týsdagur 10. mars 2015síða 18

Mikudagur 11. mars 2015 · Nr. 29 18 Sosialurin Hugskot og viðmerkingar – send sms til 225000 føroysku tónlistavirðislønirnar FMA heiðrar Væleydnaða tónlistatiltakið Faroese Music Awards vendir aftur leygar­ dagin 14. mars, har fremstu føroysku tónleikaavrikini verða heiðrað Mortan Østerø Konsertskráin til Faroese Music Awards – ella FMA – leygar­dagin 14. mars borð­ reiðir við øllum frá fólks­lig­ um tónum til víkingamálm og kórsang. Júst hetta er eis­ini tað, sum eyðkennir hugsan­ina handan tiltakið: eitt tón­lista­tiltak fyri tón­ leik­arar. – Føroysku tónleikararnir geva okkum ómetaliga nógv, og vit ynskja at bera teimum okkurt aftur, sigur Rólant Waag Dam, sum samskipar ársins FMA. Hann var eisini sam­skip­ ari fyri arbeiðsbólkin, ið tók stig til at fara undir FMA farna ár, tá ikki færri enn 20 heiðurslønir vóru handaðar føroyska tónleikalívinum. – Eitt tiltak, sum fagnar og heiðrar føroyskum tón­ leik­arum er avgjørt eitt neyðugt tiltak, har tón­leik­ ar­arnir fáa viður­kenning fyri tón­leikin, sum teir ríka okk­ um við. Tað eru ikki fíggjar­ lig áhugamál ella vinn­ingar, sum dríva okkum at skipa fyri tiltakinum, men heldur tónlistaligi áhugin. Í arbeiðs­ bólkinum vildu vit heiðra tón­leiki, sum annars ikki fær innivist í fjølmiðlunum ella verður spældur á tamb í loft­ miðl­unum – hóast eyðsýnda tónlistarliga góðsku, sigur Rólant. Fevna breitt Helst størstu kappingar­ neyt­arnir innan føroyskan tíð­inda­flutning – Miðlahúsið og Kringvarpið – skúgvaðu eis­ini kappingarhugin til viks eina løtu og settu tón­ lista­hugan fremst, sum varð til tríbýtt samstarv við Norður­landa­húsið, ið eisini er karmur um Faroese Music Awards. Arbeiðsbólkurin letur væl at fyrstu royndini at skipa fyri tiltakinum, og hava koppsett seg fyri barna­ sjúk­urnar. – Tá ið endamálið er at fevna breitt innan føroyska tón­leika­heimin, verður sjálv­sagt ógvuliga torført at flokka ymisku sjangrurnar, sum eisini gjørdist eitt av kritikk- punktunum til FMA 2014. Tær tríggjar høvuðs­flokk­ ingar­nar eru varðveittar, men tó munandi snøggari. Har­aftrat hava vit avgjørt, at tað verður fullkomiliga upp til førleikasterku og ser­kønu dómsnevndirnar at heiðra 20 avrikunum frá farna ári. Áhoyrarin er tó ikki heilt útihýstur, men fær fríar teymar at greiða sms- at­kvøðu til ársins live bólk ella ein­stak­ling, treytað av, at hesi hava havt minst eina al­menna framførslu í 2014, sigur Rólant. Til FMA 2014 vóru somu­ leiðis tríggir høvuðsflokkar, sum vóru fyri atfinningum fyri at bólka ov ósaman­ hang­andi sjangrur saman. Millum annað vóru rokkur, mál­mur, jassur, blues og folk tón­leikur flokkað saman, og tá varð ivast í hvørt tað yvir­høvur bar til at viga eitt nú málm tónleik móti jassi. Hesa­ferð eru rokk-poppur ein flokkur, síðani er folk, country og blues í ein øðrum flokki og til endans er ein 'opin bólkur', sum fevnir um jass, klassiskan tónleik, kór, instrumentalan tónleik og world tónleik. Taka tónleikin í álvara Tey eru trý tónleikaáhuga úr ávikavist Miðlahúsinum, Kringvarpinum og Norður­ landa­húsinum, sum manna ar­beiðs­bólkin saman við ein­um samskipara, umframt tveim­um valdum umboðum fyri tónleikararnar. Til tess at tryggja, at tónleik­ urin verð­ur neyvt mett­ur eftir dygd­unum inn­an sína sjangru, valdi arbeiðs­bólk­ urin at seta fleiri dóms­ nevnd­ir at meta um. – Talan var ongantíð um, at FMA skuldi vera ein popularitetskapping, skilt á tann hátt, at ein­ans rúm skuldi vera fyri mest út­ breidda og kenda tón­leik­ inum. Heldur skuldi dygdin á tón­listar­liga fjøl­broytn­inum í Føroyum heiðr­ast. Tískil hava vit skip­að heiðurs­ løna­handan­ina soleiðis, at køn fólk innan ásettu flokkingarnar treyta­leyst sleppa at lata virðis­lønir­nar. Á tann hátt taka vit bæði før­leik­arnar hjá dóms­nevnd­ unum og ikki minst tón­leik­ ar­unum í størsta álvara, sigur Rólant Waag Dam, ið gleðir seg til enn eitt umfar av tón­leika­fagnaði. Benjamin Petersen eigur flestar tilnevningar til ársins FMA tiltak við fýra tilnevningum tilsamans. Sjálvur er hann tilnevndur ársins mannligi sangari umframt at hava møguleika at vinna tríggjar virðislønir fyri síni avrik við bólkinum AVE Savnsmynd Rólant Waag Dam, samskipari av FMA