hósdagur 26. februar 2015síða 12

Fríggjadagur 27. februar 2015 sosialurin 24 12 Laksalúsin er helst tann størsta avbjóðingin hjá alingini, men Regin Jacobsen, stjóri á Bakkafrost, gevur henni eisini æruna fyri, at alingin ikki veksur skjótari, enn hon ger, um allan heim og har­ við veitir trygd fyri einum framhaldandi góðum laksamarknaði. Í summar tekur Bakkafrost ein stóran, nýggjan brunnbát í brúk, ið sum nakað heilt nýtt eisini skal nýtast til at avlúsa laks við feksvatni Lúsakríggj tema Ingolf S. Olsen – PRESS K ring allan heim verða risa­stórar íløgur gjørdar í gransking og menning av hættum at berjast ímóti laksalúsini. Tí síðani bilbukt er fingin við teimum stóru dreparasjúkunum í ali­vinnuni – her heima man ILA standa fremst í minninum – er laksa­ lúsin størsta avbjóðingin í vinnuni. Stóru trupulleikin er, at lúsin støðugt verður mótstøðufør móti støð­ugt fleiri viðgerðarevnum, og tí má finnast upp á okkurt annað eisini. Men sambært Regini Jacobsen, stjóra í Bakkafrost, er laksalúsin, tó at hon elvir til nógv høvuðbrýggj, eis­ ini alivinnuni kring allan heimin ein góður tænari. – Tann stóra avbjóðingin er altíð laksalús, men tann stóra trygdin fyri einum framhaldandi góðum laksa­ marknaði, er eisini laksalúsin. Hon ger nevniliga, at alingin ikki veksur skjót­ari, enn hon ger, um allan heimin, sigur hann. Ein neyðug bremsa Øll tey fyrivarni og verjutiltøk, sum í dag verða gjørd fyri at halda lúsini niðri, eru við øðrum orðum tann neyð­uga bremsan, ið má verða fyri at byrgja fyri, at alt fer av sporinum aftur. – Tá vit í 1980’unum framleiddu 10.000 tons til samans av alifiski um árið, var vanligt við fiski, sum var bitin niður í nakka av lús. Í dag kem­ur tú ongantíð út í ta støðuna, sjálvt um vit nú ala umleið 80.000 tons. Vit telja lýsnar í minsta lagi 14. Hvønn dag og vita akkurát, hvussu nógv er av kynsbúnari, fastsitandi lús o. s. fr., og vit grípa inn, áðrenn lúsin sleppur at nøra seg. Vit brúka orku upp á at halda henni niðri, og hjá okk­um ganga vit í dag øgiliga høgt uppí í dag, at tað ikki skal vera meira enn ein lús fyri hvørjar tveir fiskar. Hetta er fyri at frammanfyri, tí um tú ikki gert nakað, fyrr enn tú ert upp ímóti markvirð­inum, so kanst tú skjótt verða ov seinum, um til dømis veðrið spælir okkum eitt pussveður og vindur knappliga ikki eru til vildar í fleiri daga. Hinvegin skulu vit eisini ansa eftir ikki at avlúsa ov ofta við kemikalium, tí so verður lúsin skjót­ari mót­støðufør, greiðir Regin Jacobsen frá. Feskvatn er lúsaeitur Í juni væntar Bakkafrost at kunna taka nýggja brunnbátin Hans á Bakka í brúk. Báturin verður bygdur í Turka­landi og skal bæði virka sum van­ligur brunnbátur at flyta tøkufisk frá ali­brúkunum til stóra sláturvirkið, sum nú verður bygt á Glyvrum, og til av­lúsing við feskvatni. – Hetta man vera tann fyrsti brunn­báturin í Norðuratlantshavi, sum er bygdur til viðgerð við fesk­ vatni í einari lokaðari skipan, har fesk­vatnið verður reinsað og endur­ nýtt fleiri ferðir. Í so máta er hann í veruleikanum útgjørdur eins og ein smoltstøð, sigur Regin Jacobsen. Hann hevur góðar væntanir um nýggja bátin. – Hann kann hava 450 tons av livandi fiski umborð í 24 tímar, uttan at vatnið skal skiftast. Royndir vísa, at eftir trimum tímum í feskvatni er laks­urin sloppin av við heilt upp í 97 pro­sent av lýsnum, sigur Regin Jacobsen. Vit eru ikki í einari støðu, har vit ikki hava tamar­hald á støðuni, men í einari støðu, har vit alla tíðina royna at menna og betra okkum« Teldugjørd mynd Lúsin er bæði plága og tænari