mikudagur 7. juli 2004síða 3

4 Nr. 127 - 7. juli 2004 Nr. 127 - 7. juli 2004 5 Fólk frá Vágatunlinum stóðu týsmorgunin við gjaldsstøðina í Vágum og kannaðu eftir, um kubbarnir í bilunum, sum fóru gjøgnum tunnilin, vóru í lagi. Fólk sum koyra við ógoldnum kubba, kunnu verða biðin um at lata hann innaftur FERÐSLUGJALD Edvard Joensen Vágar: Koyrir tú við ógoldnum kubba, og eftirlit er við Vágatunnilin, kann tað henda, at tú verður biðin um at lata kubban frá tær. Týsmorgunin vórðu allir bilar, sum koyrdu úr Vág- um gjøgnum Vágatunnilin, kannaðir fyri at vita, um teir høvdu galdandi kubbar í bilinum. Hetta verður gjørt av og á, sigur Reinhold Isaksen á skrivstovuni hjá Vágatunl- inum. Slíkt eftirlit er mill- um annað fyri at vita, um kubbarnir, sum eru í bilin- um, eru teir, sum hoyra til hendan bilin og ikki eru flutt-ir úr øðrum bili. – Vit vilja eisini vita, um kubbin situr á rætta stað og er sjónligur, sum hann skal. Um ikki, kann tað henda, at hann ikki verður skrásettur, tá hann fer gjøgnum gjald- støðina. Eisini kemur tað fyri, at onkur koyrir við kubba, sum ikki er goldið fyri. Tað vil so siga einum kubba, sum er útgingin og ikki endurnýggjaður. Taka kubbar Sosialurin frætti týsmorg- unin, at fólk frá Vágatunl- inum stóð við tunnilsmunn- an og tók kubbar úr bilum, har ikki var goldið. Reinhold Isaksen sigur, at soleiðis er mannagongd- in vanliga ikki. – Tað, vit gjørdu hendan morgunin, var eitt vanligt stakroyndareftirlit, vit gera soleiðis av og á. Vit hava eitt yvirlit yvir bilar, sum ikki hava goldið fyri kubb- an, teir hava. Og koma slík- ir bilar gjøgnum eftirlitið, kunnu vit biða um at fáa kubban frá teimum, um eftirstøðan er so stór, at vit halda tað vera neyðugt at gera so. Og vanliga fáa vit eisini tað, tí fólk vita sjálv, hvussu vorðið er. Tað kemur fyri, at eftir- støðan er so mikið stór, at vit lata hana fara til inkasso, og tað eru vanliga slíkar kubbar, vit biðja um at fáa aftur. Og tað nyttar í grundini ikki so nógv hjá fólki at nokta. Tí gera tey tað, verður kubbin bara heintaður á annan hátt, sigur hann. Tað er soleiðis, at kubbin er skrásettur til ein ávísan bil, og hann skal sita á sjón- ligum stað. Tað vil siga í forrútinum, soleiðis at eftirlitsskipanin við gjald- støðina ikki skal hava nakran trupulleika av at skráseta hann, tá koyrt verður gjøgnum støðina. Tað, sum eftirlitið týs- morgunin millum annað skuldi gera, var at vita, um allir kubbarnir stóðu har, teir skuldu og í tí rætta bilinum. Tað hendir seg, at fólk ikki tíma at festa hann, men leggja hann í ein lumma í hurðini, í handskarúmið ella aðrastaðni, fyri síðan at gloyma hann. Og so kann eisini henda, at hann ikki verður skrásettur, tá koyrt verður ígjøgnum tunnilin. Men tað kemur bara aftur um aftur, tí fotoeftirlitið sær bilin, og um tú koyrir uttan gjald, kostar tað bót, sum er væl dýrari enn eitt kubbagjald. Nógv ferðsla Tað koyra rættiliga nógvir bilar gjøgnum Vágatunnilin hesa árstíðina, sigur Rein- hold Isaksen. Yvirlitið