hósdagur 9. apríl 2015síða 12

Fríggjadagur 10. apríl 2015 sosialurin 40 12 Barbara Holm Á triðju hædd nýggja bygn­ ing­inum á Lands­sjúkra­ húsinum situr Shahin Gaini í einum við­gerðar­ rúmið á medisinsku deild. Shahin er yvirlækni á deildini, men hann leggur dent á, at í dag úttalar hann seg ikki sum yvirlækni. Í dag úttalar hann seg sum privatpersónur, og ikki vegna Lands­sjúkrahúsið. – Tað, sum eg havi at siga, sigi eg sum ein royndur ser­ lækni, sum óttast fyri framtíðini hjá føroyska sjúkrahúsverkinum, sigur Shahin. Viðgerðarhølið á triðju hædd eru ikki hansara undir vanligum um­ støðum. – Her plagar giktalæknin at sita, men nú er hann eisini farin, greiður Shahin frá. Og júst tóma kontórið hjá gikta­ læknanum er enn eitt dømi um støð­ una á Landssjúkrahúsinum. Syrgiligu og visjónsleysu støðuna, sum stendur við og versnar. »Hvar skal eg byrja« spyr Shahin, og leitar fyrst av øll­ um eftir einari lýsing av politiska myndug­leikanum, sum eigur evstu ábyrgd av sjúkrahúsverkinum. – Her hjá okkum er ein stór ónøgd við tað vantandi politisku leiðsluna. Politikararnir lurta ikki eftir fakligum til­ráð­ingum, og taka so at siga altíð onnur samfelagslig atlit framum, sigur Shahin. Politikararnir halda fast um, at tað skulu vera trý sjúkrahús í Føroyum, men vilja ikki siga hvat skal vera á hvørjum sjúkrahúsið. Heldur enn at leggja eina ætlan fyri hvussu sjúkra­hús­verkið skal innrættast í fram­tíðini, tvíhalda politikarar um at síggja sjúkrahúsverkið sum eitt ar­beiðs­pláss, ein almennan stovn, eina skattainntøku. – Men eingin spyr eftir hvussu sjúk­lingurin skal uppliva sjúkra­hús­ verkið, sigur Shahin. Lokalpolitikkur liggur til grund fyri, at tvíhildið verður um trý sjúkra­ hús, meðan eingin torir at nerta við hvat skal vera á hvørj­um sjúkra­húsið sær. Og júst vant­andi kjakið um enda­ málið við sjúkrahúsverkinum er tað, sum er størsti vandin í dag. Sjúklingurin má vera tilvitaður um vandan Kjakið um trý sjúkrahús kontra eitt sjúkrahús endar mangan í ein­um lokalpolitiskum ellibita, har fýlst verður á, at spurnartekin yvir­høvur verður sett við, um tað er fak­liga ráðiligt at hava trý sjúkra­hús. Men hvat liggur aftanfyri lækna­ligu til­mælini um, at tað mesta skal mið­savn­ ast á einum stað? Shahin vísur á eitt dømi um barnsburðar­deild­ina á Tvøroyri. Fakliga tilmæli frá Lands­sjúkra­ húsinum og Landslæknin segði fyri nøkrum árum síðani, at tað ikki var ráðiligt at hava barnsburðardeild á sjúkra­húsinum á Tvøroyri. – Og orsøkin er sera einfalt tann, at man metti ikki tað var ráðiligt at lata kvinnur føða á einum sjúkrahúsið, har hvørki ein narkosulækni ella ein kirurgur eru knýttur fast at sjúkra­ hús­inum. Um til dømis ein bráð­ feingis keisaraskurður má gerast, so er eingin serlækni har at gera tað, vís­ur Shahin Gaini á. Men her varð serfrøðiliga til­ mælið sett til viks, tí politiskt var ikki undir­tøka fyri at niðurleggja barns­ burðardeildina á Tvøroyri. Og tað í sær sjálvum er fyri so vítt ikki ein trupulleiki, sambært ser­lækn­anum. Trupulleikin kemur, tá ið sjúklingurin ikki er tilvitaður um tann vandan, sum er til staðar. – Eg haldi tað er rætt og rímiligt at kvinnur, sum skulu føða, fáa at vita, at her er eingin narkosulækni ella kirurg­ur tá tú skalt føða, og tað er ein ávísur vandi við tí, sigur Shahin. Men tað er ikki bara á smáu sjúkra­húsunum, at ein vandi er. tema Heilsuverkið Politikararnir seta sjúklingin í váða Her hjá okkum er ein stór ónøgd við tað vantandi politisku leiðsl­ una. Politikarar­ nir lurta ikki eftir fakligum til­ráð­ ing­um, og taka so at siga altíð onnur sam­felags­ lig atlit framum« Shahin Gaini myndir: Fotostudio/Finnur Justinussen – Færri serlæknar eru, og størri arbeiðsbyrðu hvør serlækni hevur, størri er vandin fyri, at sjúklingurin fær skeivu diagnosu ella ov drúgva viðgerðartíð. Politikararnir mugu taka á sín kappa, at teirra vantandi visjón fyri sjúkrahúsverkinum viðførir, at sjúklingar í Føroyum eru í størri vanda enn sjúklingar í grannalondunum, sigur Shahin Gaini, serlækni á Landssjúkrahúsinum Sjúkrahúsið hevur samanlagt umleið 715 ársverk deild á umleið 870 starvsfólk