týsdagur 17. mars 2015síða 11

11 Mikudagur 12. februar 2014 · Nr. 18 Sosialurin Hugskot og viðmerkingar – send sms til 225000 Mikudagur 18. mars 2015 · Nr. 32 Dagsskráin fyri fundin verður hendan: 1. Val av fundarstjóra 2. Frásøgn nevndarinnar um virki felagsins í farna roknskaparári Regin Jacobsen, stjóri, greiðir frá virksemi felagsins í farna ári. 3. Framløga av grannskoðaðum ársroknskapi til góðkenningar Uppskot til ársfrásøgn fyri 2014 við notum fyri P/F Bakkafrost og fyri konsernina, sum eisini inniheldur frágreiðing frá nevnd og stjórn felagsins og grannskoðaraátekning fyri 2014, er at finna á heimasíðu felagsins www. bakkafrost.com. 4. Avgerð um nýtslu av yvirskoti ella rindan av halli sambært góðkenda roknskapinum Viðvíkjandi avgerð um nýtslu av yvirskoti skjýtur nevnd felagins upp soljóðandi samtykt: „Goldið verður vinningsbýti til partaeigarar felagsins við 6,00 kr. fyri hvørt partabræv, svarandi til eina samlaða upphædd áljóðandi 293,1 mió. kr. Vinningsbýtið verður útgoldið til teir partaeigarar, sum eru skrásettir í VPS við afturlatingartíð tann 10. apríl 2015. Eftir útgjald av vinningsbýti er flutti vinningurin tilsamans 1.713,9 mió. kr. Partabrøv felagsins verða skrásett uttan vinningsbýti frá 13. apríl 2015.“ 5. Val av nevnd Til hendan aðalfundin standa 2 nevndarlimir fyri vali. Hesir eru Annika Frederiksberg og Øystein Sandvik. Nevndarlimir felagsins verða valdir fyri 2 ár í senn. Afturval kann fara fram. Sambært viðtøkum felagsins skal valnevndin gera innstilling til aðalfundin um val av nevndarlimum. Valnevnd felagsins skjýtur upp afturval av Anniku Frederiksberg og Øystein Sandvik fyri 2 ár. 6. Val av formanni til nevndina Valnevnd felagsins skjýtur upp afturval av Rúna M. Hansen sum formann til nevndina fyri 2 ár. 7. Áseting av samsýning til nevndina og grannskoðaranevndina Valnevnd felagsins skjýtur upp, at nevndar­ lønin fyri 2015 verður hendan: Nevndarlimir fáa 200.000 kr. um árið, næst­ formaðurin fær 250.000 kr. um árið, og for­ maðurin fær 400.000 kr. um árið. Valnevnd felagsins skjýtur upp, at samsýningin fyri nevndarlimir í grannskoðaranevndini verður 40.000 kr. um árið. 8. Val av limum til valnevndina, herundir val av formanni til valnevndina Til hendan aðalfundin standa Eyðun Rasmus­ sen og Ola Wessel­Aas fyri vali. Valnevndin skjýtur upp afturval av Eyðuni Rasmussen og Ola Wessel­Aas. 9. Áseting av samsýning til valnevndina Valnevnd felagsins skjýtur upp, at samsýning­ in til limirnar í valnevndini fyri 2015 verður tann sama sum í 2014. Nevndarlimirnir fáa 8.000 kr. um árið og formaðurin 16.000 kr. um árið. 10. Val av grannskoðara Grannskoðari felagsins er P/f Januar løggilt grannskoðanarvirki, Hoyvíksvegur 5, 110 Tórshavn. Nevndin skjýtur upp afturval av grannskoðara felagsins at sita til næsta ársaðalfund. 11. Samsýningarpolitikkur Við tilvísing til grein 10, stk. 3 í viðtøkum felagsins skjýtur nevndin upp hesar leiðreglur fyri áeggjanarviðurgjald til leiðslu felagsins at galda frá og við roknskaparárinum 2015: Samsýningarpolitikkur hjá P/F Bakkafrost fyri nevnd og stjórn Samsýningarpolitikkurin hjá P/F Bakkafrost hevur sum mál at tryggja felagnum eina góða fyritøkuleiðslu og at skapa karmar fyri lang tíðar virðisskapan. Samsýning til einstøku nevndarlimirnar og stjórnina er lýst í ársroknskapinum og verður eisini almannakunngjørd á heimasíðu felagsins undir Investor Relations teiginum. Samsýning