hósdagur 12. mars 2015síða 26

Fríggjadagur 13. mars 2015 sosialurin 30 26 Mortan Østerø Á heysti í 1968 samlaðust fýra tannáringar til tón­leika­venjingar, og longu á nýggjárinum sama ár framførdu teir fyri fyrstu ferð. Teir fýra – Gerhard Tróndheim, Ólavur Jøkladal, Jóannes á Váli og Árni Jacobsen – vórðu 'Kvartettin í Betesda' og í 1975 vórðu 20 sangir eis­ ini útgivinir á plátu og bandi. Tveir úr upp­runa­manningini eru framvegis virknir, og tríggir eru lagdir afturat kvartettini, sum í 2013 gav nýggja fløgu út – í tveimum uppløgum. Fyrra upp­lagið, á slakar tveytúsund fløgur, var nevniliga somikið vælumtókt, at tað varð útselt beinanvegin, og 1.000 fløgur vórðu sendar út á marknaðin aftur­at. Hóast framførslurnar eru av­mark­aðar, fingu teir innivist á tón­leika­savnandi heiðurstiltakinum Faroese Music Awards 2014. Kom óvart á – Vit høvdu als ikki væntað eina til­ nevning, sigur Árni Jacobsen, sum hevur framført við kvartettini síðani 1968. – Eg haldi ikki, at eg fann út av tí, fyrr enn onkur vísti mær tilnevningar í bløðunum, sigur hann. Teir hava fyri tað mesta sungið á møtum, og eru ikki beinleiðis millum tey tráspældu í loftmiðlunum. Ætlan­ in hevði tó leingi verið at gjørt eina fagnaðarútgávu at hátíðarhalda 30ár, síðani 40ár, síðani 45ár. Endin varð, at fimmmannakvartettin fór vælkendu tónleikaferðina til Ascheville í USA í 2013, har upptøkur vóru gjørdar og fløgur sendar út á føroyska marknað­ in. Eftirspurningurin og móttøkan av fløguni var somikið góð, at Kvartettin úr Betesda kom á tónlistarliga radara­ skíggjan hjá víttfevnandi FMA dóms­ nevndini. – Vit kundu tíanverri ikki fara á sjálvt FMA tiltakið í fjør, tí tað fall sam­an við, at nýggja Betesda varð tikið í nýtslu og vit skuldu framføra til høvi. So tað var ikki fyrr enn eg hevði sett meg í bilin og var áveg til hús, at eg hoyrdi í útvarpinum, at vit høvdu vunnið. Eg varð skjótur úr aftur bilinum, rann inn aftur í Betesda og tók mikrofonina at boða øllum frá, at vit høvdu vunnið heið­ urin sum ársins bólkur! Í tí, at eg hoyrdi meg sjálvan siga hesi orðini, tykt­ist tað so óveruligt at eg fór at ivast í hvørt tað veruliga varð rætt, sig­ur Árni flennandi. FMA hýsir øllum tónleiki Fólkini handan Faroese Music Awards hava lagt dent á, at tey ynskja at seta tónleikin í miðdeplin, og í somáta verður talan um eitt fagnaðar­ tiltak, heldur enn eina popularitets­ kapping. Í ár eru 21 heiðurs­lønir, sum verða latn­ar einum fjøl­broyttum tónalands­lagi. Einans ser­køn fólk úr ymsu dóms­nevnd­unum gera av hvørji verða heiðrað, mett eftir tónlistarligu dygdunum inn­an júst teirra sjangru. Sambært fyri­reik­ar­ unum, er endamáli við hesum, at tón­leikur, sum vanliga ikki fær nógv rúm í hópmentanini, fær innivist í tón­leika­fagnaðartiltakinum, FMA. – Vit eru ikki teir, sum trína fram á pall til størru konsertirnar ella festivalarnar, so at FMA fyri­reik­arar­ nir hava lagt seg eftir at fevna breitt sæst helst aftur í, at vit yvirhøvur vórðu tilnevndir í fyrrárið. Nú hava vit ikki beinleiðis heiðurslønir fyri eyga, tá ið vit syngja, og vit hava ætlað okkum at geva hesa fløguna út síðani 1975 – men tá tað er sagt, so er tað ótrúliga stuttligt at fáa eitt herða­klapp og viðurkenning. Hetta ger okkum meira sannførdar um, at vit eiga lurtarar uttanfyri møtir og sam­komu­tiltøk, nú man nærum hevur spælt og sungið aðrastaðni enn júst í pallljósinum síðani 1968, sigur Árni Jacobsen. mortan@sosialurin.fo 46 ár frá byrjan Kvartettin í Betesda hevði neyvan verið á listanum millum tey til­nevndu á Planet Awards, men fryntligu harrarnir sluppu upp í part á FMA 2014 og gjørdust enntá besti bólk­ urin í opna bólkinum FMA arbeiðsbólkurin  Rólant Waag Dam samskipari  Eyðfinn Jensen, KVF  Fróði Vestergaard, NLH  Barbara Holm, Miðlahúsið  Ólavur Larsen, tónl. umhvørvið  Elin Brimheim Heinesen, MUSIC.fo  Sunleif Rasmussen, tónl. umhvørvið FMA 2015  21 heiðurlønir  Í ár leygardagin 14. mars  Fyri fyrstu ferð farna ár – 15. mars 2014  Samstarv millum Miðlahúsið, Kringvarp Føroya og Norðurlandahúsið  Vertir: Barbara Holm og Eyðfinn Jensen FAKTA  Byrjaðu í 1968  Ársins bólkur 2014  Verandi manning: Gerhard Tróndheim (uppr.) Árni Jacobsen (uppr.) Steinbjørn Jacobsen Oddmar Marsten Sámal Johannesen (frá uml. 1976) tónleikur