hósdagur 19. februar 2015síða 46

22 Mentanarblaðið hjá Miðlahúsinum 2 • 20. ferbuar 2015 GOTT ÁR HJÁ BÝARBÓKA­ SAVNINUM Malan Hilmarsdóttir BÝARBÓKASAVNIÐ Á BÓKA SAVNINUM FEBRUAR 2015 Árið 2014 hilnaðist væl hjá Býar­ bókasavninum í Havn. Talið av vitjanum var hægri enn nakrantíð áður, 119.000, og eru tað 4.000 fleiri enn í 2013. Tað vóru eisini 418 fleiri, sum læntu tilfar, og tað er ein hækking á 12%. Ein orsøk er helst tann, at Býarbókasavnið á vári í 2014 fór undir at læna út e-bøkur, ljóðbøkur, filmar og annað tilfar á netinum. Samstundis hevur talið av siðbundnum bóka­útlánum verið lækkandi síðstu árini. Hetta er ein gongd, sum eisini sæst í øðrum londum, og sum ber boð um, at bókasavnsvanarnir eru í broyting. Brúkarum í dag tørva, at bókasavnið í størri mun enn áður miðlar ta vitan og kunning og tær mentanartænastur, sum bókasavnið bjóðar atgongd til, og hetta er eisini nakað, sum sást aftur í virkseminum hjá Býarbókasavninum í 2014. Av slíkum tiltøkum í 2014 kunnu nevnast: átta rithøvundatiltøk við upplestri og samrøðum, níggju lesiringakvøld við 4-6 lesiringum hvørja ferð, níggju skapandi tiltøk fyri bæði børn og vaksin, fimm listaframsýningar við føroyskum listafólkum, sjey bindikaféir við fyrilestrum, umframt ein hóp av smærri bókaframsýningum, útgávutiltøkum og øðrum kunn­andi og upplýsandi tiltøkum. Nógvir lánarar spyrja alsamt eftir bókum á enskum máli, og bókasavnið hevur tí lagt seg eftir at keypa fleiri bøkur á enskum, bæði til vaksin, ung og børn. HER ERU NAKRAR AV TEIMUM NÝGGJASTU BÓKUNUM TIL VAKSIN RICHARD FLANAGAN hevur skrivað THE NARROW ROAD TOO THE DEEP NORTH. Kærleiki, deyði og kríggj eru í høvuðsheitum eyðkennini fyri hesa søgu. Árið er 1943, og í einari japanskari fangalegu á Burma, á tí sokallaðu deyðans jarnbreyt, stríðist skurðlæknin Dorrigo Evans fyri, at menninir undir hansara leiðslu ikki skulu doyggja í hungri, av kolera ella verða bukaðir til deyðis. Dorrigo sjálvur verður eltur av minnunum um eina gølu, ið stóðst av sambandi hansara við eina unga kvinnu í familjuni. NORA WEBSTER er heitið á sera væl skrivaðu bókini eftir COLM TOIBIN. Í einum lítlum býi á eysturstrondini í Írlandi býr Nora Webster, ið nýliga er blivin einkja. Hon er ein klók, men til tíðir nakað snarsint kvinna, sum hevur ilt við at sleppa minnunum um mann sín, men hon roynir sum frægast at lívbjarga sær og sínum fýra børnum. Eisini minnini um mammuna, og hvat tað var, sum gjørdi, at tær báðar sótu so illa um sátt, pína hana. LILA er søgan um ungu gentuna, sum heimleys hevur reikað runt á vegunum, og sum ein dagin kemur inn í eina kirkju í býnum Gilead í Iowa. Hetta broytir fullkomiliga lív hennara, hon giftist við prestinum, John Ames, og byrjar eitt vanligt trygt lív. Nýfunnin kærleiki og tryggleiki eru tó ikki altíð so lættir at sættast við. MARILYNNE ROBINSON hevur skrivað bókina Lila, eins og bøkurnar Gilead og Home, sum eisini snúgva seg um persónar úr býnum Gilead. ACADEMY STREET eftir MARY COSTELLO er ein livandi og hjartanemandi søga um kvinnuna Tess, ið vaks upp  í Írlandi í 1940´unum. Longu sum smágenta missir hon mammu sína, og hetta merkir hana fyri lívið.  Hon flytur seinni til New York og búsetist á Academy Street. Hon upplivir lukkuliga dagar, men eisini stórar sorgir, og øll árini tráar hon støðugt eftir at hoyra til.