til nevnd Nevndin í P/F Bakkafrost verður lønt sambært teirri avgerð, sum aðalfundurin tekur. Val nevnd felagsins ger eitt tilmæli til aðalfundin um støddina av teirri samsýning, sum nevnd felagsins skal hava. Avgerð verður tikin um hetta á vanliga ársaðalfundi felagsins. Nevndin kann ikki víkja frá teirri avgerð, sum aðal ­ fundurin tekur. Samsýning til stjórn Stjórn felagsins er sett sambært stjóra sáttmála. Gjørdar verða árligar eftirmetingar av lønini, herundir um tillagingar skulu gerast. Allar broytingar í galdandi stjórasáttmála skulu gerast skrivliga og skula góðkennast av nevnd felagsins. Avgerandi fyri samsýning stjórnarinnar er, at hon tryggjar, at felagið framhaldandi er ført fyri at draga at sær og fasthalda stjórnarlimir, sum hava bestu førleikar. Samsýningin til stjórn felagsins verður saman sett við støði í marknaðarsiðvenju og felagsins serliga tørvi. Samsýningin til stjórnina kann fevna um fasta løn, kontant bonus, bonus latið sum virðisbrøv, herundir partabrøv í felagnum, umframt eftirløn. Samlaða støðið fyri føstu samsýningina verður ásett við atliti til marknaðarstøðið, har millum annað stødd felagsins og rakstrar gongdin verður tikin við í ásetingini. Stjórnar limirnir fáa eftirløn, svarandi til ein ásettan prosentpart av føstu samsýningini. Ein partur av eftirlønini kann latast sum virðis brøv, herundir partabrøv í felagnum. Skiftandi (variabla) samsýningin til stjórnar­ limirnar verður í høvuðsheitum ásett, grundað á í hvønn mun stjórnarlimirnir røkka ásettum málum. Virðisbrævagrundað bonus verður virðisásett til marknaðarvirði sambært viðurkendum leiðreglum. Skiftandi (variabla) samsýningin kann ikki í einum inntøkuári hava størri fíggjarligt virði enn fasta samsýningin. Nevndin ásetir innan karmarnar av hesum samsýningarpolitikki øll viðurskifti, ið við víkja samsýning til stjórnina, herundir eisini fráfaringartreytir. Møgulig frávik Nevndin kann ikki gera frávik í teimum leiðreglum, sum eru galdandi viðvíkjandi variablu samsýningini til stjórn felagsins. Ábyrgd Hesin samsýningarpolitikkur er góðtikin av nevndini í P/F Bakkafrost og av ársaðal fund­ inum í apríl 2015. Nevndin hevur ábyrgdina av at gera neyðugar tillagingar og at leggja møguligar broytingar fyri ársaðalfund felagsins til góðkenningar. 12. Ymiskt INNKALLING TIL AÐALFUND Í P/F BAKKAFROST BOÐAÐ VERÐUR VIÐ HESUM TIL ÁRSAÐALFUND Í P/F BAKKAFROST AÐALFUNDURIN VERÐUR HILDIN Í HØLUM FELAGSINS Á BAKKAVEGI 9, 625 GLYVRAR, LEYGARDAGIN 11. APRÍL 2015, KL. 10.00 Bílegging av atgongumerkjum og atkvøðuseðlum Partaeigarar, sum ynskja at luttaka á aðalfund­ inum, verða bidnir um at senda luttøkuskjalið, sum er at finna á heimasíðu felagsins www. bakkafrost.com, til P/f Bakkafrost, Bakkavegur 9, 625­Glyvrar, ella at senda luttøkuskjalið við telduposti til agm@bakkafrost.com, ella á telefax nr. +298 405009. Luttøkuskjalið kann eisini útvegast við at ringja til felagið, tlf. +298 405000. Luttøkuskjalið má vera móttikið av P/f Bakka­ frost í seinasta lagi týsdagin tann 7. apríl 2015, kl. 24.00. Bílegging av atgongumerkjum og atkvøðuseðlum fer eisini fram umvegis heimasíðu felagsins www.bakkafrost.com ella á skrivstovu felagsins Bakkavegur 9, FO­625 Glyvrar, ella á tlf. nr. +298 405000 og/ella telefax nr. +298 405009. Seinasta freist fyri bílegging av atgongumerkjum og atkvøðuseðlum er týsdagin tann 7. apríl 2015, kl. 24.00. Um so er, at tygum ikki kunnu luttaka