hósdagur 9. apríl 2015síða 30

Fríggjadagur 10. apríl 2015 sosialurin 40 30 Niels Mortensen nevndarformaður Tórshavn, hin 9. apríl 2015 2014 var eitt gott og hendingaríkt ár hjá Atlantic Airways við einum høgum virkisstigi og nógvum grundleggjandi broytingum í felagnum. Eitt gott ársúrslit, gott gjaldføri, hækkandi ferðafólkatøl – samstundis sum nógvar bygnaðarbroytingar eru framdar – hevur givið nevndini vissu fyri, at nýggja kósin var ein røtt avgerð. Atlantic Airways er eitt sterkt flogfelag, sum við nógvari serfrøði og einum væl útgjørdum flota stendur seg væl í einum heimi, har flogvinnan framvegis er illa sperd. Ársúrslitið meira enn tvífaldaðist í 2014, sammett við 2013. Úrslitið var 20,2 milliónir krónur fyri skatt í fjør, samanborið við 8,7 milliónir krónur í 2013. Eftir skatt kom Atlantic Airways út úr 2014 við 16,5 milliónum krónum. Í 2013 var ársúrslitið 7,1 milliónir krónur eftir skatt. Inntøkurnar øktust seks prosent úr 542,2 milliónum krónum í 2013 upp í 573,7 milliónir krónur í 2014. Talið av ferðandi hækkaði úr 225.200 í 2013 upp í 237.028 í 2014, og tað var ein vøkstur upp á fimm prosent. Gjald­ førið var 103 milliónir krónur um árs­skiftið. Tað er 13 milliónir krónur minni enn í 2013, men nevndin er væl nøgd við støðuna, havandi í huga, at felagið í tíðarskeiðnum samstundis er farið ígjøgnum eina víðfevnda broyt­ingartilgongd, og at felagið eisini hevur keypt aftur egin partabrøv fyri 68 milliónir krónur. Samanumtikið vísa tølini rætta vegin, og nevndin ætlar at halda kósina, sum er løgd í nýggju strategiini. Við nýggju strategiini í hondini er margfeldið í virkseminum minkað, og felagið hugsavnar seg nú um at menna eitt regluligt og støðugt rutunet í Norðurlondum við Føroyum sum snúningsdepli og upphavsstaði. Altjóða ætlanirnar við eyka flogførum til leigutúrar uttan fyri Føroyar eru steðgaðar, og “Atlantic Airways er komið heim”, eins og felagið hevur lagt dent í nýggju strategiini. Rutuflúgvingin er raðfest fremst,og tann orka og tað pláss, sum leypir av rutuflúgvingini, verður selt til leiguflúgving, tá ið tað er møguligt. Øll menning í Atlantic Airways tekur støði í nærøkinum. Felagið ynskir at verða ein virðismikil loftbrúgv til umheimin, sum hevur fleiri ymisk sambond við grannalondini og harvið fleiri ”hurðar” til restina av verðini. Vit hava sostatt flutt bæði Atlantic Airways og umheimin tættari at Føroyum. Nýggj ferðaseðlaskipan Beint eftir ársbyrjan varð gongd sett á arbeiðið at tilevna nýggju strategiina, og longu 18. juni 2014 kundu vit alment boða frá, at úrslitið var “Bíligari, lættari og einfaldari flogferðir”. Tað gjørdist við lágprískalendaranum møguligt at flúgva millum Føroyar og Danmark alt árið fyri 799 krónur hvønn vegin, og tað var eitt stórt framstig. 