mánadagur 23. februar 2015síða 51

vika 9 l 23. FEBRUAR 2015 Ókeypis lýsingablað 19 vikustólurin Familja og mínir deiligu starvsfelagar gera meg í góðum lag Lýs teg sjálvan við trimum orðum? Jaligur, arbeiðssamur og kreativur Hvat merki er bilur tín? Ford Focus Hvat merki er telefon tín? Iphone 6 Hvør er tín besta summar­ frítíðaruppliving? Tað hava verið nógvar góðar. Ein sum ikki er verd at skriva heim um er, tá eg og Pól Arni Holm vóru á Kos í 2003, kritahvítir, lekkrir og smekkrir Hvat orð ella hvønn setning nýtir tú oftast? Super duper Hvørjum hyggur tú at hjá hinum kyninum? Lyndið hevur nógv at siga. Heldur eina minni vakra við góðum og jaligum lyndi enn eina vakra við neiligum lyndi. Men tíbetur havi eg fingið bæði í posa og sekk hasum viðvíkjandi Hvat ger teg í góðum lag? Mín familja og mínir deiligu starvsfelagar. Eg eri so heldigur at hava góð fólk rundanum meg alt døgnið. Hvat stressar teg? Tá eg føli eg ikki røkki til heima og á arbeiðinum. Hvør er tín yndisrættur? Allur føroyskur matur Hvat gleðir teg? Eg eri generelt glaður. Vit hava nógvar góðar vinir og dáma væl at vera saman til ein góðan døgurða og gott prát. M. a. tað gleðir meg. Hvat var seinasta ynskið, sum tú fekst uppfylt? Veit ikki ordiliga? Man setur sær mál/ynskir allatíð og arbeiðir fram ímóti teimum. Hvar arbeiðir tú? Í meklarafyritøkuni INNI Hví valdi tú at arbeiða innan júst hesa vinnu ella øki? Hetta er eitt sera spennandi arbeiðspláss við nógvum ymiskum dagligum uppgávum og avbjóðingum, har ongin dagur er líka. Hvør er stuttligasta uppliving tín í starvinum? Tað eru nógvar. Men ein, eg komi í tankar um beint nú er, tá ein kollegi (ein hvalbingur) skuldi taka eini hús inn til sølu og fór í skeiv hús. Ongin var inni, so hann ruddaði eitt sindur, tók myndir v. m. Dagin eftir ringdu onnur í bygdini og spurdu, um hann ikki eisini kundi koma at rudda húsini hjá teimum Hvørjum tónleiki lurtar tú eftir? Mær dámar øll sløg av tónleiki, bara góðskan og handverkið er í ordan. Havi sjálvur spælt tónleik í nógv ár. Hvat er besta uppfinningin og hví? Um eg skal velja eina burturúr, so er pencilin eitt gott boð. Hvat er besta íløgan, tú hevur gjørt? Húsini á Perskonugøtu, sum eg keypti frá INNI, áðrenn eg varð settur í starv. Hvat er títt besta heimaráð? Lær teg jantelógina uttanat og ger so tað mótsatta. Onki er so sjarmerandi við fólki, sum tá tey gleðast um, at tað gongur væl hjá øðrum. Tað er umráðandi at vera tú sjálvur og ikki leggja so nógv í, hvat onnur siga og gera. Veit ikki, um tað er eitt heimaráð, men tað er í øllum førum eitt gott ráð Hevur tú nakað húsdjór?  Bubbi Anna – Heimsins fittasti undulátur. Hann dugur at floyta Tvøroyrasangin “Í summarskrúð bjørt Suðuroyggin lá” og TB sangin Eisini hava vit hønur. Hvat hevði tú gjørt, um tú vann eina millión? Ein partur hevði farið til at gjalda skuld niður og ein partur at brúka saman við familju, vinum og til ferðing Hvat hevði tú gjørt, um tú vann tíggju milliónir? Goldið alla mína skuld og sett í fasta ogn. Og sjálvandi forkelað tey nærmastu. Hvat er best við Føroyum og hví? Tað kennist trygt og gott hjá børnunum at vaksa upp. Hvar ert tú um 10 ár? Ikki ánilsi fyri tí. Kanska í sama stað - nógvar royndir ríkari. Navn: Dánjal Jákup Wiberg Holm Lær teg jantelógina uttanat, og ger so tað mótsatta