mánadagur 30. mars 2015síða 36

20 nr. 3 I 30. mars 2015 Vinnublaðið hjá Miðlahúsinum t vit eiga skapandi, eldhugað og nýhugsandi ungdómar her á landi er tað væl eingin sum ivast í longur. Tá ið FM í íverksetan 2015 var á skránni fyrr í ár, vóru fleiri spenn­andi og góð hugskot í skjátt­uni hjá teimum ungu næmingunum. Vinnararnir gjørdist næmingarnir úr Eystur­skúlanum, Ólavur Weihe Joensen, Dánjal Hansen og Niklas Túgvustein, og teirra verk­ætlan »Faroe Wasabi«. – Ætlan okkara er at dyrka og framleiða dygdargott føroyskt wasabi. Í løtuni er um­ leið 95% av øllum wasabi, ið verður selt á marknað­inum í roynd og veru ikki wasabi, men ein blanding av piparrøtum, matliting og sinnopi. Av hesi orsøk hava vit valt at leggja sera stóran dent á dygdina á okkara vøru, og at selja røtur ístaðin fyri wasabi í tupum, soleiðis at kundin veit hvat hann fær, sigur Ólavur. Wasabi kann einans dyrkast fáa støð í heim­inum og prísurin er eisini har eftir; 1500 kr/kg. Hóast hetta meta teir tríggir, at vit í Føroyum hava júst tær røttu umstøðurnar at dyrka wasabi, eitt nú viðvíkjandi brúk av grund­vatni, sum hevur ein støðugan hita, soleiðis at tað ikki er neyðugt at brúka orku til at hita vatn upp við. – Eftirsum at eingin hevur roynt at dyrka wasabi í Føroyum áður, eru vit enn á einum granskingar­stigi, og tískil hava vit gjørt eina sam­starvsavtalu við Búnaðarstovuna, ið er tilreiðar at veita okkum millum annað ráð­gev­ing og jarðarstykki. Eisini gera vit sam­ starvs­avtalu við Jarðfeingi um ráðgeving við­ víkjandi grundvatninum, greiður Ólavur frá. Verkætlanin er á byrjanarstøðið enn, men tað, sum spratt burturúr einari skúlakapping, verður nú royndarkoyrt, og úrslitið kann síggjast um eitt gott ár. Evropeiski marknaðurin áhugaverdur Ein wasabi fyritøka kann neyvan yvirliva við bert at selja til føroyska marknaðin. Sambært yvirlitið hjá heilsølum í Føroyum, verða tað árliga einans innflutt nøkur fá 100 kg av wasabi; eitt samlað virði á undir 50.000 kr. Men tann evropeiski marknaðurin kann vera áhuga­verdur fyri Faroe Wasabi. – Tann evropeiski marknaðurin er sera viðkomandi fyri okkara fyritøku, tí í løtuni er bert ein onnur fyritøka í Evropa, ið dyrkar og selur wasabi, og hon er staðsett í Bretlandi. Av hesum orsøkum hava vit ein fyrimun, tí í løt­uni kemur tað mesta av wasabi, ið tann evropeiski marknaðurin keypir, heilt frá Japan og Kina, sigur Ólavur. Tískil verður wasabiið ikki so fríkst sum gjørligt, og harumframt koma nógv avgjøld á vøruna. – Tað vil siga, at um evropearar keypa Ætlan okkara er at dyrka og framleiða dygdar­ gott føroyskt wasabi Føroysk matmentan A Tá ið árliga FM í íverksetan var á skránni fyrr i ár, gjørdist tað ungu næmingarnir úr 10. flokki í Eysturskúlanum, sum áttu besta hugskotið. – Okkara dreymur er at framleiða og selja føroyskt wasabi, sigur Ólavur Weihe Joensen, ein av stigtakarunum Barbara Holm Dreymurin er at selja føroyskt wasabi í heims­klassa