hósdagur 9. apríl 2015síða 44

Fríggjadagur 10. apríl 2015 sosialurin 40 44 ítróttur Tróndur Arge – Hoyvík Í seinastu sekundunum royna hoyvíkingar at fáa útjavnandi málið. Tað blívur ongantíð til eitt skot, tí verjan hjá vest­ menn­ingum stendur fyri. Tað endar við, at H71 fær fríkast, tá tíðn er farin. Har stendur so Hilmar Leon Jacobsen við bóltinum í hondini. Vegurin fram til málið og útjavnandi málið, sum hevði givið hoyvíkingum møguleikan at vunnið FM gull við sigri leygardagin, er blokkeraður av einum gulum manngarði. Vónin hjá H71 er ein ungur maður, sum skal skjóta eitt standandi skot fram við einum manngarði mann­að við millum annað Sámali Joensen og Heina Hanusarsyni. Hilmar Leon roynir at senda skotið fram­við mann­ garðinum, men rakar í arm­ar­nar á Sámali Joensen. Í sekundunum eftir skotið renna fegnir vestmenningar inn á vøllin, meðan vónbrotnu hoyvíkingarnar mugu ásanna, at hetta verður torført. Stúgvandi full høll Tað var ein stúgvandi full høll í Hoyvík, sum var karmur um fyrstu FM finlauna. Undan dystinum vóru vest­menningar mettir sum favorittar, eftir at teir vunnu steypagullið fyrr í ár, umframt at teir hava verið stinn­ ast í landskappingini. Hetta sást ikki á máltalvuni, tá farið var til hálvleiks, men á vøllinum hómaði tú, at VÍF mundi hava munin. Teir gjørdu færri feilir og tóktist hava gott tamarhald á bóltinum. Hoyvíkingar royndu at seta skjótt í gongd, tí VÍF skiftir tveir mans frá álops­støðu til verjustøðu. Hetta eydn­aðist til eitt vist. H71 megnaði hvørja ferð at vinna seg innaftur á VÍF, tá gestirnir fóru tvey ella trý mál framum. H71 tekur ikki av Eins og í fyrra hálvleiki, so var VÍF við yvirluta at kalla allan seinna hálvleik. Í løtum var munurin upp í trý mál og vestmenningar vóru á bóltinum, meðan tað í øðrum førum vóru hoyvíkingar, sum vóru um reppið at leggja seg á odda. Fimm minttir fyri tíð bragdar. H71 kemur á odda 20-19. Í nøkur fá sekund H71 í dreymalandi. Teir hava endiliga lagt seg á odda í dystinum, men bara fá sekundir seinni javnar Filip Jojic. – Tað iðrar okkum, at vit lata teir skora nøkur løtt mál, har vit gera persónlig mistøk í vejruni, sigur Halgir Dahl Olesen, hjálparvenjari hjá H71. Ingi Olsen, venjari hjá VÍF, fegnast hinvegin um, at tað eydnaðist VÍF at køva H71 so skjótt, eftir at teir komu á odda. Agnar avgerð Avgerandi málið skorar Agnar Joensen, tá hann enn eina ferð blív­ ur spældur leysur á strikuni. Við hans­ara fimta málið sendi hann vest­menn­ingar og VÍF á sigurskós. Agnar gekk á odda saman við Heina Hanusar­syni og Filip Jojic fyri VÍF. VÍF hevði fleiri álop, har teir fluttu bóltin runt leingi og leitaðu eftir møgu­leikum. Tað tóktist taka orkuna frá hoyvíkingum, sum gjørdu fleiri per­sónlig mistøk. – Vit vita, at H71 verjir á ein hátt, sum kostar nógva orku. Tí ætlaðu vit at spæla bóltin nógv runt og fáa teir at renna aftaná. Tað riggar partívs væl og tað gav pláss á strikuni til millum annað Agnar Joensen, greiðir Ingi Olsen frá. Í H71 leguni ásannar tey eisini, at tað var orkan, sum helst gekk undan. – Vit verja á ein hátt, sum krevur nógva orku og fokus. Tá vit blíva troyttir, so gera við persónlig mistøk, har eitt nú ikki telja rætt upp í verjuni, sigur Halgir Dahl Olesen. VÍF ræðist ikki favoritt leiklutin VÍF var mettur sum favorittur, at vinna FM undan fyrstu FM finaluni. Tann favoritt leikluturin er ikki blivin minni, eftir sigurin mikukvøldið. Ingi Olsen ásannar eisini, at tað er eitt heitið teir mugu liva við. – Øll hava gjørt okkum til favo­ rittar, so tað slepst nokk ikki undan at vit verða gjørdir til favorittar nú. Tað ávirkar ikki okkum, sigur Ingi Olsen at enda. Tað skal ein bjartskygdur hoy­ víkingur til, at trúgva upp á FM heitið 2015. H71 hevur tapt allar dystirnar móti VÍF hetta kappingarárið. Men tað er júst í tí statistikkinum, at hoy­ víkingar leitað eftur vónini. – Fyri hvørja ferð vit tapa móti VÍF, so er sigur eitt nærri. Tað er av­markað hvussu oftani vit kunnu tapa móti vestmenningum upp í slag, sigur Halgir Dahl Olesen eitt sindur bros­andi at enda. VÍF er eitt blátt og gult fet frá at vinna greipuna 2015. Vinna teir ella spæla javnt leygardagin, so FM gullið aftur í Vestmanna. trondur@sosialurin.fo Hondbóltur VÍF vann lítlan, men stóran sigur á H71 í fyrstu FM finaluni. Vestmenningar vunnu tepurt 25-24, men við sigrinum er VÍF eitt stórt fet nærri greipuni. Vestmenningar hava nú tveir møguleikar at tryggja sær FM gullið á heimavølli Eitt gult og blátt fet frá greipuni Fyrra mansfinalan Myndir: sigmar mørkøre