fyri juni mánað vísir, at knappliga 1.200 bilar koyrdu dagliga gjøgn- um tunnilin. Í mei var talið umleið 100 lægri. Og verð- ur tað í ár, sum tað var í fjør, fer juli helst at verða tann mánaðin, har flestir bilar fara gjøgnum Vága- tunnilin. Í august fer so at minka aftur, um gongdin skal væntast at verða sum í fjør, sigur hann. Tað ferðast nógv fólk vestur í Vágar hesa tíðina. Eitt nú eru nógvar summar- legur á Zarepta í Vatns- oyrum, sum nógvir bilar koyra til. Eisini verður Vestanstevna komandi vikuskifti, og tá vænta tey nógva ferðslu gjøgnum tunnilin, sigur Reinhold Isaksen. Leiðslan í danska flogfelagnum Maersk Air vil hvørki vátta ella avsanna tíðindi um, at felagið ætlar at gevast við Føroya- flúgvingini. Endalig støða er ikki tikin, sigur stjórin FLOGFERÐSLA Edvard Joensen Afturvendandi tíðindi frá fólki í ferðavinnu og flog- ferðslu vilja vera við, at danska flogfelagið Maersk Air ætlar at gevast at flúgva til Føroya. Felagið hevur røkt hesa flúgving í 34 ár. Leiðslan í Maersk Air vil ikki vátta hesi tíðindi. Men tey verða heldur ikki aftur- víst. – Vit arbeiða alla tíðina við framtíðarætlanum, og tað er eingin endalig støða tikin enn, um vit fara at gera hatta, tú nevnir, ella ikki, sigur stjórin i Maersk Airt, Finn Øelund, umvegis kunningarstjóran í felagn- um. Per Brinch, kunningar- stjóri, sigur, at honum er kunnugt, at stjórin, Finn Øelund, hevur tosað við onnur flogfeløg um fram- tíðarætlaninar hjá Maersk Air. Eitt av hesum feløgum er Atlantic Airways, sigur Per Brinch. Men hann vil ikki siga nágreiniliga, hvat tosað hevur verið um. Bert tað, at eingin endalig støða er tikin. Tað einasta, hann vil siga um Føroyarutuna er, at Maersk Air hevur havt framgongd í ferðafólkatali síðan í vetur. Tað er ikki einans tí, at fleiri fólk ferð- ast, sigur hann. Felagið kann vísa á ein størri prosentpart av teimum, sum ferðast, sigur kunning- arstjórin hjá Maersk Air. Magni Arge, stjóri í Atlantsflogi, sigur í stuttari viðmerking, at hann kennir ikki til slíkar ætlanir hjá kappingarneytanum. – Tað er eingin ynski- støða, um tað hendir. Men verður tað veruleiki, fara vit at spenna okkum so mikið meira út á farleiðini til Danmarkar. Vit hava um- støður til tað í løtuni, nú vit hava trý flogfør, sigur Magni Arge, sum heldur, at tænasta verður ikki verri, um bara eitt felag fer at flúgva millum Føroyar og Danmark. Tað eydnaðist ikki at fáa viðmerkingar frá øðrum pørtum í ferðavinnuni, áðr- enn blaðið fór til prentingar. Maersk Air umhugsar framtíðina Kanna kubbar í Vágum Leiðslan í Maersk Air vil hvørki vátta ella avsanna áhaldandi tíðindi um, at felagið ætlar at gevast við Føroyaflúgvingini Mynd: Edvard Joensen Týsmorgunin vórðu allir bilar, sum koyrdu úr Vágum, kannaðir fyri at vita, um kubbarnir vóru í lagi. Mjólkarbilurin slapp ígjøgnum uttan trupulleikar Mynd: Edvard Joensen Fara at hyggja eftir tara og gomlum bygdum í Suðuroy Hesa vikuna verður skipað fyri øðrvísi tiltøkum í Suðuroy. Seinasta vikuskiftið vóru heili 