hósdagur 9. apríl 2015síða 42

Fríggjadagur 10. apríl 2015 sosialurin 40 42 ítróttur Jákup Mørk T að var eingin ivi um, hvør var við yvirlutan í fyrstu FM-finaluni millum Kyndil og Neistan. Mest sum beinanvegin skrædnaði millum liðini, og tá Kyndil spakuliga byrj­aði at koma fyri seg, hevði Neistin longu vunnið sær eina somikið triva­ liga leiðslu, at talan gjørdist um sera bratta mótbrekku hjá teimum grønu. Tómgongd í 20 minuttir Fyrstu lítlu løtuna av dystinum brúktu báðir partar til at fáa tamar­ hald á nervunum. Bæði Tomma og Fríða Petersen høvdu í hvør sínum enda nakrar frálíkar bjargingar, men tað var Neistin, sum fyrst fekk hol á. Og so gekk tað bara ein vegin. Ein partur av uppskriftini hjá Kyndli var, at tær skuldu tackla Milicu Rankovic, áðrenn hon fekk møguleika at koma upp í ferð inn móti verjuni. Hesin parturin av verjuspælinum riggaði væl, men tað eydnaðist ofta hjá teim­ um bláu at gera sær dælt av holunum, sum hetta gav longur inni í verjuni. Og fyrst og fremst kundi Kyndil takka eini stórspælandi Tommu Petersen fyri, at dysturin ikki skrædnaði full­ komu­liga longu hetta fyrsta korterið. Heldur ikki í álopspartinum gekk serliga væl hjá Kyndli. Fyrst og fremst gekk álopsspælið ov seint. Tað bar við sær, at tað sjáldan eydnaðist at spæla tunt og harvið fáa Turið A. Samuelsen og Ásleyg Súnadóttir í vanligu eyð­ kendu leiklutir sínar. Hartil stóð Fríða Petersen ein branddyst. Tá hon ger tað, er eingin ivi um, hvør er besti málverjin í landinum. Eitt var, at hon soleiðis tók broddin av teimum skot­royndum, sum Kyndil hóast alt kom til. Annað var, at bjargingarnar eis­ini vórðu fylgdar upp av neyvum út­køstum, og so varð revsingin hjá Kyndli dupult í fleiri førum. Og so taldi tað heldur ikki rætta vegin hjá Kyndli, at Randi S. Wardum mátti av vøllinum við skaða um miðjan fyrra hálvleik. Hon beit pín­ una í so og kom aftur á vøllin, men tá var mótbrekkan nærum vorðin til eitt forberg. Neistin las uppá Í royndunum at venda dystinum royndi Kyndil seg í løtum við 3-3 verj­ uni, sum riggaði so væl, tá tær fyri lítlum mánaði síðani vunnu granna­ upp­gerðina. Hesa ferð hevði Neistin tó lisið uppá, og hóast slík verja ikki leggur upp til tað heilt vakra hond­bólts­ spælið, so gav hetta møguleika hjá Neistanum at renna ígjøgnum fleiri ferðir. Enntá somikið ofta, at hevði Tomma ikki havt nakrar bjargingar móti púr­asta blankum mótspælarum, hevði munurin verið eini 2-3 mál størri í steðginum. Eftir steðgin varð setningurin hjá Kyndli at renna aftaná. Tað megn­ aðu tær væl eina løtu, og smáar 10 min­uttir undan leikloki var mun­ urin komin niður á trý mál. Milica Rankovic noyddist eina løtu av vøll­ inum, tí vøddaskaðin í tjúkk­anum argaði aftur, men hóast hon helst hevði havt betri av at hvílt seg, so varð hon send á vøllin sum skot­ hóttan eina løtu afturat, at lønina fekk Neistin eisini. Tað eydnaðist at punktera tepru Kyndilsvónina, og so kundi sigurin koyrast heim. Mugu skora meira Stóri glottin hjá Kyndli eftir steðgin var Marianna Geirsdóttir Eystberg. Hon er júst fylt 17, og kropsliga kundi og skuldi hon kansa havt trupulleikar av Neistaverjuni. Skotstyrkin er tó somikið góð, at hon fær skotið úti­ frá, og valdi tær bláu at koma út at tackla, hevði hon eisini skjótleikan til at smoyggja sær ígjøgnum. Hetta í sjálvum sær var ikki nóg mikið hjá Kyndli, og tað er eisini ov nógv at leggja á herðarnar á einum somikið ung­um spælara, men fær hon í størri mun stuðul frá liðfeløgunum undan næsta finaludystinum, so kann Kyndil koma upp á tey 25 málini ella so, sum helst eru neyðug, um talan skal verða um tríggjar FM-finalur. Hondbóltur 39 ferðir hava kvinnurnar hjá Neistanum vunnið FM-gull. Eftir sigurin á Kyndli mikukvøldið kann rundi dagurin gerast veruleiki leygardagin Neistin hevur hondina á steypinum Fyrra kvinnufinalan