hósdagur 26. februar 2015síða 10

Fríggjadagur 27. februar 2015 sosialurin 24 10 tíðindi Jørgen Niclasen hevur hvørki svikað ella snýtt Fýra fjølmiðlafólk eru nú dømd at rinda tilsamans 195.000 krónur fyri at ærumeiða Jørgen Niclasen Áki Bertholdsen J ørgen Niclasen, lands­stýris­ maður í fíggjarmálum, hev­ ur hvørki snýtt ella svikað í tolli. Tað er niðurstøðan hjá dóm­ar­ an­um í Føroya rætti, nú avgerðin er fallin í tí, sum á manna munni hevur verið kallað tollmálið. Í fleiri greinum á Portalinum, og tíðindasendingum í Kringvarpinum, hevur Jørgen Niclasen verið skuld­ settur fyri at hava snýtt í tolli við tað, at hann fekk ótollaðar vørur av goymsluni hjá Skipafelagnum, tá ið hann í sínum ungu døgum var stjóri í Niclasen-fyritøkuni í Sørvági. Tað endaði við, at Jørgen Niclasen stevndi fýra tíðindafólkum fyri æru­ meiðing. Og í gjár dømdi Føroya rættur Liljuna Weihe, tíðindaleiðara í Kring­ varpinum, og Dia Midjord stjóra í Kringvarpinum, 20 dagbøtur á 1.000 krónur, ella 20.000 krónur í bót í part. Jan Lamhauge, journalistur í Kring­varpinum, fær 10 dagbøtur á 1.000 krónur, ella 10.000 krónur í bót, og Sveinur Tróndarson, sum var tíðindamaður á Portalinum, tá ið málið var uppi, fær eisini 20 dag­ bøtur á 1.000 krónur, ella 20.000 krónur í bót. Tey skulu eisini rinda Jørgen Nicla­sen 50.000 krónur í endurgjaldi fyri tort og sviða,  tó skal Jan Lam­ hauge í mesta lagi rinda 5.000 krónur. Harumframt skulu tey rinda Jørgen Niclasen 75.000 krónur í sakar­málskostnaði. Sostatt kostaði tað hesum fýra fjøl­miðlafólkunum tilsamans 195.000 krónur at hava ærumeitt lands­stýris­ mannin í fíggjarmálum. Samstundis er tað, sum er sagt og skrivað um Jørgen Niclasen í hesum máli, dømt deytt at vera. Men tað er í øllum førum eisini greitt, at síðsta orðið er ikki sagt í hes­ um sakarmálinum enn, tí í skrivandi løtu hevur Sveinur Tróndarson longu gjørt av at skjóta dómin inn fyri lands­rættin. Einki prógvað av nøkrum Dómarin í Føroya Rætti sigur, at bæði tollmyndugleikarnir í Vágum og í tollmyndugleikarnir miðfyrisitingini í Havn, vistu, at ótollaðar vørur vórðu tiknar av goymsluni. Men tey gjørdu einki við tað og hava sostatt í stillum góðtikið hesa mannagingdina. Dómarin heldur somuleiðis, at tey fýra fjølmiðlafólkini hava ikki klárað at víst á, hví Jørgen Nicla­sen skuldi hava eina serliga skyldu til at kanna eftir, um heimild var fyri mannagongdini, sum myndug­leik­ arnir høvdu góðtikið. Tað er heldur ikki prógvað, at Jørgen Niclasen hevur villeitt Skipa­ felagið ella hevur gjørt sær dælt av eini slíkari villleiðing við tí endamáli at fáa ótollaðar vørur útflýggjaðar av goymsluni í Sørvági. Harafturat er tað heldur ikki prógv­að, at hvørki landskassin, ella Skipa­felagið hava mist pening av tí, at ótollaðar vørur eru útflýggjaðar av goymsluni í Sørvági. Tvørtur ímóti er tað prógvað, at lands­kassin ikki hevur mist pening av hesum sigur dómarin í Føroya Rætti. Skulu verjast Dómarin í Føroya rætti staðfestir, at, eins og øll onnur, skal Jørgen Niclasen ikki noyðast at tola tað, at skuldsetingar um álvarslig brotsverk verða førdar fram í fjølmiðlunum, hóast einki grundarlag er fyri at føra tær fram. Hetta er serliga galdandi, tá ið tey, sum føra slíkar skuldetingar fram, alla tíðina hava vitað frá løgregluni um, at ber ikki til at staðfesta nakað revsivert. Dómarin leggur dent á, at fjøl­ miðlafólkini lættliga kundu havt borið søguna fram um, at lógin ikki var hildin uttan at ærumeiða Jørgen Niclasen við skuldsetingum um svik, tí tær høvdu hvørki týdning, ella vóru neyðugar fyri søguna. Dómarin leggur eisini dent á, at í einum lítlum samfelagi sum tí føroyska, er tað neyðugt fyri fólka­ ræðið, at fjølmiðlar ikki ógrundað sleppa at skuldseta fólkavaldar og verjuleysar politikarar fyri at hava brotið lógina. Avleiðingin av tí kann vera at fólk fara at aftra seg við at stilla upp. Sostatt kann tað vera ein hóttan ímóti vallistunum, við tað, at tað fáast ikki nokk av valevnum, heldur dómarin. »Avleiðingin av tí kann vera at fólk fara at aftra seg við at stilla upp« – Í einum lítlum samfelagi sum tí føroyska, er tað neyðugt fyri fólkaræðið, at fjølmiðlar ikki ógrundað sleppa at skuldseta fólkavaldar og verjuleysar politikarar fyri at hava brotið lógina, sigur dómarin í Føroya rætti