hósdagur 12. februar 2015síða 39

Fríggjadagur 13. februar 2015 sosialurin 18 39 Alt sum tað plagar Hilmar Jan Hansen T riðja árið á rað møtast ÍF og SÍ í steypafinaluni leygar­dagin, so róliga kann sigast, at alt er, sum tað plagar at vera, tá talan er um mans­flog­bóltin. Hetta eru ikki bara tey bæði liðini, ið mest hevur verið at sæð til í steypa­finalunum, tí seinnu árini hava tey eisini vunnið alt, sum er at vinna. ÍF hevur tilsamans vunnið níggju meistaraheiti og sjey steypakappingar og SÍ fýra meistaraheiti og fimm steypakappingar, so onkursvegna er steypafinalan hesaferð finalan millum tvey lið, ið mynda mans­flog­ bóltin fram um nakran annan. – Eg haldi, at hetta er tíggjunda steypafinalan, sum eg spæli, men fyri tað verður hendan einki øðrvísi enn hinar, tí hvørja einastu ferð snýr tað seg bara um eitt, og tað er at vinna. SÍ er helst torførasta liðið, vit kunnu spæla steypafinaluna ímóti, tí í vetur hava vit tapt tríggjar ferðir fyri SÍ og bara vunnið einaferð, sigur Bartal Eliasen, ið meira enn nakar annar man vera ímyndin av flogbóltinum í Fuglafirði, umframt at hann við ár­unum hevur spælt 51 dystir á føroyska manslandsliðnum. – Fyri okkara viðkomandi ræður um at hava góðar servur og móttøkur. Vit hava eitt gott lið við royndum spælarum, ungum spælarum við royndum og so nøkrum aftrat, og í aldri eru níggju av okkara spælarum 22 ár ella yngri – og allir eru klárir til finaluna. Vit plaga at leggja taktikkin eftir okkara spæli, og er neyðugt at laga seg eftir mótstøðuni, plagar venjarin hjá okkum, Boban Ilic, at vita, hvat skal gerast. Ikki allir tøkir Í Sørvági eru síðstu fyrireikingarnar til steypafinaluna eisini um at vera komnar undir land, men har er støðan ikki tann sama sum hjá ÍF, tá vit tosa um klárar spælarar, tí SÍ hevur ikki ta breiddina tøka, sum liðið onkuntíð hevur havt. – Nakrir skaðar eru, umframt at onkur er farin til skips, og eitt nú var Johan Petur á Stongum so óheppin at bekla longu í fyrsta bólti í Fleyr-dystinum, so hann er helst iva­samur. Eg skal ikki siga, at vit hava eitt krúkkulið, tí talan er um fínar spælarar, hóast vit ikki kunnu mynstra til hesa finaluna við fullari mann­ing. Liðið hjá okkum er kanska heldur eldri hesaferð, enn tað hevur verið tað okkurt av hinum árunum, men eg haldi, at vit hava eina fína blanding. Vit blíva við at seta spæl­ arar við, og serliga hjá teimum ungu hevur flogbólturin í Sørvági tað gott, sigur Ólavur Jensen, sum leygardagin spælir sína sjeyndu steypafinalu síðani 2005. – Skulu vit gera nakað við ÍF aftur hesaferð, ræður um at fáa blokkin at koyra, og so ræður um at allir spæla upp til sítt besta, tí fuglfirðingar eru góðir. Vit leggja dent á at spæla okkara egna spæl, og so er umráðani, at allir tora at spæla dystin, tí tað krevst, skulu vit hava eitt gott úrslit. Hvussu er og ikki, so eru bæði spælarar og fjepparar vanir við tað, sum skal henda, tí hetta er sjeynda ferðin, at ÍF og SÍ møtast í steypa­ finaluni hjá monnum síðani fyrstu ferðina í 2002. Fimm av ferðunum hevur ÍF vunnið og tvær ferðir SÍ, men sum bæði Bartal og Ólavur siga, so kann alt henda í eini finalu. hilmarjan@sosialurin.fo Nr. Navn Hædd Aldur Leikpláss Landsdystir 0 Margeir Toftegaard 179 20 Libero 0 Føroyar 1 Trygvi Hansen 196 20 Miðja 15 Føroyar 2 Ingálvur Eyðunsson Olsen 188 16 Kantur 0 Føroyar 3 Bárður Petersen 178 16 Kantur 0 Føroyar 4 Martin Nón 178 17 Hevari 0 Føroyar 5 Boban Ilic 192 40 Kantur 25 Bosnia & Herz 6 Bartal Eliasen 189 38 Hevari 51 Føroyar 8 Hjortur Eliasen 190 17 Kantur 0 Føroyar 9 Georg Jacobsen 180 18 Kantur 0 Føroyar 11 Bárður Jacobsen 189 22 Diagonalur 9 Føroyar 13 Jogvan Eli Fagraklett 185 19 Miðja 0 Føroyar 14 Brian Poulsen 194 41 Miðja 14 Føroyar 15 Tróndur Høgnason Hansen 186 17 Diagonalur 0 Føroyar MENN Liðformaður: Bartal Eliasen Venjari: Boban Ilić Hjálparvenjari: Hans Toftegaard Fysioterapeut: Álvur Hansen Liðleiðari: Jan Áki Olsen Høvuðsstuðul: Havsbrún, Norðoya Sparikassi, Framherji North Pelagic MENN Liðformaður: Ólavur Jensen Venjari: Kristian Mikkelsen Hjálparvenjari: Kaj á Stongum 2. Hjálparvenjari: Jørgen Niclasen Høvuðsstuðul: Intersport Thomas Dam Ítróttur SÍ SØRVÁGUR Nr. Navn Hædd Aldur Leikpláss Landsdystir 1 Oskar í Haraldstovu 187 15 Diagonalur 3 Føroyar 2 Jacob Melchior Hansen 173 22 Miðja/Libero 0 Føroyar 3 Ólavur Jensen 173 30 Hevari 26 Føroyar 4 Teitur Anderson 173 17 Libero 0 Føroyar 5 Jóhan Petur á Stongum 174 29 Kant/Libero 70 Føroyar 6 Kári Mikkelsen 180 29 Kant/Libero 0 Føroyar 7 Jón Falkvard 187 34 Miðja 12 Føroyar 8 Kasper Lorenzen 195 19 Miðja 0 Føroyar 9 Jón Joensen 184 30 Kantur/Diagonalur 40 Føroyar 10 Rajko Petrovic 201 42 Miðja/Diagonalur 0 Serbia 11 John Olivar Edvardsson 192 19 Kantur/Diagonalur 0 Føroyar 12 Rúni Christiansen 185 18 Miðja 0 Føroyar 13 Jón Nielsen 193 34 Kantur/Diagonalur 0 Føroyar 14 Sonni Zachariasen 169 24 Hevari 0 Føroyar ÍF FUGLAFJØRÐUR Mansfinalan Síðstu sjey árini hava ÍF og SÍ verið dominerandi feløgini í føroyskum mans­ flogbólti, og er hetta somuleiðis sjeynda árið á rað, at ÍF og SÍ spæla steypafinalu hjá monnum