fríggjadagur 2. juli 2004síða 10

18 Nr. 124 - 2. juli 2004 Nr. 124 - 2. juli 2004 19 – Vit hava fleiri ferðir gjørt vart við, at vit fegnir vilja selja øl í Føroyahúsinum í Keypmannahavn, men við tað at alment lønti leiðarin har, Martin Fjallstein, er privatur umboðs- maður hjá Føroya Bjóri í Danmark, sleppa vit ikki inn, sigur annar eigarin á Restorff´s Bryggjaríi, Johan Mortensen ØLSØLA Heini í Skorini heini@sosialurin.fo Annar eigarin á Restorff´s Bryggjaríi, Johan Morten- sen, er ikki fegin um við- ferðina, fyritøka hansara hevur fingið frá leiðaranum í alment rikna Føroyahúsin- um í Keypmannahavn, sum er ein miðdepil fyri før- oyskar útisetar í Danmark. Inhabilitetur Martin Fjallstein er alment løntur leiðari í Føroyahús- in-um, og sambært Johan Mortensen er hann eisini privatur umboðsmaður hjá Føroya Bjóri. Tað vil sam- bært honum siga, at hann hevur fingið loyvi at vera innflytari hjá Føroya Bjóri, og at hann selur teirra øl fyri egna rokning og egnan vinning í Danmark. Johan Mortensen sigur, at teir meiri enn einaferð hava gjørt vart við og spurt seg fyri, hví Restorff´s øl ikki verður selt í Føroya- húsinum í Keypmanna- havn, men bert øl frá Før- oya Bjóri. – Higartil hevur Martin Fjallstein sagt, at teir hava gjørt eina roynd at selja okkara øl, men at tað ikki hevur eydnast serliga væl, tí áhugin hevur verið so lítil millum gestirnar. Men hetta er ikki satt. Veruliga orsøkin er, at Johan Fjallstein er privatur umboðsmaður hjá Føroya Bjóri í Danmark, sigur ein heldur bersøgin Johan Mortensen. Hann heldur, at Martin Fjallstein verjir og hevur givið Føroya Bjóri eksklus- ivitet í almenna Føroyahús- inum, og at talan er um órættvíst business. Hetta heldur Johan ikki vera rætt. – Føroyahúsið er alment rikið og er á fíggjarlógini. Sjálvandi eru nakrar av inntøkukeldunum tiltøk í húsinum, men tá ein meiri ella minni alment løntur stjóri nýtir sessin til privat áhugamál, er okkurt heilt galið, sigur Johan Morten- sen. Leiðslan í Restorff´s Bryggjaríi er sera hørm um viðferðina, teir higartil hava fingið í Føroyahúsin- um, og Johan heldur, at tal- an er um órættvísi, tá annað bryggjaríið hevur fingið durafjórðingin í Føroyahús- inum. Áhugi fyri Restorff Johan Mortensen sigur, at Martin Fjallstein hevur grundgivið hesum við, at áhugin hevur verið so lítil, tá Restorff´s øl hevur verið selt í Føroyahúsinum, og tað er orsøkin til, at bert Føroya Bjór í dag verður selt. – Men hetta er ikki rætt. Vit sendu einaferð nakrar kassar niður í sambandi við onkra test, men ein verulig roynd er ongantíð gjørd at selja okkara øl. Høvdu vit fingið høvið at selja í Føroyahúsinum, hevði søl- an heilt víst verið góð, ivast Johan Mortensen ikki í. – Fleiri hava spurt okk- um, hví okkara øl ikki verður selt í húsinum fyri útisetar, og áhugin er avgjørt til staðar, slær Johan fast. Hann sigur, at serliga millum útisetar er Vargurin og Mungát væl umtókt. Bryggjan selur bæði Johan Mortensen vísir á, at tá Bryggjan í Keypmanna- havn fyri stuttum læt upp, býtti leiðarin Trygvi Johan- sen søluna so kristiliga millum bæði bryggjaríini í Føroyum. – Hetta er korrekti hátt- urin at reka alment virk- semi til frama fyri heildina. Tí eru vit sera harmir um, at privat og peningalig áhugamál hjá einum persóni skulu forða okkum at selja útisetum okkara í Danmark øl, sigur Johan Mortensen. Spurdur, um fíggjarligi missurin er stórur orsakað av ongari sølu í Føroyahúsinum, er Johan greiður. – Eingin søla er ov lítil, og vit eru glaðir fyri alt, vit fáa høvi at selja. Men tað er eins nógv ein prestiga at sleppa at selja í miðdeplin- um fyri øllum útisetavirk- semi í Danmark. Johan Mortensen kallar hetta einki minni enn alment svans, og vil hann undir- strika tað óreglusemi, sum fer fram á føroyska øl- marknaðinum. Opið ølstríð – Vit satsa uppá tað, sum kann seljast, og higartil hevur Føroya Bjór verið best um- tókta ølið í Føroya- húsinum, meðan vit ikki eru slopnir av við Restorff´s øl, tá høvið hevur verið. Hetta er einfalda orsøkin til, at vit ikki selja Res- torff´s øl, sigur leið- arin í Føroyahúsin- um, Martin Fjallsbak ØLSØLA Heini í Skorini heini@sosialurin.fo Tá Martin Fjallstein tók við leiðarasessinum í Føroya- húsinum