mánadagur 9. februar 2015síða 17

17 Mánadagur 9. februar 2015 · Nr. 16 Sosialurin Hugskot og viðmerkingar – send sms til 225000 Vinna kappingina á skriviborðinum Poul Michelsen løgtingsmaður Eg minnist aftur á V4-táttin ‘Førum fram yvir blankt puss­að borð’. Tátturin lýsti eitt tíðarskeið í føroyskari ítrótta­søgu við nógvum órætt­vísi og kærum. Feløg mistu og fingu meistaraskap eftir, hvør sterkastur var við fundarborðið og ikki eftir ítrótta­av­rikunum á vall­un­ um. Kenslan var rotin. Nøkulunda somu kenslu havi eg tíverri av tí, sum hend­ ir í sambandi við fiski­vinnu­ fyri­sitingina og -nýskipanina. Í 2011 skrivaði eg eina grein, ið eg nevndi ‘Makrelveiða – nýggir møguleikar ella bara enn meira klandur?’ Hendan greinin, sum stendur á heimasíðuni hjá Framsókn (http://www.framsokn. fo/?p=275), er tíverri alt ov aktuel enn. Eingin ivi er um, at Jacob Vestergaard og hansara sam­ ráðingartoymi hava gjørt eitt gott arbeiði, tá tað snýr seg um at vinna føroyingum nýggj uppisjóvarrættindi. Framsókn hevur allan vegin – bæði í uttanlandsnevndini og í løgtinginum – stuðlað landsstýrismanninum og teirri tilgongd og leisti, sum hann hevur valt. Men tá tað ræður um at býta hesi nýggju rættindini, hevur landsstýrismaðurin eftir mínum tykki ikki dugað væl. Býtið er órættvíst, bú­ skaparliga óforsvarligt og óskiljandi, og tað má av somu orsøkum elva til klandur og stríð. Í eini grein rósar Hanus Sam­ró Árna Dam fyri hans­ ara leiklut í tilgongdini. Tað er rætt, at Árni Dam var holl­ur – og ikki sørt avger­ andi – í síni ráðgeving, men eg haldi, at Hanus skal fara at kanna eftir, hvussu Ja­cob Vestergaard kvitteraði hon­ um afturfyri hjálpina. Hinvegin so kunnu vit staðfesta, at limirnir í felag­ num Nótaskipum hava fing­ ið sømdir út um alt mark, hóast teir bæði við alment skip­aðum mótmælum og pri­ vatum lobbyvirksemi royndu at forða fyri, at føroyingar skuldu krevja sín rætt. Her kemur tann rotna kenslan aftur. Uppisjóvarflotin hevur í hesi truplu tilgongd fingið sín ríkiliga part. Samanumtikið kunnu vit frøast um, at tað er eydnast okkum at fáa alt tilfeingið til høldar, og at næstan alt virksemið fer fram í Føroyum. Tað er tó ongin ivi um, at skipini í fe­ lag­num Nótaskipum hava fingið órímiliga stóran part av býtinum, og at tey væl kundu klárað seg við nógv minni, meðan onnur føroysk skip kundu sloppið framat. Eg haldi tað vera ótrú­ liga niðurgerandi fyri før­ oyska fiskivinnu, tá Hanus Samró sigur, at varð býtið ikki gjørt eftir leistin­um hjá Vestergaard og Fólka­flokk­ inum, var hungur og hall í Før­oyum. Eingi nýggj skip vóru komin, sigur hann. Eingin hevði bygt nýggj virki. Allur uppisjóvarfiskur hevði verðið seldur av land­ inum og virkaður uttanlands. Kinesarar og aðrir út­lend­ ingar høvdu átt øll rættindi. Eingin fígging hevði verið til taks og so framvegis. Hanus Samró leggur enn­ tá afturat, at ein kapping um tilfeingið hevði dripið alt og øll – fyri ikki at tosa um, hvat ein uppboðssøla hevði elvt til. Ein góður gamal komm­ un­istur hevði valla sagt hetta betur. Jú, víst hevði føroysk fiski­vinna klárað alt hetta