hósdagur 19. februar 2015síða 23

Fríggjadagur 20. februar 2015 sosialurin 21 23 ítróttur Kappingin er knallhørð Jákup Mørk E ftir at teir fullu mest sum full­komuliga saman í seinnu hálvfinaluni móti VÍF, og eftir at teir hildu sama stílinum í tapinum móti H71 her­fyri, reistust menninir hjá Kyndli hós­kvøldið, tá VÍF vitjaði. Uppskriftin var kanska ikki so nógv tað góða hondbóltsspælið. Viljin at vinna var hesa ferð til staðar, og hvør sum ein stríddust teir grønu av øllum alvi. Tað kann væl vera, at tað fram­vegis knípur við at fáa sterka hópin av spæla sum ein væl skipað eind, men individuellu kvalitetirnir eru somikið stórir, at tað ber til hjá lið­num at skora úr mest sum øllum ættum. Hetta var eisini sjónligt miku­ kvøldið. David Edvardsen og Finnur Hansson vóru støðugar hóttanir frá bakk­unum. Andreas Sólsker kom sera væl frá uppgávuni, tá hann varð settur á vinstra vong, og mitt fyri fekk Julian Johansen hampuligt skil á upp­spælinum, umframt at hann við tveimum sera týðandi skor­ingum seint í dystinum átti sín lut í mál­skjót­ ingini. Um sama mundi hevði Mladen eisini nakrar sera góðar bjargingar, og so eydnaðist tað Kyndli at koppa eini sera intensari og spennandi – men kanska ikki heilt so væl spældari grannauppgerð. Áki ov einsamallur Dysturin avdúkaði eisini ávísar veik­ leikar hjá VÍF, sum annars hevur verið – og framvegis verður – mett sum stóri FM-favoritturin í ár. Í teimum løtum, har Kyndil fekk ferð á uppspælið, so tóktust stóru menn­inir í verjuni heldur tungir, og útvísingarnar til teir gulu vóru hampu­liga nógvar í tali. Samstundis hevði liðið eisini ilt við at fáa álopspartin at koyra nóg væl. Filip Jojic hevði ikki ein av sín­ um bestu døgum, og fleiri ferðir vórðu hálvhjartaðar skotroyndir send­ar avstað, tá skilabetri hevði verið at spælt víðari. Áki Egilsnes var mest sum einsamallur um at plaffa bóltarnar inn, men einsamallur kundi hann ikki bera liðið ígjøgnum 60 minuttir hesaferð. Tá tað er sagt, so eru dygdirnar hjá VÍF framvegis av slíkum slag, at liðið væl og virðiliga kann lyfta avrikið hægri upp. Tað hava vit sæð teir gjørt fleiri ferðir í ár, og tá eru teir truplir at syfta. Skal nakar skala teir, so verður tað helst júst Kyndil, har mann­ingarlistain stendru lítið aftan fyri tann hjá VÍF, men har avrikini hin­vegin hava verið alt í verðini ov óstøðug. H71 er við Hoyvíkingar eru liðið, sum hevur møgu­leikan at bjóða teimum báðum arva­fíggindunum av, og við tryggum sigri í Kollafirði vístu teir svørtu, at teir vilja taka av møguleikanum. KÍF er ikki væl fyri í løtuni, og hesa ferð fylgdu teir bara við í eitt korter, áðrenn tað skrædnaði fullkomuliga. Seinasti dysturin varð spældur í Klaksvík, har Neistin var á vitjan. Her gekk javnt á í eini trý korter, men so gekk orkan hjá vertunum undan, og Neistin spurtaði seg fram til ein trivaligan sigur. jakup@sosialurin.fo VÍF, Kyndil og H71 stríðast um fremstu plássini í bestu mans­ deildini. Mikukvøldið gjørdist trídysturin enn tættari Atlantic Airways-deildin d v - j - t + mál -mál málmunur stig 1 VÍF 16 12 - 0 - 4 443 378 65 24 2 Kyndil 17 11 - 1 - 5 391 345 46 23 3 H71 16 10 - 1 - 5 400 346 54 21 4 Neistin 17 7 - 2 - 8 418 448 -30 16 5 KÍF 16 7 - 1 - 8 419 425 -6 15 6 StÍF 16 4 - 1 - 11 394 429 -35 9 7 Team Klaksvík 16 3 - 0 - 13 357 451 -94 6 Myndir: Álvur Haraldsen Kyndil - VÍF 24-22 (11-9) Team Klaksvík - Neistin 24-32 (13-15) KÍF - H71 18-27 (7-12)