hósdagur 5. februar 2015síða 38

Fríggjadagur 6. februar 2015 sosialurin 15 38 ítróttur VÍF hevur takið og er favorittur Steypafinalan menn Fýra ferðir hava VÍF og Neistin hitst í hesum kappingarárinum, og tríggjar ferðir hava vestmenningar vunnið. Neistin hevur tó lopið hvøkk á flestu liðini í ár, og í síðsta mánaða fekk VÍF oyrini í bláu maskinuna í høllini á Hálsi. Flestu pílar peika á ein sigur til VÍF, men tað er gott fyri hondbóltselskaran, at pílarnir eisini peika á eina málríka finalu Pætur Albinus M ansliðið hjá VÍF hevur eftir eina trilv­andi byrjan upp á kapp­ ingar­árið verið reyð­ gløðandi í heyst og í vetur. Við helst bestu manningini í føroysku kapp­ ing­ini byrjaði alt at fella á pláss, og í tíðar­skeiðnum 5. oktobur til 30. novembur taptu vestmenningar ikki ein einasta dyst. Røðin av sigrum hetta tíðar­skeiðið taldi níggju sigrar á rað. Neistin fekk hinvegin eina framúr byrjan upp á kappingarárið, og hóast vónirnar til kappingarárið av ser­frøð­ ingum ikki vóru mettar at vera tær bestu, so var Neistin heilt frammi í oddinum fyrsta partin av kappingini. Serliga var tað stríðshugurin, sum leyp varg í hjá fleiri favorittum, men sum kappingarárið er liðið er djúsið farið úr Neistamonnum og teir eru á løtuni triðaftastir í landskappingini. Neistin kann Hóast flestir pílar peika á, at VÍF man vera favorittur at sløkkja Neistan í finaluni, so eru tað tó ikki allir píkar, sum peika í ta ættina. Sein­asta tapið, sum VÍF mátti leggja rygg til í lands­ kappingini, var ímóti júst Neistanum. Tá var sanniliga eisini gongd í mál­ skjót­ingini hjá bláu havna­monn­ unum, sum vunnu dystin heili 35-28. Tey 35 málini eru næstflest, ið nakar hevur skotið í ár. Flest mál í einum dysti í ár eigur tó júst VÍF við 40, so tað kundi bent á – um finalan annars ikki druknar í taktikki og nervum – at talan gerst um eina málríka finalu. Tað, sum umframt taktikk og nervar møguliga verður til hindurs fyri at síggja málfýrverkarí í finaluni, eru málverjarnir báðir, Mikkjal Hansen hjá Neistanum og Tóki Seloy hjá VÍF. Mikkjal Hansen hevur verið fram­úr­skarandi seinastu tíðina, og í hálvfinalunum ímóti H71 var ikki ov nógv tikið til, um ein segði, at hann var orsøkin til finalusessin hjá Neistanum Í VÍF-málinum hevur Tóki Seloy somuleiðis staðið seg væl, nú Niklas Simonsen er skaddur og møguliga heldur ikki verður við í steypa­ finaluni. Vegurin Tað vildi soleiðis til, at steypa­finalist­ arnir báðir komu í bólk saman. Neistin og VÍF vóru nevniliga í bólki 1 saman við KÍF og H71 2. Um VÍF er tað einafalda at siga, at teir fóru ósigraðir ígjøgnum allar fimm dystir­nar mótvegis steypafinaluni. Allir dystir vórðu vunnir burtur­ sæð frá 23-23-javnleikinum í fyrru hálvfinaluni ímóti Kyndli. Í allar­ fyrsta dystinum hittust VÍF og Neistin, og har vann VÍF 24-20 heima í Vest­manna. Meðan lítið hóvasták var hjá VÍF at vinna upp finalusessin, so gjørdist tað meiri buldrasligt hjá neistamonnum. Sum nevnt, so taptu teir fyrsta dystin ímóti VÍF, men teir