væl, hóast júst hasi úrvaldu skip­ini ikki fingu alt til­ feingið. Somikið av trúgv havi eg upp á føroyskan mátt og megi. Eg veit, at vit høvdu haft eina munandi meira fjøl­ táttaða og lønandi vinnu, um tilfeingið var lutað øðrum eisini. Bara ein kapping kann prógva, um tey, sum í dag eiga alt, duga so væl, sum Hanus Samró heldur. Um hesi ræðast kappingina, so er okkurt galið. Tað er sjálvsagt lagaligari at fáa tillutaðan sín ríkiliga part frá tí almenna, men um tað er gagnligt fyri samfelagið, ivist eg í. Hvør kann frøast um at vinna ein dyst, um bert annað liðið sleppur á vøllin? Málini skrambla inn, tí tað er einki mark fyri hesum, tá hitt liðið situr á áskoðaraplássunum hond uppundir kinn. Kenslan er rotin. Lat okkum fáa eina nýggja fiskivinnulóggávu, sum er grundað á frælslynt virði við marknaðarkreftunum sum alin at máta dugnaskap og áræði við. Vilja tey, sum í dag eiga øll rættindini, og sum í dystinum longu hava skorað nøkur mál niðurfyri, ikki spæla við, so hava vit mestur onnur, sum fegin vilja bjóða av. Vit á Smyril Line leita eftir einum grafik ara at arbeiða fulla tíð hjá Smyril Line. Ert tú kreativ/ur, sosial/ur, sjálvstøðug/ur og fakliga væl fyri, og kundi tú hugsað tær, saman við øðrum, at staðið á odda fyri at menna Smyril Line-brandið og ymisku konseptini hjá Smyril Line? So er hettar starvið, ið tú skalt søkja. Um starvið: Talan er um eitt spennandi starv, har tú kemur at arbeiða við fleiri marknaðum og konsept-útvikling til bæði Norrönu, farmasøluna og ferðafólkasøluna, har høvðus marknaðirnir eru týski, danski, føroyski og íslendski marknaðurin. Um framt hesar marknaðir, so er Smyril Line virk ið á fleiri øðrum marknaðum – og til farið, ið skal framleiðast, er ógvuliga ymiskt. Eitt nú kann nevnast, at vit hava 9 heimasíður, framleiða katalog á 8 mál um, javnan dagføra look og koncept um borð á Norrönu til bæði matstovur og café'ir. Eisini hava vit ein stóran tax-free handil, sum skal dagførast við ymiskum til fari. Tú kanst vænta, at arbeiðsmongdin er stór til tíðir og sostatt kunnu arbeiðsdagarnir í ávísum tíðarskeiðum gerast langir. Hevur tú spurningar, ring ella skriva til Henny á Líknargøtu, sølu- og marknaðar stjóra á 235900 ella henny@smyrilline.fo. Seinasta freist at søkja er 15. februar. Umsókn, við- mæli og prógv skulu sendast til henny@smyrilline.fo. Smyril Line · Yviri við Strond 1 · P.O.Box 370 · 110 Tórshavn · Faroe Islands · Tlf 34 59 00 · Fax 34 59 01 · office@smyrilline.fo · www.smyrilline.fo SMYRIL LINE SØKIR EFTIR GRAFISKUM SNIÐGEVA Ert tú útlærd/ur grafikari? So er tað møguliga tær, vit leita eftir. Um Smyril Line Í dag er Pf. Smyril Line eitt reið ara- virki, ið hevur gott orð á sær. Smyril Line rekur farðleiðuna ímillum Dan- mark, Føroyar og Ísland við bæði ferða fólki og farmi. Felagið hevur bygt upp eitt gott umdømi á bæði tá ið tað snýr seg um ferðafólka flut ning og farm. Danish Travel Award útnevndi í 2012 Smyril Line at vera millum trý tey fremstu ferðafólkareiðara­ virk ini. Í 2014, varð Norröna eis ini kosin at vera ársins skip. Í alt starvast umleið 250 fólk hjá Smyril Line. kjak