20 bílig setur eru til taks á megin­ partinum av øllum fráferðum millum Vágar og Keypmannahavn, Billund og Ålborg, og tað svarar til 35.000 bíligar ferðaseðlar um árið. Treytirnar eru, at ferðaseðlarnir verða keyptir í seinasta lagi 60 dagar innan fráferð, og teir kunnu hvørki broytast ella endurrindast. Hesar treytir hava kortini ikki rætt ferðafólkini – tvørturímóti – tí eftir lutfalsliga stuttari tíð kundu vit staðfesta, at 20.000 bíligir ferðaseðlar vórðu seldir – eisini langt fram í tíðina. Higartil eru umleið 30.500 einvegis 799-ferðaseðlar seldir, og summarið 2015 eru slakir 9.000 av hesum bíligu ferðaseðlum seldir. Næsta stigið í broyttu ferðaseðla­ skipanini varð almannakunngjørt í desember 2014 við ferðaseðlunum TÍÐLIGA og ALTÍÐ á øllum rutnet­in­ um, sum eru broytiligari enn 799-ferða­ seðilin, ið bert verður seldur á rutunum millum Føroyar og Danmark. TÍÐLIGA og ALTÍÐ vóru úrslitið av einari nágreini­ligari gjøgnumgongd av allari ferða­seðla­skipanini, ið hevði til endamáls at gera skipanina einfaldari. Talan var um eina drúgva tilgongd við nógvum tøkniligum broytingum. Bíligasti einvegis TÍÐLIGA- ferðaseðilin kostar 949,00 krónur, og bíligasti einvegis ALTÍÐ-ferðaseðilin fæst fyri 1849,00 krónur. Nýggju ferða­ seðl­arnir eru upp í 10 prosent bíligari í byrjunarprísunum, sammett við gomlu ferðaseðlarnar. TÍÐLIGA er ferðaseðilin til ferðandi, ið vilja hava nakað av fleksibiliteti, og sum kunnu bóka ferðaseðilin tíðliga. ALTÍÐ er ferðaseðilin til teirra, ið vilja hava nógvan fleksibilitet, og sum møguliga skulu avstað við stuttum skotbrái. Nógvar reglur, sum áður stýrdu valinum av ferðaseðli, vórðu tikn­ar burtur. Tey áður høgu broytingar­ gjøld­ini fyri ferðaseðlar minkaðu niður í eitt broytingargjald á 200 krónur fyri ein TÍÐLIGA-ferðaseðil. ALTÍÐ- ferðaseðilin kann broytast uttan gjald. Tað er framhaldandi galdandi fyri bæði sløgini av ferðaseðlum, at um ein ferðaseðil verður broyttur, verður ein møguligur prísmunur lagdur omaná. Samanumtikið hevur henda einfaldari ferðaseðlaskipanin – umframt bíligi 799-ferðaseðilin og sum heild lægri ferðaseðlaprísir – verið ein væl móttikin sólskinssøga. Hetta grunda vit á ta sannroynd, at sølan hjá felagnum økist, umframt at seinasta kundakanningin, ið var í februar, vísir eina greiða framgongd í áskoðanini, sum føroysku ferðafólkini hava á prísirnar hjá felganum, sammett við eina kundakanning í oktober 2014. Her kann leggjast afturat, at kanningin í februar varð gjørd eftir, at síðsti parturin av broytingunum í prísum og reglum varð almannakunngjødur 3. desember 2014 við ferðaseðlunum TÍÐLIGA og ALTÍÐ, sum høvdu við sær eina bíligari og greiðari ferðaseðlaskipan. NORÐ og SÓL Ein annar týðandi partur av nýggju strategiini er at arbeiða upp eitt regluligt og støðugt rutunet millum Føroyar, Noreg, Ísland og Stórabretland – NORÐ-ruturnar. NORÐ skal stuðla upp undir vakstrar-møguleikarnar hjá føroyskum vinnulívi, og hetta rutunetið skal eisini verða til gleði fyri føroyska fólkið og ferðafólk, sum ynskja at vitja Føroyar. Í NORÐ-ferðaætlanini eru fýra fráferðir um vikuna til Bergens, tríggjar til Reykjavíkar og tvær til Edinburgh. Aberdeen skuldi upprunaliga verða partur av NORÐ-rutunum, men ætlanin var endurskoðað, og Edinburgh og stóri flogvøllurin har, sum hevur fleiri fyrmunir, sammett við Aberdeen, vóru vald í staðin. Edinburgh er ein fyrimunur fyri ferðandi, sum ynskja at halda frí í einum býi ella ynskja eina