hósdagur 19. februar 2015síða 10

Fríggjadagur 20. februar 2015 sosialurin 21 10 úr tinginum Árni Gregersen S jálvt um høgtstandandi um­boð fyri samgonguna møttu á kjakfundi á torra­ døgunum í Klaksvík, so kom so at siga onki nýtt fram um, hvussu samgongan ætlar at skipa fiski­vinnupolitikkin er 1. januar 2018. Landsstýrismaðurin við fiski­ vinnu­málum, Jacob Vestergaard, um­boðaði Fólkaflokkin, men hann vildi als ikki koma inn á, hvat arbeitt verður við í løtuni, men hann segði, at samgongan fer at koma við einari ný­skipan. Heldur ikki Alfred Olsen, Sam­ bands­flokkurin og formaður í ting­ bólki floksins, vildi yvirhøvur siga nakað sum helst um, hvat stóru sam­gonguflokkarnir eru samdir um og hvørjum fyrisitingin arbeiðir við í løtuni. Jenis av Rana, Miðflokkurin, var eisini afturlatin, men heldur fast um, at samgongan kemur við einum uppskoti til nýskipan. Ónøgd andstøða Umboðini fyri andstøðuna krógvaðu als ikki, at teir eru ónøgdir við fram­ ferð­ina hjá samgonguni og at teir heldur enn almenningurin ikki vita, hvørjar ætlanir samgongan hevur. Andstøðuflokkarnir hava hvør sær verið á fundi við samgonguna, men har fingu teir ikki nakað at vita. Hin­vegin skuldu andstøðuflokkarnir svara 17-18 spurningum um teirra støðu til ymiskt innan fiskivinnuna. Kári P. Højgaard, Sjálvstýris­flokk­ urin, segði í Klaksvík: – Sjálvdan havi eg havt høvi at tosa so leingi uttan at verða avbrotin, sum tá ið eg var á fundi við umboð fyri sam­gonguna um fiskivinnu. Teir søgdu onki – eg segði alt. Er á veg Jenis av Rana, Miðflokkurin, segði á fundinum í Klaksvík, at samgongu­ flokkarnir eru samdir um ein leist fyri, hvussu lógin um vinnuligan fiski­skap skal gerast. – Vit høvdu sett okkum fyri at koma til eina semju áðrenn 1. februar og tað gjørdu vit. Nú verður arbeitt, legði hann afturat. Fiskivinnuumsitingin er í løtuni í ferð við at tilevna uppskot, sum skulu verða grundarlagið undir føroysku fiski­vinnuni komandi árini. Hvat verður gjørt vita vit ikki, men í løtuni er rættuliga nógv sum bendir á, at vit ikki fáa eina »nýskipan« men meira fáa eina regulering, sum rættar ymiskt í galdandi lóg til. Ein spurningur, sum kortini helst verður broyttur, er um útlendignar skulu kunna eiga part í føroysku fiskivinnuni. (Sí meira aðrastaðni á síðuni) Harafturat váttaðu umboðini fyri flokkarnar á fundinum í Klaksvík, at uppboðssøla helst verður ein partur av broytingunum, sum í løtuni verða gjørdar. Teir flokkar, sum ikki eru partur av tí, sum samgongan ger í løtuni, vátt­aðu eisini, at teir taka undir við, at ein partur av rættindunum verða seld yvir eina uppboðssølu. Spurningarnir sum enn standa opnir, eru millum annað um nýggja lógin um vinnuligan fiskiskap fer at vera eins nágreinilig um før­oyska fiski­vinnu aðrastaðni enn á land­ grunn­inum, sum núgaldandi lóg er ná­greinilig, tá ið tað snýr seg um veiðu eftir botnfiski á landleiðini. Sjálvdan havi eg havt høvi at tosa so leingi uttan at verða avbrotin, sum tá ið eg var á fundi við umboð fyri samgonguna um fiskivinnu« Kári P. Højgaard Allir flokkar á tingi tóku lut í orðaskiftinum í Klaksvík um fiskivinnuna, men onki kom fram um ætlaðu broytingarnar í fiskivinnuskipanini. Kortini váttaðu allir flokar, at uppboðssøla helst verður ein partur av nýskipanini Føroyska fiskivinnan Tøgn um nýggja skipan Jacob Vestergaard, landsstýrismaður við fiskivinnumálum, hevði avgjørt ikki at siga, hvat samgongan arbeiðir við á økinum.