136 fólk við í teimum tiltøkum, sum kunningarstov- urnar í oynni skipaðu fyri FERÐAVINNA Áki Bertholdsen aki@sosialurin.fo Tari er ikki bara tari. Tað fara kunningarstovan á Tvøroyri og í Vági at vísa suðuroyingum og teimum sum ferðast í Suðuroy í annaðkvøld. Í morgin skipar kunning- arstovurnar í Suðuroy fyri forvitnisligum taratúri til Fámjins, har fólk fáa høvi at kunna seg við hesa plant- una niðri við sjóvarmálum, sum er lágt í metum hjá teimum flestu. Á ferðini er ætlanin er at vassa í mølini og hyggja at tí fjølbroytta tara vøkstrin- um. Høvi verður at hoyra um t.d nøvn, útbreiðslu osfr av ymiskum tarasløgum og, hvar hann veksur. Og hetta er í veruleikanum nógv meiri fjølbroytt, enn fólk flest geva sær far um. Tað vera tey bæði, Agnes Mols Mortensen og Niels M. Jacobsen, sum fara at siga frá á túrinum. Bussur koyrir av Kunn- ingarstovuni í Vági kl. 17.15 og av Kunningarstov- uni á Tvøroyri kl. 17.45. Eftir túrin koyra bussarnir heimaftur Fólk eiga sjálvsagt at hava gummistivlar við og eiga fólk onkra bók um plantur og djór í fjøruni, ger tað uttan iva túrin meiri áhugaverðan at hava eina slíka bók við. Hesin túrurin kostar til- samans 100 krónur fyri vaksin men hjá børnum er hann ókeypis Hyggja at gomlum bygdum Leygardagin verður skipað fyri gongutúri úr Víkar- byrgi til Akrar. Koyrt verður til Víkar- byrgi og farið verður út um bøgarðin har varðagøtan byrjar. Gingið verður eftir varðagøtuni niðan á Brúnna, sum er 249 metrar og síðani oman eftir Akra- vegnum, framvið Ærgisá og oman á Akrar. Túrurin tekur umleið ein tíma og hann er ikki tungur at ganga. Á hesum túrinum verður tað Gudmund Poul- sen úr Sumba, sum sigur frá. Til hendan túrin koyrir bussur av Kunningarstov- uni á Tvøroyri kl. 10.00 og av Kunningarstovuni í Vági kl. 10.30. Aftaná túrin koyra buss- arnir fólk heim aftur á kunningarstovurnar. Kostnaður fyri gongutúr- in og busskoyring er 100 krónur fyri hvønn, men tað er framvegis ókeypis fyri børn. Fólk kunnu melda seg til túrarnar á kunningarstovuni í Vági og á kunningarstov- uni á Tvøroyri. Síðsta freist at melda til taratúrin er hós- dagin kl. 16.00 og til gongutúrin skal meldast til fríggjadagin klokkan 16. Kunningarstovurnar siga eisini, at tey, sum eru við á øllum gonguferðunum eru við í lutakassti um eitt gávu- kort upp á 2000 krónur. 136 fólk Seinasta vikuskiftið skipaði ferðavinnan í Suðuroy fyri fleiri tiltøkum, og har vóru tilsamans ikki færri enn 135 fólk við, so tað má sigast at verða væleydnað, har vóru bæði børn og vaksin og har vóru eisini fleiri útlendsk ferðafólk. Seinasta vikuskiftið gingu tey úr Trongisvági til Fámjins, tey vóru í fjørð- inum við gomlu sluppini, Johonnu og tey vóru í Akrabergi og hugdi at fugli. Í stórfingnu natúiruni omanfyri Fámjin. 12 ára gamla Sharada, fremst á myndini, var yngsta gongufólki á hesi ferðini Tann fimm ára gamli Fríði Stenberg Olsen stendur so hugagóður og kikar eftir fugli í Akrabergi. Elsta fólkið á túrinum var væl yvirt tey áttati C M Y K 5 4