mánadagur 16. februar 2015síða 10

Mánadagur 16. februar 2015 · Nr. 19 10 Sosialurin Hugskot og viðmerkingar – send sms til 225000 “Har ljós brenna fá undir lágari lon sæst gjølla tá eitt av teim slóknar.” Hesi orðini hjá J. H. O. Djurhuus runnu mær straks í hug, tá ið eg fekk ringu boðini um, at Kári á Rógvi var  farin um sýn bert 41 ára gamal. Deyður av herviligari sjúku. Tað er altíð ein sorgarleikur, tá ið ung kona missir mannin og børnini pápan. Tað er næstan einki verri. Tað er eisini ein sorgarleikur fyri Fróðskaparsetur Før­oya at hava mist ein av sínum frems­ tu slóðarum, tá tað um gransking og undirvísing  í lóg ræður. Kári var aka­ demik­ari og universitetsmaður um ein háls, tað var í akademia, hann hoyrdi heima, og tað var har, brúk var fyri hon­ um. Kári var sera arbeiðssamur, væl be­ gávað­ur, hugsaði sjálvstøðugt sum fá­ur og stakk upp úr fjøldini. Vit komu í síni tíð at starvast neyvt saman í Grund­lógar­ nevnd­ini. Kári var tað løgfrøðiliga álitið og ar­beiddi fyri fleiri. Nevndin kom á mál, og politiska skipanin fekk eitt álit at taka støðu til og viðgera. Tað vísti seg skjótt, at Kári eisini hevði tev fyri vísindaligum løgfrøðiligum ar­ beiði og var ein góður analytikari, sum ikki var tamdur av løgfrøðiligari vanahugsan. Tað var tí gleðiligt, at hann fór undir granskara­útbúgving og eftir rættiliga stutt­ari tíð vann sær doktaranavnabót við Háskóla Íslands og helt á at granska. Um­framt at vera í starvi á Setrinum var hann eisini gestalærari á Háskúlanum í Akur­eyri. Fyri ikki so langari tíð síðani gjørd­ist Kári professari í løgfrøði við Fróð­skapar­ setrið. Frammanundan hevði hann starvast sum lektari og lagt lunnar undir grund­skeið í lóg. Eitt skeið, sum hevur ver­ið mongum til stóra nyttu. Farið varð eisi­ni undir masterskeið í lóg, og framtíðin hjá løgfrøði á Setrinum tyktist bjørt, men skjótt er Harranum um. Missurin hjá Setrinum er tí ómetaliga stór­ur.  Tað er ein tragedia, at hann ikki er long­ur, tí Kári var tað dragandi loko­motiv­ ið. Tað kom sum eitt sjokk, tá vit frættu, at hann hevði fingið álvarsliga sjúku at drag­ast við. Tað tykist í skrivandi løtu so óveruligt, so hugtungt og so syrgiligt, at hann ikki er meira. Vit, starvsfelagar hansara og studentarnir, fara ikki longur at merkja hansara spei og humor og hans­ ara gløgga vit. Kári á Rógvi var meira enn tey flestu. Hann var sín egni. Er tað sárt hjá Setrinum at hava mist ein slóðara sum Kára á Rógvi, so kann tað ikki berast saman við tann persónliga miss­in hjá konu og børnum, foreldrum og systkj­um og familju Kára. Okkara tankar eru hjá teimum. Við hesum fáu orðum vilja vit á Setrinum sýna okkara samkenslu og minnast Kára á Rógvi. Jóan Pauli Joensen Leygardagin 14. februar komu sorgar­ boðini um, at Kári á Rógvi, professari á Fróð­skaparsetri Føroya, ikki longur var okk­ara millum. Bert 41 ára gamal mátti hann lúta fyri ringari sjúku. Hóast Kári nú fór alt ov ungur, hevur hann í sínum stutta lívi lagt eftir seg fleiri spor og bygt fleiri varðar, enn tey flestu gera eitt langt lív. Kári var undangongumaður innan sítt øki. Sum doktari í lóg legði hann á Fróð­ skap­ar­setri Føroya lunnar undir løg­frøði­ ligan lesnað, og mong eru tey, sum hava havt gleði av hesum. Hann legði dent á, at fakini innan løgfrøðina eisini vórðu bjóðað út alment, og nógv eru tey, sum hava eftirútbúgvið seg við at taka stak­ skeið innan ymisk øki. Fyri Føroya Arbeiðsgevarafelag er tað ser­liga arbeiðið hjá Kára innan føroyskan arbeiðs­rætt, sum hevur havt týdning. Kári legði stóra orku í at fáa útgreinað og niður­fest føroyska arbeiðsrættin við sín­um eyð­kennum og siðvenjum. Onki er at ivast í, at øll tey mongu, hann hevur undir­víst innan hetta fak, eru komin at skilja føroyska arbeiðsrættin og føroyska arbeiðsmarknaðin