á aðalfund­ inum, hava tygum møguleika at geva øðrum skrivliga fulltrú til at møta tygara vegna. Á heimasíðu felagsins www.bakkafrost.com, umframt á skrivstovu felagsins Bakkavegur 9, FO­625 Glyvrar, kunnu tygum útvega tygum eitt fulltrúarskjal, sum kann nýtast í hesum sambandi. Atkvøðugreiðsla við fulltrú hevur sum fyritreyt, at fulltrúarhavarin fyrivísir fulltrú sína fyri fundar­ stjóranum. Fulltrú kann eisini gevast nevnd felagsins. Slíkar fulltrúir kunna sendast til nevndar­ formannin umvegis teldupost á teldu posta dressu agm@bakkafrost.com. Tað er ikki møguligt at greiða elektroniska atkvøðu á sjálvum aðalfundinum. Sambært viðtøkum felagsins hava partabrøv atkvøðurætt á aðalfundinum, sum eru skrásett í seinasta lagi 1 viku undan aðalfundinum. Sam svarandi hesum hava partabrøv, sum eru skrásett í seinasta lagi 3. apríl 2015, kl. 24.00, atkvøðurætt. Ársfrásøgn fyri 2014 og dagsskrá við fullfíggjaðum uppskotum Ársroknskapurin 2014 við grannskoðaraátekning og ársfrágreiðing og dagsskrá við fullfíggjaðum uppskotum verða almannakunngjørd á heimasíðu felagsins www.bakkafrost.com frá og við fríggja ­ degnum 20. mars 2015. Skjølini liggja eisini frá hesum degi frammi til skjals fyri partaeigarar felagsins á skrivstovu felagsins á Bakkavegi 9, 625 Glyvrar. Krøv frá partaeigarum felagsins um at taka upp eitt ávíst evni til dagsskránna á aðalfundinum skuldu verið sett fram skrivliga fyri nevnd felagsins á bústaðnum Bakkavegur 9, FO­625 Glyvrar, Føroyar, ella á teldupost bústað num agm@bakkafrost.com í seinasta lagi fríggja dagin tann 27. februar 2015, og freistin er tí farin. Móttekur felagið uppskot til evni til dagsskránna eftir 27. februar 2015, ger nevndin av, um kravið er sett fram í so góðari tíð, at evnið kann verða sett á dagsskránna. Partapeningur, atkvøðurættur og kontoførandi peningastovnur Partapeningur felagsins er DKK 48.858.065 býttur í 48.858.065 partabrøv við einum áljóðandi virði av DKK 1. Bakkafrost eigur sjálvt 332.300 parta brøv. Hesi partabrøv hava ikki atkvøðurætt. Í § 7 í viðtøkunum er ásett, at partaeigararnir hava 1 atkvøðu fyri hvørjar DKK 1, teir eiga í partapeningi. § 8 í viðtøkum felagsins er soljóðandi: „Partaeigari hevur rætt til at luttaka á aðalfundi, um viðkomandi partaeigari í seinasta lagi 3 dagar áðrenn aðalfundin hevur givið felagnum frá boðan um, at hann ætlar at luttaka á aðal­ fundinum. Partaeigari hevur rætt at møta persónliga ella saman við einum ráðgeva. Parta­ eigarar felagsins hava eisini rætt til at møta við fulltrú, sum partaeigarans vegna kann greiða atkvøðu sambært skrivligu fulltrúini. Fulltrúin kann vera galdandi fyri eitt ávíst tíðarskeið, tó ikki longur enn eitt ár. Umboð fyri fjølmiðlarnar og umboð fyri Oslo Børs hava atgongd til aðalfundin.“ Í § 7, stk. 2 í viðtøkum felagsins er ásett, at: „Á aðalfundi hevur partaeigari atkvøðurætt við teimum partabrøvum, sum eru skrásett í seinasta lagi 1 viku undan ársaðalfundinum.” Felagið hevur útnevnt Nordea Bank Norge ASA, Middelthunsgate 17, Oslo, org. nr. NO 911 044 110 MVA til kontoførandi peningastovn, og kunnu parta ­ eigarar felagsins venda sær til henda peninga stovn fyri at útinna fíggjarligu rættindi síni í felagnum. Glyvrar, tann 13. mars 2015 P/f Bakkafrost Fyri nevndina Rúni M. Hansen, nevndarformaður www.sansir.fo Bakkavegur 9 · 625 Glyvrar · Tel +298 40 50 00 · Fax+298 40 50 09 · bakkafrost@bakkafrost.com · www.bakkafrost.com