarar, so vildi støðan helst verið tann, at peningurin varð tikin út sum vinningsbýti, so einstaki eigarin sjálvur kundi valt aðrar íløgur við hægri rentan framum. Skemman er eisini rættiliga væl konsoli­ derað. Eginognin er her um 25 mió kr., men hóast stóra eginogn, so hevur fyritøkan eitt gott avkast upp á hesa. Rakstrarúrslitið fyri 2013 var hálva­fjóðru mió kr., so hóast bæði trygdarevni og gjald­føri eru heilt í topp, so er talan fram­ vegis um góða rentan av eginognini. Tað er tað eisini hjá Eikini, sum í prosentum s Roknskapir Tær tríggjar stóru møblasølurnar hava góðar dagar. Umsetningurin økist, og tað ger botnlinjan fyri tað mesta eisini Jákup Mørk