munandi betur. Sum formaður í nevndini sum fyri­reik­ aði Fasta Gerðarrætt legði Kári eitt ógvu­ liga stórt arbeiði í at fáa semju um Fasta Gerðarrættin, sum tað eydnaðist at seta á stovn í 2006. Eisini aftaná at Gerðar­ rætt­ur­in varð stovnaður, gjørdi Kári sum nevnd­arformaður ­nógv fyri at fáa hann at virka, og hann legði dent á týdningin av at økja kunnleikan til Gerðarrættin. Kári var arbeiðssamur og gløggur mað­ ur. Honum dámdi væl eina góða søgu og var ikki seinur við tí speiska men góðlynta orði­num. Hetta gjørdi tað lætt og mangan skemt­ ingar­samt at vera saman við honum. Men hetta ger eisini meiningsloysið og tóm­ rúm­i­ð so ógvuliga stórt. Vísindamaðurin, samstarvsfelagin og menniskja Kári á Rógvi verður nógv sakn­að­ur. Í djúpastu samkenslu við tykkum, ið eftir sita, lýsa vit við hesum frið yvir minn­ið um Kára á Rógvi. Føroya Arbeiðsgevarafelag Kári á Rógvi in memoriam Kári á Rógvi, professari, farin Mangan sanna vit gamla orða­tak­ ið: “Skjótt er Harranum um”. Tað var við sorg, at vit frættu tíðindi um, at Kári á Rógvi, bert 41 ára gamal, eftir stutta sjúkralegu - ikki longur var okkara millum. Hann var føddur 4. mai 1973. Eg lærdi Kára á Rógvi at ken­na, tá hann kom í starv sum skriv­ari í Sjálvstýrisflokkinum og eing­in ivi var um, at politisku eyð­kenn­ ir hansara vóru serstøk. Við sínari útbúgving sum løg­frøð­ing­ur og serligu vitan um sam­felags­við­ urskiftini, var hann ein holl­ur stuðul í løgtingsarbeiði Sjálv­ stýris­floksins, og nógv lógar­upp­ skot komu frá hansara hond. Hann var góður ver­skaps­ maður og virdi mál og mentan. Náttúran, jørð og seyða­hald hevði hansara stóra áhuga og eitt av hansara mongu álitis­størv­um, var sum formaður í Óðals­felag­num. Kári á Rógvi stillaði upp fyri Sjálvstýrisflokkin á løg­tings­ valinum 2008 og hann bleiv vald­ ur tingmaður, við sera góðum val­úrs­litið. Hann varð formaður Sjálv­stýrisfloksins frá oktober 2010 til november 2011. Hann røk­ ti fleiri álitissessir á Føroya Løg­ tingi, m.a. Mentanarnevndini, Uttan­lands­nevndini, limir í § 25 nevnd stjórnar­skipan, limur í § 25 nevnd ting­skip­an v.m. Kári á Rógvi var útbúgvin løg­frøð­ ingur frá Københavns Universi­ tet í 1998 og útbúgvin doktari (ph.d.) í løgfrøði. Hann vardi ph.d. ritgerðina á Háskóla Ís­lands í 2009. Hin 1. mars 2014 varð hann settur í starv sum professari á Fróð­skaparsetri Føroya. Áðrenn hetta tíðarskeið hevði hann starv­ ast á Fróðskaparsetrinum sum lekt­ari á Søgu- og sam­felags­deil­d­ ini frá 2008 til 28. februar 2014. Eisini skal nevnast at hann var skrivari í Grundlógarnevndini og næst­formaður í Stýrisskipanar- nevnd­ini. Hann var við til at fyri­ reika lógarkarmin undir fasta gerða­rætti­num, og høvundur og me­d­høvundur til fleiri bøkur og lógar­rit. Hevur harumframt havt fleiri onnur álitisstørv t.d. for­mað­ ur í Javnstøðunevndini og Fasta Gerða­rættinum. Nú hevði Kári fing­ið álitisstarvið sum virkandi dómari við Eystara Landsrætt. Leikluturin hjá Kára á Rógvi, sum virkin í Sjálvstýrisflokkinum, verð­ur ongantíð gloymdur. Kári var sonur Eyðun á Rógvi og Sunnevu Dalsgaard á Argjum. Hann giftist við Jóhannu á Rógvi (f. Kristiansen), tey eiga trý børn: Bragi, Brest og Bryndis. Sorgin og saknurin er stórur hjá tær Jóhannu, børnunum, for­ eldr­um og vinum. Harrin signi og styrki tykkum í sváru døgunum, sum liggja fyri framman við ein­ um orði úr Halgubók. Men vit vilja ikki, brøður, at tit skulu vera óvitandi um, hvussu er við teimum, ið sovnað eru - fyri at tit skulu ikki syrgja sum hini, ið onga vón eiga. Vit vilja á hendan hátt takka fyri sam­starv og samarbeiði og fara altíð at minnast Kára á Rógvi við æru, og lýsa frið yvir minni hans­ ara. Kári P. Højgaard, form. Sjálvstýrisfloksins KENDUR SJÁLVSTÝRISMAÐUR FARIN Minningarorð um Kára á Rógvi