hósdagur 5. februar 2015síða 9

Fríggjadagur 6. februar 2015 sosialurin 15 9 Øðrvísi tiltøk í fólkakirkjuni Barbara Holm K irkjan er vorðin meira fjøl­broytt, og tað hevur eis­ini elvt til kjak í sam­ felag­num. Summi halda, at kirkjan skal halda seg til sið­ bundnu tiltøkini, og lata onnur um at skipa fyri rockkonsertum, meðan onnur halda, at kirkjan júst skal skipa fyri tí, sum kirkjufólki hevur áhuga í. Hvussu er og ikki, so hava nøkur øðrvísi tiltøk verið á skránni í kirkj­ unum kring landið seinastu árini. Her síggja vit eitt yvirlit yvir nøkur teirra.  Í 2012 framførdi tung­málms­ bólk­urin Hamferð í Havnar Kirkju. »Nýbrot verður gjørt í føroyskari tón­leika­søgu, tá tungmálmsbólkurin Hamferð fer at framføra sín hug­vekj­ andi og sorgarbundna tónleik í dóm­ kirkjuni í Tórshavn, Havnar Kirkja.« – stóð at lesa á heimasíðuni hjá Fólka­ kirkjuni í samband við konsertina.  Í 2013 bjóðaðu presturin og býráðið í Kvívík inn til konsert við sangum eftir Leonard Cohen. Tvær konsertir vóru á skránni, og fullsett var báðar ferðir.  Á Eiði spældi bólkurin Marius kon­ sert í kirkjuni í 2014. Fullsett var, og bý­ráðslimir á Eiði søgdu við miðl­ar­ nar eftir konsertina, at tað riggaði stak væl, og at fólk vóru glað fyri at nýta kirkjuna á hendan hátt.  Í januar ár bjóðaði Christians Kirkjan í Klaksvík til konsert við Martini Joensen. Martin framførdi egn­ar sangir og greiddi frá um lív sítt.  Pinkubarnasálmasangur er eitt tiltak, sum hevur verið stak væl um­ tókt, og er í dag í fleiri kirkjum kring landið. Mammur koma við teirra smábørnum, og hittast í kirkjuni til sang og rørslur.  Síðst í 2014 vitjaði Stanley Samuelsen í Hoyvíkar kirkju, og bjóðaði sostatt inn til konsert í kirkjuni.  Fuglafjarðar kirkja hevur í fleiri førum bjóða inn til góðanáttsøgur og hugna­løtu. Hetta hevur verið skipað soleiðis, at ein persónur verður biðin at siga eina søgu/spæla sjónleik fyri foreldrum og børnum, eftir at hesi hava verið til ein lættari døgurða saman.  Í samband við mentanarvikur í teimum ymsu kommununum hava fleiri kirkjur valt at luttaka á ymsam hátt. Á Glyvrum hava tey eitt nú havt lista­framsýningar í kirkjuni.  Tað er blivi alsamt meira vanligt, at kirkjurnar bjóða inn til fyrilestrar av ymsum slag. Eitt nú bjóðaði kirkjan í Miðvági í fjør inn til ein fyrilestur um at »liva í nú’inum«, og var tað Joen Pauli Joensen, fólkalívsfrøðingur, sum hugleiddi um evnið. Samstundis var konsert á skránni. Eisini hevur Christians Kirkjan bjóða inn til fyri­ lestur frá Livari Nysted um tað, at fylgja sínum dreymum.  Leygardagin á G! festivalinum í fjør var festival guðstænasta við altar­gongd umborð á Norðlýsinum. Marjun í Kálvalíð, prestur, stóð fyri prædikuni, og limir í Kingobólkinum og kór­inum Eystanljóð vóru partur av guðs­tænastuni.  Vesturkirkjan er farin undir eina øðrvísi gudstænastu, sum tey rópa G2. Á skránni er nýggjari kristin sang­ur, har ein tónleikabólkur spælir undir. Serligur dentur verður lagdur á felags­skapin við millum annað kirkju­kaffi, har fólk kunnu koma hvørjum øðrum við. Dentur verður eis­ini lagdur á øðrvísi evni – eitt nú hvussu vit menniskju stríðast við ringari samvitsku yvir ikki at halda teir karmar, vit meta vera sunnar og góðar. Tað eru ikki bara tær siðbundnu gudtænasturnar og ritualini, sum eru at finna í føroysku fólkakirkjuni í dag. Seinastu árini hevur kirkjan flutt nøkur mørk, og bjóðað inn til heldur øðrvísi tiltøk Tungmálmsbólkurin, Hamferð, í Havnar Kirkju. Marius í Eiðis Kirkju. Martin Joensen í Christians kirkjuni í Klaksvík. Pinkubarnasálmasangur