hósdagur 5. februar 2015síða 39

Fríggjadagur 6. februar 2015 sosialurin 15 39 Mótgongdin skal styrkja okkum kvinnur Tvey samdøgur undan steypafinaluni veit Neistin ikki, um tær eru í steypafinaluni. Um tær eru, so vita tær ikki um verjuspælarin, Birita Wardum, hevur leikbann ella ikki. Stutt og greitt, so valdar kaos undan steypafinaluni hjá kvinnum Tróndur Arge V it mugu bara ganga út frá, at vit skulu spæla steypa­finaluna. Vit mugu hyggja burtur frá øllum tí, sum fyrigongur uttanfyri vøllin, og fyri­reika okkum sum um at vit skulu spæla steypafinaluna, sigur Palli Joensen, venjari hjá Neistanum. Eitt mál um ein ov ungan mál­ verja, sum ikki hevur verið á vøll­ inum í steypakappingini, er tikið upp av umsitingini hjá hond­bólts­sam­ band­inum. Spælarin hevur staðið á dómaraseðlinum til báðar hálv­fin­ alur­nar móti VÍF. Um vikuskiftið fekk Birita Wardum beinleiðis reytt kort í granna­uppgerðini móti Kyndli. Eisini tað málið gongur enn, tí óvissa er um leikbannið er galdandi fyri steypa­ finaluna. Hetta er veruleikin í føroyskum hondbólti í 2015. Tvey samdøgur undan steypafinaluni veit Neistin ikki um tær eru við. Tær vit heldur ikki, um Birita hevur leikbann ella ikki. Vit og skil má ráða Palli Joensen er ikki í iva um, at Neistin má og skal spæla steypafinaluna. Hann ynskir at vit og skil skal ráða. – Her má vit og skil ráða. Tað má verða samsvar millum brotið og sektina. Her er talan um ein spælara hjá okkum, ið er ov ung, men sum ikki hevur verið á vøllinum. Hon hevur bara verið við, so hon kann uppliva hvat tað er at vera rundan um besta liðið, sigur Palli, ið ikki frásigur, at Neistin hevur gjørt ein feil. – Vit hava gjørt eitt mistak. Tað viðurkenna vit eisini, men tað má samsvara millum millum brot og sekt. Tú kanst aldrin gera eina reglugerð fyri hvørt einasta brot í øllum aspektum í lívinum. Tí má vit og skil ráða í slíkum førum, sigur Palli argur á málinum. Hann leggur afturat, at um Neistin verður sektað við at tapa dystirnar, so er ítróttarandin burtur. – Eg hevði hvørtfall ikki vilja ríkað meg upp við onkrum, sum eg ikki hava uppiborið. Eg hevði ikki vilja havt eitt finalu pláss upp á hendan mátan, sigur venjarin hjá Neistanum. At enda leggur Palli afturat, at verður Neistin ikki partur av steypa­ finaluni, so verður málið kært víðari. – So vænti eg ikki, at finalan verður spæld, sigur Palli. Allar tøkar Neistin hevur havt nakrar skaðar í seinastuni, men til møguligu steypa­ finaluna leygardagin eru allir spæl­ ar­arnir tøkir. Milica Rankovic sat uttanfyri móti Kyndil, men tað var bara fyri at spara hana. Eir Berg hevur ikki spælt í seinastuni, men eis­ini hon er tøk til finaluna. Einasta veru­ liga ivamálið er Birita Wardum, sum møguliga hevur leikbann. Hesum hevur Neistin fyrireikað seg uppá. – Vit hava í alt ár arbeitt við byggja upp fyri, soleiðis at vit eru til reiðar at spæla uttan ávísar spælarar. Gjøgn­ um eitt heilt kappingarár koma altíð at verða dystir, har tú manglar ávísar spælarar vegna skaðar og leikbann. Tær støðurnar hava vit vant, sigur Palli Joensen og leggur afturat: – Vit skulu trúgva upp á okkara egnu evnir og eginleikar. Tá vit gera tað, so kunnu vit taka tað taktiska við atlit til Kyndil, sigur venjari hjá Neistanum, ið tvey samdøgur undan steypa­finaluni ikki veit, um liðið hjá honum sleppur at spæla. trondur@sosialurin.fo Vegurin til finaluna, VÍF: 1. umfar: Neistin - VB 25-25 2. umfar: StÍF - Neistin 16-23 1. Hálvfinala: Neistin - VÍF 28-27 2. Hálvfinala: VÍF - Neistin 28-28 Vegurin til finaluna, Kyndil: 1. umfar: Kyndil - Stjørnan 36-22 2. umfar: Søljan - Kyndil 0-0 (Kyndil vinnur uttan dyst) 3. umfar: Kyndil -VÍF 18-21 1. Hálvfinala: Kyndil - VB 20-19 2. Hálvfinala: VB - Kyndil 18-19 Neistin - Kyndil innanhýsis: 8. okt. 2014: Kyndil - Neistin 30-26 11. nov. 2014: Neistin - Kyndil 25-25 1. feb. 2015: Kyndil - Neistin 18-22 Kunnu bara hugsa um okkum Tvey samdøgur undan steypa­ finaluni veit Kyndil ikki, um tær skulu spæla móti Neistanum ella VÍF. Og um Birita Wardum verður við, um tað verður Neistin. Tí ber illa til at fyrireika seg til ann­að enn sítt egna spæl Tróndur Arge K yndil er verandi steypa­vinnari. Tær ætla at verja heitið við tí, sum tær hava. Andrias F. Hansen, venjari hjá Kyndli, hevur ikki møguleika at fyri­reika liðið upp á mótstøðu lið­ið. Tí er fokus á egna spælinum. – Vit skulu hava fokus á okkara egna liði og spæli. Tað er ikki so stórur munur á fyrireikingunum til hesa finaluna, í mun til í fjør. Lið­ini í Føroyum spæla so mikið oftani móti hvørjum øðrum, at tað er ringt at taka hvønn annan á bóli, sigur Andrias F. Hansen, venj­ari hjá Kyndli. Kyndil vann í fjør steypa­ kapp­ingina við 19-18 sigri á júst Neistanum. Randi og Jórun spæla Randi S. Wardum fór út við skaða í økslini í seinnu hálvfinaluni móti VB. Hon spældi ikki við móti Neistanum farna vikuskiftið, men Andrias vónar, at hon spælir í final­uni. Jórun Ludvig beklaði somikið illa móti Neistanum, at hon mátti fara út. Eisini her vónar venjarin, at hon verður tøk til steypa­finaluna. Kunnu einki gera við kærurnar Kyndil hevur eisini roynt at verið í brennideplinum í steypa­kapp­ ingini. Rokið um seinnu hálv­ final­una móti VB bleiv blást um alt landið. Sostatt hava tær eisini royndir av slíkum rokið. – Hetta er óheppið, men hesa ferð fáa vit einki gjørt við tað. Hetta er ein kæra um eitt reytt kort, sum gott nokk er móti okk­ um, men vit hava einki við hetta ella hitt málið at gera. Tað havi eg eisini sagt við spælararnar, og tí nyttar einki hjá okkum at hugsa um tað, sigur Andrias F. Hansen, sum heldur at hetta er óheppið. – Tað er altíð óheppið, at stríðs­ mál taka seg upp so stutt undan eini finalu. Hetta er ikki fyrstu ferð og helst ikki seinastu ferð, at tað hendir. Vit mugu bara læra at liva við tí, sigur Andrias F. Hansen, sum er fyrrverandi altjóða dómari. Mótgangur ger ikki mun Venjarin hjá Neistanum vónar, at mótgangurin kann gera liðið sterkari til finlauna. Kyndil hevur eisini verið fyri mótgangi, men Andrias heldur ikki, at mótgangur ger liðini sterkari. – Vit vunnu alt í fjør uttan nakran mótgang. Eg haldi ikki mótgangur ger teg sterkari. Helst skalt tú spæla eins væl í báðum førum, sigur venjari hjá Kyndli, Andrias F. Hansen at enda. Kyndil vann í fjør greipuna. Nú skal fyrsta heitið verjast. Høllin a Hálsi verður karmur um 11 steypafinalur í hondbólti um vikuskiftið. Leygardagin 7. februar: Kvinnur: kl. 13.30 Neistin – Kyndil Menn: kl. 16.00 Neistin – VÍF Dreingir: 18 kl. 18.00 H71 – StÍF Sunnudagin 8. februar: Gentur 10: kl. 12.50 Neistin – VÍF Dreingir: 10: 13.25 H71 – VÍF Gentur: 12: 14.00 EB – H71 Dreingir: 12: 14.55 H71 a – H71 b Gentur: 14: 15.50 H71 – Kyndil Dreingir: 14: 17.05 H71 – Tjaldur Gentur 17: 18.10 Stjørnan – Kyndil Dreingir 16: 19.25 Kyndil – H71 Her er skráin fyri allar 11 steypafinalurnar í hondbólti, sum verða um vikuskiftið skrá Myndir: Álvur Haraldsen