mánadagur 23. mars 2015síða 27

27 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 23. mars 2015 · Nr. 34 ítróttur fótbóltur Bæði Víkingur og KÍ høvdu løtur í dystinum, har tað var lætt at fara niður við høvdinum. Tað gjørdi eingin. Víkingur endavendi dystinum til 2-2 og yvirtalsstøðu, meðan KÍ síðani bardi vánaligu útlitini og fingu stig við sær. Sálarliga sterkt av báðum liðum! Tað er ikki fyrstu ferð í ár, at dómari ella hjálpardómari av áskoðarum eru ákærdir fyri at venda sær á og tosa ljótt við áskoðararnar. Er hetta veruleikin, mugu viðkomandi dómarar hugsa seg betur um. Sera óprofessionelt og betrar ikki um umdømið. Tað var Víkingur, sum nú setti dagsskránna. Og tað vóru ikki fleiri enn fimm minuttir farnir, tá ið ný­klakti lands­liðs­leikarin, Andreas Lava Olsen, stakk høvdið fram eftir innlegg úr høgru síðu og stútaði bólt­in inn framvið nærmaru stong. Víkingur hevði nú mink­að um munin til 2-1 og spenn­ ing­ur var aftur í dystinum. Reytt kort Stutt eftir 2-1-málið hjá Víkingi gjørdust líkindini fyri einum comback betri. Lið­skiparin hjá KÍ, Jonas Flindt Rasmussen, fekk nevn­iliga seinna gula kortið og varð rikin av vølli. Víkingur hevði nú góðan hálv­an tíma at fáa javnað og møgu­liga enn meiri enn tað, og tað skuldi bara ganga sjey min­uttir til tað stóð á jøvn­um. Eftir trunkaspæl og samrøðu ímillum dómara og hjálpar­dómara varð avgjørt, at Víkingur skuldi hava brots­spark. Hesum tók Súni Olsen sær av; bólturin varð send­ur upp í málhornið og so stóð á jøvnum 2-2. Aftur KÍ Hóast Víkingur nú av álvara hevði vind í seglunum við útjavnandi máli, yvir­tals­ støðu og einum trýsti á KÍ- málið, so var tað KÍ, sum lúrdi eftir mótálopum og eis­ini fekk úrtøku burturúr tí. Sørmundur Kalsø sníkti seg ímillum eitt uppspæl hjá Víkingi. Hann setti ferð á og rann mest sum alla longd­ina av vøll­inum fram á bak­linj­una, haðani hann sendi bóltin innfyri til Páll A. Klettskarð, sum tveitti seg í ein stútara og fekk sneitt bóltin í málið handan inn­ skifta Elias Rasmussen. 3-2 til KÍ og enn ein kúg­vend­ing í dyst­inum. Málið fall tíggju min­ uttir fyri leiklok, og júst sum væntað, so var tað Víking­ ur, sum legði stórt trýst á KÍ-málið seinastu løt­una. KÍ-liðið parkeraði buss­in við egn­an málteig, og eitt mót­ svar hjá Sigfríði Clementsen var at senda Atla Gregersen fram í álopið. Aftur javnt So hvørt sum skotroyndirnar hjá Víkingi fóru framvið mál­inum og einstakar eisini bjarg­aðar av Meinhardti Joensen, kom heimaliðið í tíðar­neyð. Men júst sum tað líktist einum KÍ-sigri, so var ein KÍ-ari avgerandi fyri, at tað ikki skuldi henda. Og so í sjálvum 90. minutti. Ein av mongu bóltunum, sum Víkingur lossaði fram í feltið, sigldi framvið fyrsta luft­dyst­inum, og tá ið Mayowa Alli skuldi stúta bóltin burtur av vandaleið, rakti hann bóltin illa og var so­mikið óheppin, at bólturin fór í egið mál. 3-3 í evstu løtu og hetta gjørdist eisini enda­ liga úrslitið. Tað er alt eftir hvør er optimist ella pessimist, hvørs tað skal sigast, um Víkingur fram­vegis er ósigrað ella ikki hevur vunnið ein dyst enn. Tað er undir øllum um­støð­ um veruleiki, at Víkingur hev­ur spælt javnt í fýra teim­ um fyrstu dystunum. KÍ vann sær fimta stigið í ár. Helst eru kenslurnar bland­aðar í Klaksvík eftir dystin, sum teir stevndu beint ímóti at vinna, men eina løtu seinni eisini vóru við tann greiða undirlutan. 