ressaðust væl við aftur og smurdu KÍF 33-23 í 2. umfari. Eftir tepran sigur ímóti teimum næstbestu hjá H71 vóru teir síðani í hálvfinaluni, har teir bestu hjá H71 bíðaðu. Teir gjørdu eins og VÍF: eftir javnleik í fyrra dystinum, vunnu teir hin seinna og eru í finaluni. Steðga skjótálopum Meðan VÍF, sum lesast kann seinni í hesi grein, hevur fyrireikað seg heilt øðrvísi og hevur nakrar skaðar at dragast við, so er støðan púra øvugt hjá Neistanum. Áki Mørk, venjari, hevur eftir øllum at døma ikki gjørt nógv hóvasták burturúr, tí sambært stríðsmanninum í verjuni, Jón Ludvig, so hava teir vant júst sum teir altíð gera fram ímóti steypafinaluni. Hann avdúkar, at allir mans í hópi teirra eru tøkir til finaluna. Innanhýsis hevur VÍF greiða takið á Neistanum í hesum kappingar­ árinum – 3-1 til VÍF er støðan í dystum – og Jón viðgongur eisini, at teir hava havt stórar trupulleikar við VÍF. Hann sigur tað vera umráðandi, at VÍF ikki fær so nógv skjótálop í finaluni. Skjóta framvið Mikkjal Í VÍF-leguni er hýrurin óivað góður við einum fremsta plássi í Atlantic Airways-deildini og einum sæti í steypafinaluni. Til steypafinaluna eru so gott sum allir mans tøkur – tó so, at Niklas Simonsen og Julian Olsen dragast við skaðatrupulleikar og eru ivasamir til finaluna. Ein av VÍF-leikarunum, Áki Egilsnes, av­ dúkar, at teir hava vant øðrvísi fram til steypafinaluna. – Vit hava vant eitt sindur øðrvísi. Vit hava vant eftir hvussu neista­ menn spæla. Vit hava vant nógv taktiskt, sum enn ikki situr ordiliga hjá okkum, og sum vit mangla at fáa upp á pláss, sigur hann. Tvær ferðir hevur VÍF vunnið stórt á Neistanum í landskappingini í ár, men tað metir Áki ikki vera nakar fyri­munur. – Møguleikin at vinna er har altíð. Vit hava bæði vunnið og tapt stórt ímóti teimum í ár, so líkamikið hvat, so verður tað allarhelst ikki nakar lættur dystur fyri liðini bæði. Eg vænti, at tað liðið, ið rakar dagin, verð­ ur vinn­andi liðið og fær heitið sum steypa­vinnari, metir Áki. Vit bóðu Áka seta orð á, hvat teir serliga mugu ansa eftir hjá Neista­ num. – Uttan iva er tað kontraspæl teirra. Vit hava sæð í undanfarnu dyst­um, at skjótálopini hava verið ein týðandi faktorur fyri málini sum eru komin hjá teimum. Harafturat hava teir ein av Føroya bestu mál­ monn­um,, sum hevur verið ein heilt týðandi partur fyri at Neistin gjørdist ann­að liðið í steypafinaluni. So vit mugu steðga skjótálopum og skjóta framvið málmanninum, sigur Áki Egilsnes at enda. albinus@sosialurin.fo Vegurin til finaluna, VÍF: 1. umfar: VÍF - Neistin 24-20 2. umfar: H71 2 - VÍF 20-29 3. umfar: VÍF - KÍF 23-22 1. hálvfinala: Kyndil - VÍF 23-23 2. hálvfinala: VÍF - Kyndil 32-23 Vegurin til finaluna, Neistin: VÍF - Neistin 24-20 KÍF - Neistin 23-33 Neistin - H71 2 31-28 Neistin - H71 22-22 H71 - Neistin 18-20 VÍF - Neistin innanhýsis: 5. okt. 2014: Neistin - VÍF 16-32 12. nov. 2014: VÍF - Neistin 30-21 11. des. 2014: Neistin - VÍF 35-28 14. jan. 2015: VÍF - Neistin 24-20 Myndir: Álvur Haraldsen