hósdagur 19. februar 2015síða 22

Fríggjadagur 20. februar 2015 sosialurin 21 22 ítróttur Kyndil í kreppu Jákup Mørk T að var ikki tað nógva flogið yvir Kyndli, tá kvinnurnar miku­kvøldið tóku ímóti VÍF. Tendringin skuldi annars verið í lagi, nú talan var um dyst, har Kyndil hevði møguleikan til mest sum at vissa sær pláss í FM-finaluni. Men hendan tendringin kom tó sera sjáld­ an til sjóndar. Í álopsspartinum vóru lítið at síggja til dirvi og hugflog. Kreppu­ tekin hómast, skilt soleiðis, at ov fáar av teimum á vøllinum tora at taka ábyrgd. At siga viðspælarunum, at nú gera vit soleiðis og soleiðis, og eisini at vísa í verki, hvussu hetta verður gjørt. Tá liðið so heldur ikki hevur skjúttan, sum kann opna verjurnar, tá aðrir lutir ikki rigga, ger ikki uppgávuna lættari, og lítil ivi er um, at næstu dagarnar fara til sjálvrannsakan, har bæði spælarar og venjarar mugu seta orð á tað, sum skal betrast, um tryggi finalusessurin ikki skal gleppa teim­ um av hondum. Í so máta er tað helst ein lætti hjá Kyndli, at tær hava góða tíð til at viðgera støðuna og til at fáa hálv­ skaddar spælarar heilt frískar. Um góða viku spæla tær á útivølli móti Søljuni, og 8. mars verður so útidystur móti einum VB-liði, sum eisini tykist í kreppu, men har umfatar kreppan eftir øllum at døma bert dystirnar á útivølli. VÍF væl fyri Tá tað er sagt, so skal VÍF eisini rósast fyri sítt avrik. Tað tók eina løtu, áðrenn tær fingu spælið at hanga saman mikukvøldið, men seinna­ partin av fyrra hálvleiki skræddu tær seg púrasta leysar. Í málinum hevði Vivian Petersen fleiri frálíkar bjargingar, tá tær gulu høvdu ilt við at finna málið fyrstu góðu løtuna, og verjuspælið riggaði í løtum heilt væl. Í álopinum spældi Liljan seg upp til at hava ein av sínum heilt góðu døgum, og tað hevði týdning, tá Kyndil royndi at liggja ógvuliga flatt og kompakt, so gjøgnumbrotini hjá Adinu ikki skuldu koma til sín rætt. Enn sum áður er støðan hjá VÍF, at tær skulu vinna tað mesta av tí, sum er eftir. Ein lyklauppgerð verður heilt víst, tá tær um hálvaaðru viku skulu til Vágs. Tí kanska hevur VB við tap­inum á Skála mist sín seinasta møgu­leika fyri finaluplássinum, men eingin ivi er um, at í Vági er og verður tað trupult hjá øllum liðum at vitja. Tað munnu vera fleiri ár síðani, at Kyndilskvinnur hava lagt rygg til eitt tap av tí slagnum, sum tær fingu mikukvøldið Hvonn-deildin d v - j - t + mál -mál málmunur stig 1 Neistin 16 13 - 1 - 2 474 323 151 27 2 Kyndil 17 11 - 2 - 4 436 337 99 24 3 VÍF 16 11 - 0 - 5 456 345 111 22 4 VB 15 8 - 1 - 6 391 318 73 17 5 StÍF 16 7 - 0 - 9 366 332 34 14 6 Stjørnan 15 3 - 0 - 12 273 409 -136 6 7 Søljan 15 0 - 0 - 15 147 479 -332 0 Myndir: Álvur Haraldsen Kyndil - VÍF 17-27 (6-11)