3-3-javnleikur mátti tó saman­umtikið vera á einari leið dystar­gongdina havt í huga. albinus@sosialurin.fo 3 Meinhardt Joensen Trý mál er nógv at lata ígjøgnum, men hann vardi fyri einum møguligum fjórða máli og tað hálar hann upp á miðal. 4 Sørmundur Kalsø Átti stóran lut í 3-2-málinum við framúr góðum frambroti. Í verjustøðu hevði hann úr at gera og har stóð hann seg rímiligt. 2 Jonas Flindt Rasmussen Stóð seg væl og ruddaði nógvar bóltar burtur áðrenn hann fekk tvey óneyðug gul kort og varð útvístur. Kostaði nógv. 3 Ísak Simonsen Kom undir stórt trýst sum einasti miðverjin, ið spældi allan dystin. Ongar sjónligar villur og kom rímiliga væl frá tí. 3 Mayowa Alli Kropssterkur leikari, sum heldur seg tætt mótstøðumanninum og ikki letur nógv pláss. Var óheppin og gjørdi kostnaðarmikið sjálvmál. 3 Henry Heinesen Royndist væl sum vongleikari. Setti ferð á og var atsøkjandi. Skoraði eitt mál upp á brotsspark. 3 Tórur Justesen Var við til at leggja trýst á í fyrra hálvleiki, men datt spakuliga úr dystinum og varð útskiftur. 4 Ndende Adama Guéye Leikluturin sum slítarin á miðvøllinum er umráðandi ímóti Víkingi, og væl var frágingið. Fylti nógv og eirindaleysur. 3 Hjalgrím Elttør Gott avrik við bóltinum í dag. Sniðgevin handan nógv av uppspølunum, sum løgdu trýst á Víking. 3 Kenan Hajdarević Tiltuskaði sær brotsspark og var samanumtikið vandamikil. Sansar seg fram á rætta stað í brotsteiginum, men gav einki stórt avkast í dag. 5 Páll A. Klettskarð Týpiskur málrevur. Sæst ikki nógv til hann, men rundar av við tveimum málum. Serliga tað seinna var væl sneitt í málið. spælarameting Vit mistu tvey stig Meinhardt Joensen, var eftir dystin heldur mis­ nøgdur við eina stigið. – Man kann tosa um at eitt stig á útivølli ímóti Víkingi er í lagi áðrenn man veit hvussu dysturin formar seg, men eg haldi, at vit missa tvey stig í dag, segði Meinhardt, sum tó eisini segði, at hann var glaður fyri at síggja hvussu hart menn hansara arbeiddu. Myndir: Álvur Haraldsen 1 til 6 Víkingur: Geza Turi (45. Elias Rasmussen) – Gert Hansen, Atli Gregersen, Erling Jacobsen, Hanus Jacobsen – Sølvi Vatnahmar, Súni Olsen, Hans Jørgen Djurhuus (29. Heðin Hansen) Filip Djordjevic ■ – Andreas Lava Olsen, Finnur Justinussen KÍ: Meinhardt Joensen – Sørmundur Kalsø ■, Jonas Flindt Rasmussen ■■■, Ísak Simonsen, Mayowa Oladele Alli – Henry Heinesen ■ (62. Evrard Blé ■) Ndende Adama Guéye, Tórur Justesen ■ (64. Jákup B. Andreasen) – Hjalgrím Elttør (88. Jóannes Bjartalíð) – Páll A. Klettskarð, Kenan Hajdarević 0-1: Henry Heinesen, 8. (br.) 0-2: Páll A. Klettskarð, 34. 1-2: Andreas Lava Olsen, 54. 2-2: Súni Olsen, 65. (br.) 2-3: Páll A. Klettskarð, 80. 3-3: Mayowa Oladele Alli, 90. (sj.) (0-2) 3-3 Dómari: Eiler Rasmussen Kristian Joensen kí Við 10 móti 11 á útivølli móti liðnum, ið sigur at teir verða meistarar, má verða góðtikið.. MEN MEN, vit áttu at vunnið.. Men nú haldi eg at dómarnir ella leikarnir mugu taka seg saman. 10 reyð kort í 4 teimum fyrstu umførinum. Okkurt er heilt galið! fjepparin Petur Asbjørn Lervig víkingur Vil fyrst takka KÍ fyri tað útjavnandi málið. Man kundi tikið nógv fram um dystin, bæði dømingar og til tíðir hartspæl. Men vit lata tað liggja. Aftur ein javnleikur er ikki gott nokk um vit ætla at liggja í toppinum. Men vit koyra á aftur næsta dyst. WLYV fjepparin