í Keypmanna- havn, hevði Føroyahúsið leingi keypt Føroya Bjór frá eini kvinnu á Vesterbro, sum innflutti nógv útl- endskt øl, m.a. úr Klaksvík. Tá kvinnan doyði, fór Martin sjálvur at innflyta Føroya Bjór í kassum, eins og hann innflutti føroyskar frystimatvørur frá Poul Hansen heilsølu til Føroya- húsið at selja. Restorff stóð eftir Í 2002 skipaði Martin Fjall- stein fyri ølsmakking í Føroyahúsinum, har bæði Føroya Bjór og Restorff´s Bryggjarí vóru umboðað. Hetta var ein roynd at vita, hvat øl var betri umtókt, og úrslitið var sambært Martin greitt. – Eftir tiltakið høvdu vit fleiri kassar av bæði Føroya Bjór og Restorff, og tað vísti seg, at vit sluppu ikki av við ølið hjá Restorff. Eingin áhugi varð fyri hesum millum gestirnar. Einfalda orsøkin til, at vit ikki selja Restorff, er so- statt hon, at vøran ikki verður seld, sigur Martin Fjallstein. Fær ongan vinning Leiðarin í Føroyahúsinum ásannar, at hann í 2000 byrjaði at umboða Føroya Bjór á ølfestivalum í Dan- mark, eins og hann byrjaði at selja Føroya Bjór til aðr- ar keyparar í Danmark. Men hann leggur dent á, at hann ongan vinning fær fyri søluna av Føroya Bjóri. – Mín uppgáva er at fáa tað fíggjarliga at mala runt í Føroyahúsinum, og tí selji eg ta vøruna, sum kastar mest av sær. Eg fái eina fasta almenna løn sum leið- ari, og sølan av Føroya Bjór ávirkar tí ikki meg persón- liga, greiðir Martin Fjall- stein frá. Hann sigur, at yvirskotið fer til raksturin av húsinum. Føroyahúsið fær eina játtan á 1,5 milliónir á fíggjarlógini, meðan inn- tøkan gjøgum sølu av mat- og drykkuvørum, tiltøkum og útleigan av húsinum er á umleið 1,2 milliónir. Restorff kærir Eftir at Martin Fjallstein fór at umboða Føroya Bjór á ølfestivali í Danmark í 2000, sendi Restorff´s Bryggjarí eina kæru til mentamálaráðið, men henda kæran er sambært Martini Fjallstein ignorer- að. Sjálvur svaraði leiðarin á Føroyahúsinum kæruni við at vísa á, at hann ikki slapp av við ølið hjá Rest- orff, tá høvið var til hetta. Samstundis metir hann tað ikki vera hansara uppgáva at marknaðarføra øl, sum tykist vera striltið at sleppa av við. – Nevndin fyri Føroya- húsið veit eisini, at eg eri umboðsmaður hjá Føroya Bjóri á festivalunum, men hetta ávirkar einki, tí eg fái ongan vinning av søluni, sigur Martin. Hann sigur tað vera betri og praktiskari á allan hátt at hava ein leverandør til mat (Poul Hansen) og ein leverandør til øl (Føroya Bjór). – Eg mælti eftir kæruna Restorff´s Bryggjaríi til at vísa andlit og luttaka á ølfestivalunum í Danmark, sum gevur sera góða rekl- amu, men higartil hava teir ikki víst hesum áhuga. Tað hevði annars verið ein góð- ur møguleiki hjá teimum at vísa dygdina á teirra øli, sigur Martin Fjallstein, sum skemtandi leggur afturat, at Mungát er ein dygdargóð øl. Sama støðan á Jacques Martin Fjallstein sigur, at tað er hansara einfalda upp- gávu at fáa økonomiskan umsetning, og hann heldur, at tað má vera ein orsøk til, at vælumtókti náttklubbin millum føroyingar, Jacques, heldur ikki selur Restorff, og at nýggja vertshúsið eftir fyrrverandi Skarv eisini hevur ein ein- stakan leverandør, nevni- liga Føroya Bjór. – Føroya Bjór er væl- umtókt í stórum pørtum av Danmark, og úrslitini á øl- festivalunum hava givið Føroya Bjór gott umdømi. Higartil hevur Føroya Bjór eisini staðið fyri bestu søl- uni hjá okkum, og tí selja vit teirra øl. Spurdur, um hann sum almennur leiðari á sjálvs- ognarstovninum Føroya- húsið hevur givið Restorff ein fair møguleika, er Ma- tin Fjallstein greiður. – Mín uppgáva er at reka Føroyahúsið á bestan hátt, og mín uppgáva er ikki at marknaðarføra Restorff. Teir mugu sjálvir sannføra keyparar um, at teirra øl selur, sigur Martin Fjall- stein at enda. - Føroyahúsið er alment rikið og er á fíggjarlógini. Sjálvandi eru nakrar av inntøkukeldunum tiltøk í húsinum, men tá ein meiri ella minni alment løntur stjóri nýtir sessin til privat áhugamál, er okkurt heilt galið, sigur Johan Mortensen – Mín uppgáva er at reka Føroyahúsið á bestan hátt, og mín uppgáva er ikki at marknaðarføra Restorff. Teir mugu sjálvir sannføra keyparar um, at teirra øl selur, sigur Martin Fjallstein, leiðari í Føroyahúsinum í Keypmannahavn C M Y K 19 18