týsdagur 31. mars 2015síða 21

21 Mikudagur 1. apríl 2015 · Nr. 38 Sosialurin Hugskot og viðmerkingar – send sms til 225000 meldurin um, at tónleikurin er tað, sum er rætt fyri meg. Men tað skal vera mín egni tónleikur, sigur hann. Enn hevur Jógvan Joensen nakrar konsertuppgávur um­ vegis X-Factor, men tær eru ikki so nógvar í tali næstu tíðina. Ótrúlig uppliving í Boxen Sum áðurnevnt var stóra finalan í X-Factor í kendu kon­serthøllini Boxen í Hern­ ing, og Jógvan Joensen dylur ikki fyri, at hetta var ein heilt serstøk uppliving. – Tað var heilt fantastiskt at standa á pallinum í Boxen. Tá ið vit høvdu ljóðroynd fríggjadagin, hugsaði eg, at tað var einki fyri at standa á pallinum har, men tá ið eg so skuldi framføra fyrstu ferð fríggjakvøldið, má eg við­ganga, at eg var ikki sørt fjáltur­stungin. Men tað hvarv alt, tá ið eg fyrst kom á pall­in. Eg trúgvi eisini, at tá ið tú gert nakað, sum tú gert við gleði, so hvílir tú eisini í tær sjálvum, sigur Jógvan Joensen. Hann greiðir frá, at með­ an hann stóð á pallinum í Boxen, so legði hann eisini til merkis, at tað vóru heilt nógv føroysk fløgg at síggja. – Eg veit sjálvandi, at familj­an hjá mær var har, men har vóru heilt sikkurt eisini nógvir aðrir føroyingar, so tað var hugaligt at síggja, sigur hann. Bíðar eftir útmelding frá Sony Records Í sambandi við luttøkuna í X-Factor hevur stóra plátu­ felagið Sony Records fyrsta­ rætt til at gera plátusáttmála við Jógvan Joensen, og hann bíðar í løtuni eftir svari frá teimum. – Teir skulu boða frá í sein­asta lagi tvær vikur eft­ir finaluna, um teir vilja gera sáttmála ella ikki. Tað er ein fínur sáttmáli, sum er rættiliga frælsur, so at eg sleppi at gera mín egna tón­ leik, um vit koma har til. Hoyri eg einki frá teimum, so steðgar tað ikki har. Nú hugsi eg fyrst og fremst um eina útgávu við mínum egna tónleiki, sigur hann. Jógvan Joensen dylur ikki fyri, at hann ætlar at gera sær dælt av, at hann er so nógv frammi í løtuni. – Beint nú eri eg eitt kent navn, og tað ætli eg sjálvandi eisini at gera mær dælt av, sigur hann. Verður allatíðina steðgaður á gøtuni Nógva umrøðan í sjón­varp­in­ um og í øllum øðrum donsk­ um miðlum hevur havt við sær, at Jógvan Joensen í dag er eitt kent andlit í Danmark, og fuglfirðingurin viðgongur, at tað er eitt sindur løgið at ganga á gøtuni í Danmark í hesum døgum. – Tað er fullkomiliga sur­ realistiskt. Eg eri púra víst eitt kent andlit á gøtuni beint nú, og eg verði allatíðina steðgaður av fólki, sum vilja taka eina mynd ella fáa autograf. Tað er øgiliga stutt­ligt, men tað er eisini strævið til tíðir. Eg skal ofta skunda mær, og tá havi eg ikki so góða tíð til at steðga á og práta við fólk, og tá ið eg veruliga skal skunda mær, so noyðist eg at taka ein hýruvogn, sigur Jógvan Joensen flennandi. Mánakvøldið var Jógvan Joensen ein túr úti í býnum og fekk sær ein bita á einari av kendu matstovunum hjá Jensen’s Bøfhus. – Tað var faktisk rættiliga strævið, tí eg bleiv allatíðina órógvaður, og tað kann vera eitt sindur keðiligt, tá ið man fer út at eta saman við sínum nærmastu, sigur hann. Gleðir seg til gerandisdag í Føroyum Nú páskirnar standa fyri framman sleppur Jógvan Joen­sen eisini loksins heim aftur til Føroya, og tað er nak­að, sum hann gleðir seg ómetaliga nógv til. – Eg fari til Føroya skíris­ dag, og eg gleði meg sjúkliga nógv. Eg havi bara verið í Før­ oyum einaferð hesar tríggjar mánaðirnar, ið alt hetta X-Faxtor rokið hevur staðið á. So eg gleði meg ómetaliga nógv at koma heim til mín sjálvs í Syðrugøtu, blaka bein­ ini upp á borðið og klemma sonin hjá mær, sigur Jógvan Joensen. Hann leggur afturat, at hann eisini gleðir seg ómeta­ liga nógv til at vera saman við vinunum hjá sær heima í Føroyum og bara jamma eitt sindur, sum hann málber seg. – Sum eg segði tær, so er hetta fyrsti frídagur hjá mær í tríggjar mánaðar, og tað er ikki fyrr enn nú, at eg av álvara merki, hvussu hart hetta hevur verið, serliga mentalt. So tað er ótrúliga deiligt at sleppa at kobla úr aftur, sigur hann at enda. Beint nú er Jógvan Joensen eitt so mikið kent andlit á gøtuni í Danmark, at hann ikki kann ganga í frið. Skal hann skunda sær onkustaðnis, er hann noyddur at taka hýruvogn Mynd: Polfoto