samanseting av Edinburgh, Skotlandi og øðrum ferðamálum. Edinburgh hevur eisini nógv sambond við aðrar flogvøllir sum t.d. London City og London Heathrow, ið kunnu gagna vinnulívinum. Hóast vit hava raðfest leigutúrar uttan fyri Føroyar lægri, so flýgur Atlantic Airways framvegis føroyingar beinleiðis til sól og summar. Í summar eru Barcelona og Mallorca í ferðaætlanini. Harumframt fingu føroyingar møguleikan at atkvøða um, hvat ferðamál Atlantic Airways skuldi flúgva til nakrar ferðir í vár. Væl umtókta Facebook-kappingin um eitt ferðamál vísti á Sardinia, har nógvir føroyingar fingu høvið at halda frí í vár. Ein bonusskipan Atlantic Airways styrkti 1. apríl í ár samstarvið við EuroBonus, samstundis sum Súluskipanin so líðandi fer í søguna. Við øðrum orðum fer Atlantic Airways frá tveimum til eina bonusskipan, eins og longu var boðað frá, tá nýggja kósin var almannakunngjørd síðsta summar. Ferðandi fáa Súlu-stempul til og við 31. mars í ár, og Súlu-ferðir skulu brúkast í seinasta lagi 31. mars 2016. Atlantic Airways velur tættari samstarv við EuroBonus, tí tað er ein umfatandi bonusskipan, ið kundarnir kunnu fáa fyrimunir av t.d. við bonusferðum, tá teir ferðast við Atlantic Airways, ella tá teir ferðast víðari við eitt nú Star Alliance feløgum. Vit royna at hava eitt so lagaligt skiftistíðarskeið, sum gjørligt, eftir at kundarnir í nógv ár hava verið vanir við Súlu-skipanina. Kundarnir kunnu brúka øll Súlu-stemplini sum lutvíst gjald at keypa Súlu-ferðaseðlar, áðrenn skipanin fer endaliga úr gildi. Atlantic Airways hevur eisini valt at lata skipanina fara so líðandi úr gildi eftir einum heilum ári, hóast skipanin sambært reglunum kann setast úr gildi eftir trimum mánaðum. Flotin Atlantic Airways hevur trý Airbus 319 flogfør og tvær Bell 412 tyrlur í flotanum. Tað er yvirkapasitetur í Airbus- flogførunum. Vit er framvegis bundin at sáttmálanum upp á eitt flogfar, ið varð leigað til at flúgva leigutúrar fyri Atlantis Rejser til Egyptalands, og sum hevur kostað felagnum fleiri milliónir krónur. Í fyrstu atløgu hava vit tí valt at flúgva NORÐ-ruturnar við Airbus 319 til heystið 2016. Hetta tíðarskeiðið er tískil ein royndartíð at kanna eftir, um grundarlag er fyri at útvega eitt minni flogfar til NORÐ. Framvegis verður hugt eftir, hvat annað slag av flogfari kann verða hóskandi til NORÐ-ruturnar. Tey trý Airbus 319 flogførini eru øll útgjørd við nýggju navigatións- tøknifrøðini frá Airbus, RNP AR 0,1, sum – saman við størri denti á rutu­ flúgvingina – hevur havt við sær munandi betri reglusemi og harvið færri seinkingar. Eitt nú er stundvísið í fráferðum, har seinkingarnar eru minni enn fimm minuttir, økt átta prosentstig, sammett við 2013, og stundvísið í fráferðum, har seink­ ingarnar eru minni enn 15 minuttir, er økt fimm prosentstig, sammett við 2013. Talan er um eina tøknifrøði grundaða á GPS-skipanina, ið nú eisini er sameind við vanligu ILS-skipanina á flogvøllum, og sum samanlagt er eitt sera neyvt tól til innflúgvingar Eitt gott og hendingaríkt ár Frágreiðing frá nevndini í Atlantic Airways til aðalfundin hin 9. apríl 2015