mánadagur 9. februar 2015síða 5

5 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 9. februar 2015 · Nr. 16 at áhugamálini hjá ymisku áhuga­feløgunum eru ymisk, og hetta má takast hædd fyri í kom­andi lógini. - Viðurskiftini eru ymisk fyri tey, ið veiða, tey, ið skjóta við pistól í kappingum og tey, ið skjóta eftir leirdúgvum, sig­ur Michael Dalbø, sum ­held­ur, at tað fer at hepnast illa, at smoyggja eina felags lóg niður yvir allar partar. Ei held­ur heldur hann tað vera rætt, at nærum margfalda eina danska lóg og flyta hana óbroytta inn í føroyska sam­ felag­ið, tí í Danmark eru a­v­ bjóð­ing­ar av vápnum, sum vit als ikki hava í Føroyum. - Tað er ikki rætt at kopiera donsku lógina. Held­ur eiga vit at skeita til granna­londini eisini og sígg­ja, hvussu tey gera tað, tí tey samfeløgini líkjast meiri teimum føroysku, hvat harðskapi viðvíkur. Lat okk­ um hyggja at hetlendsku og íslendsku lógunum, um­ framt donsku og norsku og so kunnu vit gera eina før­ oys­ka lóg, smíðað í Før­oy­um til føroyskan tørv og viður­ skifti, sigur Michael Dalbø. Stuðla størri trygdarkrøvum Michael Dalbø sigur, at Veiðu­felagið hevur sum so ongar trupulleikar við upp­ skoti­num frá løg­tingi­num. - Vit eru tilhangarar av skip­að­um viðurskiftum og hava einki ímóti, at eitt krav um upplæring og vápna­prógv verður partur av lógini. Tíbetur stendst sjálvd­an skaði av nýtslu av váp­n­um í Føroyum, men um satt skal sigast, so er tað ofta lukk­an, ið er betri enn skil­ ið, tá menn fara í hagan við byr­su. Eisini ivast hann ikki í, at vápna­skáp høvdu fyrbyrgt teim­um óhepnu støðum, tá á­virk­að­ir menn fáa hendur á vápn og fara at spæla sær við tey ella at hótta onnur við teimum. - Sum danir siga, sprut og druk hører ikke sammen. Eg væn­ti, at um atkomiligheitin at vápnum var skerd, so sum við vápnaskápum, so høvdu vit eisini verið tílíkar hend­ingar fyriuttan, sigur Michael Dalbø. Hann minnir eisini á, at føroyingar eru frið­ar­fólk og at tilvildarligur harð­skapur kemur sera sjálvd­an fyri, og so slett ikki við vápnum. - Tó so, onkuntíð ger tað tað, men vit kunnu jú ikki lóg­geva móti tí galskapi, ið finst millum oyrini á fólki. At skerja atkomiligheitina til vápn, til dømis við vápna­ skáp­um, er tó heilt víst ein gongd leið, sigur Michael Dal­bø, formaður í Veiðufelag Før­oya. Michael Dalbø óttast tó, at um hesar broytingarnar verða samtyktar, so gongur long tíð, áðrenn lógin verður broytt aftur. - Broytingarnar skulu eft­ ir ætlan ikki koma í gildi fyrr enn um tvey ár. Jamen, so er góð tíð hjá einum arbeiðs­ bólki at arbeiða við einum upp­skoti. Hví hevur tað brád­liga slíkan skund? Vápnalógin Danjal av Rana Fútin hevur í sínum hoyr­ ings­svari givið Løg­mans­ skrivstovuni ein lista yvir vápn, ið hann metir áttu at ver­ið fevnd av dagføringini í vápna­lóggávuni. Í stóran mun er talan um at fáa betri sam­svar millum donsku og før­oysku lóggávuna. Ein av orsøkunum til, at myndug­leikarnir ynskja eina dag­før­ing av vápnalógini er, at talið av vápnum, ið løg­reglan metir vera sera vanda­mikil, er voksið nógv sei­n­as­tu árini. Fútin sigur í sín­um hoyringssvari, at løg­regl­ an hevur fingið áheit­an­ ir frá bæði foreldum og skúla um, at skúlabørn ganga við knívum, tey hava keypt uttanlands. Boðini frá løgregluni vóru, at teir stóðu hjálparsleysir og kundu ikki leggja hald á vápn­ini, tí tey ikki vóru nevnd í lógini og tí ikki eru at meta sum ólóglig, heldur ikki hjá ómyndigum. Ofta er talan um springknívar av ymisk­um slag, serliga so­kall­að­ar butterflyknívar. Felags fyri tílíkar knívar er, at teir kunnu trekkjast við einari hond, so skjótt, at eitt møguligt offur ongan møgu­leika hevur at verja seg. Piparspray er heldur ikki ólógligt at bera á sær í Før­ oy­um, ei heldur táragass av øðr­um slag. Hetta ynskir fútin at broyta, soleiðis at før­oys­ka lógin er í betri samsvar við donsku lógina. Fútin ynskir eisini at ban­na vápnum, ið eru ætlaði at virka lemjandi, doyvandi ella blindandi við úrløðing av streymi. Hann skrivar, at tí­lík vápn eru vandamikil vápn, ið kunnu nýtast til harð­skap og at gera fólk óvirk­in. Ávís av hesum vápn­un­ um skjóta elektrodir fleiri metr­ar frá sær, og síðani kann streymur setast til elektro­dir­nar úr fjarstøðu. Í øðrum lond­um verður sagt, at tílík vápn hava elvt til deyðsfall, ser­liga hjá fólki, ið bera kvi­kil í sær ella hava aðrar hjarta­trupul­leik­ar. Fútin skrivar, at løg­reglan veit um, at tílík vápn eru í Føroyum í dag, men sær onga orsøk til, at tey ikki eisi­ni skulu verða forboðin. Fútin heitir at enda á lands­stýrið um at gera eina neyva gjøgnumgongd av føroysku vápnalógini og dagføra hana, so hon verð­ur lík tí donsku, og í sama við­fangi heitir hann á lands­stýrið um at dagføra løg­tings­lóg­ina um fýrverk. Skúlabørn við lívsfarligum knívum Løgreglan stendur maktarsleys og hyggur at, meðan vandamikil vápn í hópatali verða innflutt til Føroya