hósdagur 12. februar 2015síða 14

Fríggjadagur 13. februar 2015 sosialurin 18 14 tema Okkara upplýsingar Eftirlit er betri enn álit Barbara Holm T ær persónsupplýsingar, sum fyritøkur sum Føroya Tele og Vodafone, bank­ar­ nir, Apoteksverkið, Heilsu­ verkið og onnur umsita, eru tengdar at einari lóg, sum áleggur leiðslunum at hava eftirlit við, hvussu hesar upp­ lýsingar skulu verjast. Sum útgangsstøði eru tríggir trygdar­tættir, sum atlit skulu takast til:  elektronisk trygd  fysisk trygd  fyriskipanarlig trygd Tann elektroniska trygdin merkir millum annað, at fyritøkur skulu bera so í bandi, at atgongdin til upplýsingarkervið er vard soleiðis, at brúkarar skulu hava passorð, sum skulu verða skift við jøvnum millum­ bili, at skipanin er tryggjað við fire­ walls og líknandi. Í tí fysisku trygdini liggur, at fyri­tøkur eitt nú skulu ansa eftir, at teldur­nar ikki standa soleiðis fyri, at til­ ber hjá óviðkomandi at síggja skermin, at brúkarar altíð logga av, tá farið verður frá telduni og so fram­ vegis. Og tá ið umræður ta fyri­ skipanar­ligu trygdina er kravið eitt nú, at bert tey, sum hava tørv á upplýsingum fyri at útinna sítt starv, hava at­gongd til persónsupplýsingarnar og ikki onnur, soleiðis at atgongdin til upp­lýsingarnar verður avmarkað. Stjórin á Dátueftirlitinum vísir á, at tað er álagt fyritøkum at hava innan­hýsis eftirlit við, hvussu per­sóns­upplýsingar vera viðgjørdar, og gera tær ikki tað, so er ivasamt um trygdin er nøktandi. – Eg vil ikki viðmerkja tey ítøki­ ligu málini, men er onki eftirlit við upplýsingarkervinum, so eru krøv­ ini í persónsupplýsingarlógini og trygdar­kunngerðini ikki lokin, sigur Eyðhild Skaalum. Hon vísir á, at um starvs­fólk sneyta eftir persónligum upp­lýs­ ingum, sum eru at finna í einari fyri­tøku, so er tað brot á § 8, 1. stk. í per­sóns­upp­lýsingarlógini, tí persóns­ upplýsingar skulu bert nýtast til tað endamál, sum er nevnt í lógini. Sam­bært trygdarkunngerðini skulu starvsfólk hjá dátuábyrgdara bert nýta upplýsingarkervið til tess at út­inna álagdar arbeiðsuppgávur. Leiðslurnar hava eftirlitsskyldu Hóast Dátueftirlitið er ein stovnur, sum skal hava eftirlit við viðgerðini av persónsupplýsingum, so liggur ábyrgdin fyri viðgerðini av hesum upp­lýsingum eisini í teimum ítøkiligu før­unum hjá dátuábyrgdarunum, til dømis leiðslunum í fyritøkunum, sum viðgera persónsupplysingar. Leiðslan skal syrgja fyri, at starvs­ fólk verða kunnað um, at upp­lýs­ ingarkervið bert skal nýtast til tess at útinna álagdar arbeiðsuppgávur, og at starvsfólk skulu hava neyð­uga før­leikan til tess at nýta upp­lýs­ing­ arkervið í sam­svari við ásett­ar manna­ gongd­ir. Umframt skal leiðslan syrgja fyri, at mannagongdir og vegleið­ingar í sambandi við nýtslu av upp­lýs­ingar­ kervinum skulu skjalfestast. Eisini skal leiðslan syrgja fyri, at trygdartiltøk, sum skulu forða fyri ikki loyvdari nýtslu av upp­lýs­ingar­ kerv­inum og sum gera tað gjørligt at av­dúka slíkar royndir, verða sett í verk. Hetta er alt ásett í trygdar­kunn­ gerðini. Hon heldur, at tað er umráðandi at viðgera spurningin um trygd á inter­netinum og um tryggleika, tá um persónsupplýsingar ræður, tí tað er eitt evni, sum vit higartil ikki hava viðgjørt so nógv í Føroyum, og nógv nýtt hendir á økinum. – Vit royna at varpa ljós á týdningin av at verja persónupplýsingar og trygd á netinum, tí tað er umráðandi at vera vitandi um, hvørjir vandar eru, og hvussu nýtsla av interneti skal hand­farast. Hinvegin, hevur Dátu­eftir­litið eisini sera nógva málsviðgerð, so vit mugu raðfesta, sigur Eyðhild Skaalum, stjóri á Dátu­ eftir­litinum. Er einki eftirlit við upp­lýsingar­ kervinum, so eru krøvini í persóns­ upp­lýsingar­ lógini og trygdar­ kunn­gerðini ikki lokin« Eyðhild Skaalum – Sum útgangspunkt mugu vit siga, at álit er umráðandi, tá vit tosa um handfaring av persónsupplýsingum, men kunning og eftirlit krevst sanniliga eisini, sigur Eyðhild Skaalum, stjóri í Dátueftirlitinum Tvey starvsfólk hjá Føroya Tele hava møguleikan at síggja júst hvar tú hevur ferðast á netinum