mánadagur 16. mars 2015síða 45

vika 12 • 16. mars 2015 5 Miðlahúsið Ókeypis lýsingarblað ikki sørt, at man helt tað vera eitt sindur cool, at lítlibeiggi fekk eitt so­ vorðið hitt, sigur hann. Lúrdi eftir Náttaravns­ spurningunum Tað, sum veruliga gjørdi, at Rúni Jákups­son, bleiv, ikki eitt kent andlit, men ein kend rødd, var at hann gjørd­ ist vertur í útvarpssendingini Náttar­ ravnar, sum man vera ein tann besta um­tókta sending í føroyskari útvarps­ søgu. – Eg var við til at seta TUTL- handilin á stovn, og á tann hátt kom eg í sam­band við Heðin Arge Jensen og Birgir Kruse, ið vóru teir, sum byrjaðu Náttaravnarnar. Eg gjørdi eisini sendingina »Nýtt og gott gamalt« um hetta mundi. Birgir Kruse gavst í Náttaravnunum, og so avloysti Heri Jakobsen, men tað var ikki so leingi, so kom eg inn ístaðin fyri Hera. Tá var útvarpið ordiliga stórt, og ikki minst Náttaravns-sendingin, minnist Rúni aftur á. Hann leggur afturat, at tá merkti man veruliga, hvussu nógv fólk lurt­ aðu eftir sendingini. – Vit hoyrdu til dømis um brúdleyp, har alt steðgaði upp, tí at onkur í brúd­leyp­inum hevði ringt inn til spurnar­kapp­ingina, so tað var ótrúliga stutt­ligt, sigur Rúni Jákupsson. Yngri beiggin minnist eisini væl hesa tíð, og hann avdúkar nú eitt loynd­ar­mál, sum hann ongantíð hevur for­talt fyri eldra beiggjanum. – Tað stóð ein telda inni á skriv­ stov­uni heima hjá okkum, og har sat Rúni ofta og gjørdi spurningarnar. Eg plagdi onkuntíð at sníkja meg inn á skrivstovuna at lesa spurningarnar, og so var eg faktisk klárur at imponera við mínari vitan, um eg fór í okkurt ball. Men tað var tíverri ongantíð nak­ ar, sum spurdi meg til ráðs, tá ið tey vóru í spurnarkappingina, so eg fekk ongan­tíð brúkt hesa vitan, sum eg til­ tusk­aði mær í loyndum, greiðir Rókur Jákupsson frá. Rúni, sum hevur verið útvarpsvertur í eini 20 ár, flennir eftir hesari fyri hann nýggju vitan, og hann er eisini skjót­ur at svara, tá ið vit spyrja hann, um hann ofta hevur spælt tónleik hjá beiggja sínum í útvarpinum. – Nei, tað havi eg ongantíð gjørt. Tað tori eg at siga, men tíbetur kann man so siga, at tað hava nógvir aðrir út­varps­vertir gjørt. Eg havi heldur ongan­tíð spælt nakað við teimum av Kamarinum, hóast mær dámar stak væl tónleikin hjá teimum. Eg havi eis­ini ofta fingið skotið í skógvarnar, serliga frá papa okkara, at eg ikki havi spælt tónleik hjá teimum ella hjá Róki, greiðir hann frá. Báðir eiga tvíburðar Eitt sjáldsamt, ið teir báðir tón­leika­ elskandi beiggjarnir hava til felags, er, at teir báðir tveir eiga tvíburðar. – Ja, tað er rættiliga sjáldsamt. Vit fingu báðir teir fyrst eitt barn, og síðani fingu vit tvíburðar. Rúni eigur eina gentu, sum er 11 ár, og so hevur hann tvær tvíburðagentur, ið eru sjey ár. Eg eigi eina gentu, sum er seks ár, og so eigi eg tveir tvíburðadreingir, ið eru trý ár, greiðir Rókur Jákupsson frá. Júst børnini eru eisini tað, sum í stóran mun gera, at teir báðir beiggj­ ar­nir í dag framvegis hava eitt tætt sam­band. – Tað er nú einaferð so, at børnini fylla ótrúliga nógv í gerandisdegnum. Børnini hjá okkum spæla rættiliga væl saman, og tey eru faktisk tey, sum gera, at man framvegis sæst nógv, sigur Rúni, sum til dagligt býr í Hósvík, meðan Rókur býr í høvuðsstaðnum. Her er Rókur tó skjótur at leggja afturat, at foreldrini hjá teimum báðum eisini gera sítt til at bjóða teimum til eitthvørt, so at familjan er savnað. – Tey bjóða okkum ofta til eitt nú sunnudagsdøgurða, og babba er nokk so raskur eisini at fara við børnunum í sunnudagsskúla. Nakað, sum vit kanska ikki eru so raskir til, sigur Rókur við einum brosi. »tað er rættiliga sjáldsamt. Vit fingu báðir tveir fyrst eitt barn, og síðani fingu vit tvíburðar« Navn: Rókur Jákupsson Aldur: 35 Børn: Isabella 6 ár, Ragnar og Eiri 3 ár Starv: Marknaðarleiðari á Posta Navn: Rúni Jákupsson Aldur: 40 ár Børn: Ronja 11 ár, Flykra og Bylgja 7 ár Starv: Programfólk í Kringvarpi Føroya