mánadagur 2. februar 2015síða 70

vika 6 l 2. februar 2015 22 Ebbe TN 140 Audi 80 hjá Ansgari Jensen Bilurin við Óla Olsen Fyri jólum vitjaðu vit Kristján Eiriksson, sløkki­liðs­ mann í Havn, sum hevur smíðað modell av mot­ or­bátinum Ebba TN 140. Báturin hevur motor og fjar­stýring, og tá ið veðrið batnar, fer Kristján at royna hann á floti. Báturin er smíðaður eftir tí líki, hann hevur nú – eftir umbygging fyri nøkrum ár­um síðan. Í 1916 smíðaði Laurits í Mortansstovu í Havn deks­bátin Ebba til Sørin E. Müller í Havn. Báturin var góð sjey tons, hevði flata hekku, eina mastur og ruff – ikki stýrihús. Laurits og Lias í Rættará smíð­aðu sínar bátar úti í Álakersvík. Ebbe varð seldur Skipafelagnum Føroyum, og síð­an átti Esbern Simonsen í Saltangará deks­ farið, ið kom at liggja fyri teymi úti fyri Høga­bóli. Peter Poul­sen, ið átti kioskina Ka­hyt­ten, setti nýggj­an mot­or í og riggaði bátin til ferða­fólka­ flutn­ing. Berg­hild P 134 var rætti­liga kent far á Skála­fjørðinum og í Havn tíggju­ára­skeið­ið 1960- 1970. Í 1971 keypti Werner Petersen í Saltangará Berg­hild, og umvegis Fuglafjørð og Hvannasund kom báturin í 1981 aftur til Havnar og fekk navn­ið Álkan. Um ár 2000 lótu eigararnir Santa Jør­unds gildi í Havn farið, ið seinni varð sent til Skot­lands at seta í stand frá grundini. Eftir drúgva útlegd kom Ebbe TN 140, sum hann nú nevndist, í 2011 aftur til Føroya. Sum skilst var ætlanin, at skótar og onnur ungfólk skuldu sigla við honum, nú hann kom aftur. Ebbe hevur nýtt ruff, og dekkið er lyft upp har frammi at geva betri pláss niðriundir. Lastin er um­bygd til kahútt við koyggjum, so lagamanni er at fara útferð við bátinum. Enn vantar tó nógv at gera, áðrenn siglingarklárt er. Lesarar eru vælkomnir at senda okkum gamlar bilmyndir saman við stuttum teksti og upplýsingum til: maggi@sos.fo Bilurin hesa vikuna er ein Audi 80 hjá Ansgari Jensen hýruvognsførara og koyrilærara í Havn. Myndin, ið er tikin í Dalatúni framman fyri Skodsborg baðistovuna, er helst tikin í seinnu helvt av 70-unum. Hin bilurin á myndini er ein grønur VW Golf hjá soninum Berguri Jensen, sum varð leiðari á Skodsborg. Hesir Audi 80 vórðu gjørdir frá 1973 til 1979. Fleiri av hesum modellunum koyrdu sum hýruvognar í Føroyum. Tað var Bilasølan Norrøna v/Beinar Vestergaard, sum seldi Audi og VW í Føroyum. Maðurin á myndini er Ansgar Jensen. Legg til merkis at bilurin hevur Auto-skelti á takinum og ljós á forskermunum við áskriftini Taxi. Kristján Eiriksson hevur smíðað vakra modellskipið Ebba TN 140 Myndaeigari: Bergur Jensen Skipssøga